ಹಾವುಗಳು ಮನುಷ್ಯರ ವಿರುದ್ಧ ಸೇಡು ತೀರಿಸಿಕೊಳ್ಳುತ್ತಾ?

newsics.com

ನಮ್ಮ ದೇಶದಲ್ಲಿ ನೀವು ನಾಗರಹಾವನ್ನು ಕೊಂದರೆ, ನಾಗರಹಾವು ಖಂಡಿತವಾಗಿಯೂ ಸೇಡು ತೀರಿಸಿಕೊಳ್ಳುತ್ತದೆ ಎಂದು ಸಾಮಾನ್ಯವಾಗಿ ಬಹುತೇಕರು ನಂಬುತ್ತಾರೆ.

ಆಸ್ಟ್ರೇಲಿಯಾದ ಪ್ರಸಿದ್ಧ ವಿಕ್ಟೋರಿಯಾ ವಸ್ತುಸಂಗ್ರಹಾಲಯವು ಹೆಚ್ಚಿನ ಸಂಖ್ಯೆಯ ಹಾವುಗಳನ್ನು ಹೊಂದಿದೆ. ಈ ವಸ್ತುಸಂಗ್ರಹಾಲಯ ಹಾವುಗಳಿಗೆ ಸಂಬಂಧಿಸಿದ ಅನೇಕ ವಿಷಯಗಳನ್ನು ಸಂಶೋಧನೆಯ ಮೂಲಕ ಅನ್ವೇಷಿಸುವುದನ್ನು ಮುಂದುವರೆಸಿಕೊಂಡು ಬಂದಿದೆ. ಅಧ್ಯಯನವನ್ನು ಅದರ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗಿದೆ.
ಹಾವಿನ ತಲೆಯನ್ನು ಕತ್ತರಿಸಿದರೆ ಅದು ಸೂರ್ಯ ಮುಳುಗುವವರೆಗೆ ಬದುಕುತ್ತದೆ ಎಂಬ ನಂಬಿಕೆ ಇದೆ. ಆದರೆ ಸತ್ಯವೇನೆಂದರೆ ತಲೆಯನ್ನು ಕತ್ತರಿಸಿದ ನಂತರ, ಹಾವಿನ ದೇಹವು ಸ್ವಲ್ಪ ಸಮಯದವರೆಗೆ ಮಾತ್ರ ಸಕ್ರಿಯವಾಗಿರುತ್ತದೆ, ಆದರೆ ಸೂರ್ಯಾಸ್ತದವರೆಗೂ ಅದು ಜೀವಂತವಾಗಿರುತ್ತದೆ ಅನ್ನೋದು ಕೇವಲ ಮೂಢನಂಬಿಕೆ ಅಷ್ಟೇ. ಕೆಲವೇ ಕ್ಷಣಗಳ ನಂತರ ಹಾವು ಸಾಯುತ್ತದೆ.

ತಾಯಿ ಹಾವುಗಳು ಅಪಾಯವನ್ನು ಎದುರಿಸಿದಾಗ ಅವುಗಳ ಮರಿಗಳನ್ನು ನುಂಗುವ ಮೂಲಕ ತಮ್ಮ ಮರಿಗಳನ್ನು ರಕ್ಷಿಸುತ್ತವೆ ಎಂದು ಬಹಳ ಹಿಂದಿನಿಂದಲೂ ನಂಬಲಾಗಿದೆ. ಆದರೆ ಕಪ್ಪೆಗಳು ಮತ್ತು ಮೀನುಗಳು ಮಾತ್ರ ತಮ್ಮ ಮರಿಗಳನ್ನು ನುಂಗುತ್ತವೆ ಎಂಬುದು ಸತ್ಯ. ಆದರೆ ಹಾವು ಹಾಗೆ ಮಾಡೋದಿಲ್ಲ. ಯಾಕೆಂದರೆ ಅದನ್ನು ನುಂಗಿದರೆ ಹಾವಿನ ಜೀರ್ಣರಸದಿಂದ ತಕ್ಷಣ ಒಳಗೆ ಹೋಗಿ ಸಾಯುತ್ತದೆ. ಜೀವಂತವಾಗಿ ಹೊರಬರುವುದಿಲ್ಲ.

ಹಾವನ್ನು ಕೊಂದರೆ ನಾಗರಹಾವು ಪ್ರತೀಕಾರ ತೀರಿಸಿಕೊಳ್ಳುವುದು ಖಚಿತ ಎಂಬ ಮಾತು ಜನಜನಿತ. ಆದರೆ ಹಾವುಗಳು ಯಾವುದೇ ಸಾಮಾಜಿಕ ಬಂಧಗಳನ್ನು ಹೊಂದಿರುವುದಿಲ್ಲ ಅಥವಾ ಆಕ್ರಮಣಕಾರರನ್ನು ಗುರುತಿಸುವುದಿಲ್ಲ ಮತ್ತು ಅವುಗಳ ಬುದ್ಧಿವಂತಿಕೆ ಅಥವಾ ಸ್ಮರಣೆಯು ಅಷ್ಟು ತೀಕ್ಷ್ಣವಾಗಿರುವುದಿಲ್ಲ. ಹಾವುಗಳನ್ನು ಕೊಂದರೆ ಪ್ರತೀಕಾರ ತೀರಿಸುತ್ತದೆ ಅನ್ನೋದು ಕೇವಲ ಮೂಢನಂಬಿಕೆ ಅಷ್ಟೇ. ಇದು ವೈಜ್ಞಾನಿಕವಾಗಿ ಇನ್ನೂ ಪ್ರೂವ್ ಆಗಿಲ್ಲ.