https://youtube.com/shorts/8CqHwGKEL5g?si=1-oJ_JGuSNaYETpQ
Subscribe ನ್ಯೂಸಿಕ್ಸ್ ಕನ್ನಡ
newsics.com
ಬಾಂಗ್ಲಾದೇಶದಲ್ಲಿ ಮತ್ತೊಂದು ಅಪಾಯಕಾರಿ ವೈರಸ್ ಪತ್ತೆಯಾಗಿದ್ದು, ಇದು ಖರ್ಜೂರದ ಜ್ಯೂಸ್ ಸೇವನೆಯಿಂದ ಈ ಸೋಂಕು ಹರಡುತ್ತಿದೆ ಎಂಬುದು ಸಂಶೋಧನೆಗಳಿಂದ ಗೊತ್ತಾಗಿದೆ. ಆರಂಭದಲ್ಲಿ ಇದನ್ನು ನಿಫಾ ವೈರಸ್ ಎಂದು ಶಂಕಿಸಲಾಗಿದ್ದರೂ, ನಂತರ ಇದು ಪ್ಟೆರೋಪಿನ್ ಆರ್ಥೋರಿಯೊವೈರಸ್ ಎಂದು ಗುರುತಿಸಲಾಗಿದೆ.
ಬಾಂಗ್ಲಾದೇಶದ ವಿಜ್ಞಾನಿಗಳು ಇತ್ತೀಚೆಗೆ ಟೆರಾಪೈನ್ ಆರ್ಥೋರಿಯೊವೈರಸ್ ಅಥವಾ ಪ್ಟೆರೋಪಿನ್ ಆರ್ಥೋರಿಯೊವೈರಸ್ ಎಂಬ ಹೊಸ ವೈರಸ್ ಅನ್ನು ಗುರುತಿಸಿದ್ದಾರೆ.
ಡಿಸೆಂಬರ್ 2022ರಿಂದ ಮಾರ್ಚ್ 2023ರ ಅವಧಿಯಲ್ಲಿ ಐದು ರೋಗಿಗಳು ತೀವ್ರ ಲಕ್ಷಣಗಳೊಂದಿಗೆ ಆಸ್ಪತ್ರೆಗಳಿಗೆ ದಾಖಲಾಗಿದ್ದರು. ಆರಂಭದಲ್ಲಿ ಇವರಲ್ಲಿ ನಿಫಾ ಸೋಂಕು ಇರಬಹುದು ಎಂದು ಭಾವಿಸಲಾಗಿತ್ತು. ಆದರೆ ಪರೀಕ್ಷೆಗಳು ನೆಗಟಿವ್ ಬಂದ ಬಳಿಕ, ಹೆಚ್ಚಿನ ಅಧ್ಯಯನ ನಡೆಸಿದಾಗ ಈ ಹೊಸ ವೈರಸ್ ಪತ್ತೆಯಾಯಿತು.
ಎಲ್ಲಾ ರೋಗಿಗಳು ಖರ್ಜೂರದ ಜ್ಯೂಸ್ ಅನ್ನು ಸೇವಿಸಿದ್ದರೆಂಬುದು ಸಾಮಾನ್ಯ ಅಂಶವಾಗಿತ್ತು. ಅದರಲ್ಲೂ, ಬಾವಲಿಗಳು ಈ ರಸವನ್ನು ಕುಡಿಯುವಾಗ ಮಲದ ಮೂಲಕ ವೈರಸ್ ಮಿಶ್ರಣವಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
ನಂತರ ಅದೇ ರಸವನ್ನು ಮನುಷ್ಯರು ಸೇವಿಸಿದಾಗ ಸೋಂಕು ದೇಹಕ್ಕೆ ಪ್ರವೇಶಿಸುತ್ತದೆ. ಹೀಗೆ ಬಾಂಗ್ಲಾದೇಶದ ಗ್ರಾಮೀಣ ಪ್ರದೇಶಗಳಲ್ಲಿ ಜ್ಯೂಸ್ ಸೇವನೆ ಸಾಮಾನ್ಯವಾಗಿರುವುದರಿಂದ ಅಪಾಯ ಹೆಚ್ಚಾಗಿದೆ.
ಈ ವೈರಸ್ನಿಂದ ಸೋಂಕಿತರು ಜ್ವರ, ತೀವ್ರ ತಲೆನೋವು, ವಾಂತಿ, ಅತಿಯಾದ ಆಯಾಸ ಮತ್ತು ಉಸಿರಾಟದ ತೊಂದರೆ ಅನುಭವಿಸಿದ್ದಾರೆ. ಕೆಲವರಲ್ಲಿ ನರಮಂಡಲ ದುರ್ಬಲತೆ ಮತ್ತು ಅತಿಯಾದ ಜೊಲ್ಲು ಸುರಿಯುವ ಲಕ್ಷಣಗಳೂ ಕಂಡುಬಂದಿವೆ. ಆಸ್ಪತ್ರೆಯಿಂದ ಬಿಡುಗಡೆಯಾದ ಬಳಿಕವೂ ಕೆಲವು ರೋಗಿಗಳು ದೀರ್ಘಕಾಲದ ಆಯಾಸ ಮತ್ತು ನಡೆಯಲು ಕಷ್ಟವಾಗುತ್ತಿರುವುದಾಗಿ ತಿಳಿಸಿದ್ದಾರೆ. ಒಬ್ಬ ರೋಗಿ 2024ರಲ್ಲಿ ಮೃತಪಟ್ಟಿರುವುದು ಆತಂಕ ಹೆಚ್ಚಿಸಿದೆ.
