newsics.com
ದೇಹದ ಹಿಂಬದಿಯ ಫೋಟೋ ತೆಗೆದಿದ್ದನ್ನು ಕೆಲವು ನಟಿಯರು ಇತ್ತೀಚೆಗೆ ವಿರೋಧಿಸಿದ್ದಾರೆ. ಆದರೆ ಬಾಲಿವುಡ್ ನಟಿ ಶೆಫಾಲಿ ಜರಿವಾಲಾ ಅವರು ಬೇರೆಯದೇ ಅಭಿಪ್ರಾಯ ಹೊಂದಿದ್ದಾರೆ. ತಮ್ಮ ಫೋಟೋವನ್ನು ಹಿಂಬದಿಯಿಂದ ತೆಗೆದರೆ ಯಾವುದೇ ತೊಂದರೆ ಇಲ್ಲ ಎಂದು ಶೆಫಾಲಿ ಹೇಳಿದ್ದಾರೆ.
ನಟಿಯರ ಹಿಂಬದಿ ಫೋಟೋವನ್ನು ತೆಗೆದು, ಅದನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ‘ಈ ನಟಿ ಯಾರೆಂದು ಗುರುತಿಸಿ’ ಎಂಬ ಕ್ಯಾಪ್ಷನ್ಗಳನ್ನು ಅನೇಕ ಪಾಪರಾಜಿಗಳು ನೀಡುತ್ತಾರೆ. ಇದರ ವಿರುದ್ಧ ಜಾನ್ವಿ ಕಪೂರ್, ಮೃಣಾಲ್ ಠಾಕೂರ್, ಪಲಕ್ ತಿವಾರಿ ಮುಂತಾದ ನಟಿಯರು ಖಂಡಿಸಿದ್ದಾರೆ. ಆದರೆ ಶೆಫಾಲಿ ಜರಿವಾಲಾ ಅವರು ಆ ರೀತಿಯ ಕಟ್ಟುಪಾಡುಗಳನ್ನು ಇಟ್ಟುಕೊಂಡಿಲ್ಲ. ‘ನನಗೆ ತೊಂದರೆ ಏನಿಲ್ಲ. ನಾನು ಹಿಂಬದಿಗೂ ವರ್ಕೌಟ್ ಮಾಡುತ್ತೇನೆ. ಹಾಗಾಗಿ ಅದು ಚೆನ್ನಾಗಿ ಕಾಣುತ್ತದೆ’ ಎಂದು ಅವರು ಹೇಳಿಕೆ ನೀಡಿದ್ದರು.
ಮ್ಯೂಸಿಕ್ ವಿಡಿಯೋ, ರಿಯಾಲಿಟಿ ಶೋಗಳ ಮೂಲಕ ಶೆಫಾಲಿ ಅವರು ಫೇಮಸ್ ಆಗಿದ್ದಾರೆ. ಕನ್ನಡದ ‘ಹುಡುಗರು’ ಸಿನಿಮಾದಲ್ಲಿ ‘ನಾ ಬೋರ್ಡು ಇರದ ಬಸ್ಸನು ಹತ್ತಿ ಬಂದ ಚೋಕರಿ..’ ಹಾಡಿನಲ್ಲಿ ಪಂಕಜಾ ಆಗಿ ಕುಣಿಯುವ ಮೂಲಕ ಶೆಫಾಲಿ ಅವರು ಸ್ಯಾಂಡಲ್ವುಡ್ ಪ್ರೇಕ್ಷಕರಿಗೆ ಮನರಂಜನೆ ನೀಡಿದ್ದಾರೆ.
