Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಬೆಂಗಳೂರು:ಅತ್ತೆ-ಮಾವ ಮತ್ತು ಪತಿ ನಿಂದನೆ ಮಾಡಿದ್ದಾರೆಂಬ ಕೇವಲ ಹೇಳಿಕೆ ಕ್ರಿಮಿನಲ್ ಮೊಕದ್ದಮೆಗೆ ಆಧಾರವಾಗುವುದಿಲ್ಲ. ನಿರ್ದಿಷ್ಟ ಪ್ರಕರಣ, ದಿನಾಂಕ, ಸ್ಥಳದ ವಿವರಗಳಿಲ್ಲದ ಆರೋಪಗಳು ಆಧಾರರಹಿತ. ಅರ್ಜಿದಾರರ ವಿರುದ್ಧದ ವಿಚಾರಣೆ ಮುಂದುವರಿಸುವುದು ಕಾನೂನು ಪ್ರಕ್ರಿಯೆಯ ದುರುಪಯೋಗ. ನ್ಯಾಯಾಲಯ ಪ್ರಕರಣ ರದ್ದುಪಡಿಸಿದೆ.
ಪತ್ನಿ ಅಬೇದಾ ಅವರ ಪತಿ ಮೊಹಮ್ಮದ್ ನೂರುದ್ದೀನ್ ಜುಮ್ನಾ ಮತ್ತಿತರ ಐವರ ವಿರುದ್ಧದ ವಿಚಾರಣೆ ರದ್ದುಗೊಳಿಸುವಾಗ ನ್ಯಾಯಮೂರ್ತಿ ಸಚಿನ್ ಶಂಕರ್ ಮಗದುಮ್ ಅವರಿದ್ದ ಏಕಸದಸ್ಯ ಪೀಠ (ಕಲಬುರಗಿ), ಈ ಅಭಿಪ್ರಾಯ ವ್ಯಕ್ತಪಡಿಸಿದೆ.
ದಾಖಲೆ ಪರಿಶೀಲಿಸಿದ ನಂತರ ನ್ಯಾಯಪೀಠ ‘ಕೌಟುಂಬಿಕ ವಿಭಜನೆಯಾಗಿತ್ತು ಎಂದು ದೂರುದಾರರು ಸ್ಪಷ್ಟವಾಗಿ ಒಪ್ಪಿಕೊಂಡಿದ್ದಾರೆ. ಅದರ ಪ್ರಕಾರ, ಮೂರು ಕೊಠಡಿಗಳನ್ನು ಒಳಗೊಂಡ ಪ್ರತ್ಯೇಕ ವಸತಿ ಭಾಗವನ್ನು ನೀಡಲಾಗಿದೆ. ಅಲ್ಲಿಅರ್ಜಿದಾರರು ಪ್ರತ್ಯೇಕವಾಗಿ ವಾಸಿಸುತ್ತಿದ್ದರು ಮತ್ತು ದೂರುದಾರರೊಂದಿಗೆ ಸಾಮಾನ್ಯ ಮನೆಯಲ್ಲಿಹಂಚಿಕೊಂಡು ಬದುಕುತ್ತಿರಲಿಲ್ಲವೆಂದು ಸೂಚಿಸುತ್ತದೆ ಎಂದು ಹೇಳಿದೆ.
ಅಲ್ಲದೆ, ‘ದೂರುದಾರರು ನೂರುದ್ದೀನ್ ಗಲ್್ಫ ಪ್ರದೇಶದಲ್ಲಿದೀರ್ಘಕಾಲ ವಾಸಿಸುತ್ತಿದ್ದುದ್ದನ್ನು ಪದೇಪದೆ ಉಲ್ಲೇಖಿಸಿದ್ದಾರೆ. ಇದು ವೈವಾಹಿಕ ಕಲಹಕ್ಕೆ ಪ್ರಾಥಮಿಕ ಕಾರಣವೆಂದು ತೋರುತ್ತದೆ. ಆದ್ದರಿಂದ ಅರ್ಜಿದಾರರ ವಿರುದ್ಧದ ಆರೋಪಗಳು ಆಧಾರರಹಿತವಾಗಿವೆ. ದಿನಾಂಕ, ಸಮಯ, ಸ್ಥಳ ಅಥವಾ ನಿರ್ದಿಷ್ಟ ಕೃತ್ಯಗಳ ಯಾವುದೇ ವಿವರಗಳಿಲ್ಲ,ಎಂದು ನ್ಯಾಯಾಲಯ ತಿಳಿಸಿದೆ.
