ಎಣ್ಣೆಪ್ರಿಯರೇ ಎಚ್ಚರ… ಮದ್ಯಪಾನದಿಂದ ಬಾಯಿ ಕ್ಯಾನ್ಸರ್: ಟಾಟಾ ಸಂಶೋಧನೆಯಲ್ಲಿ ಬಹಿರಂಗ

Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube

newsics.com

ಮದ್ಯಪಾನದಲ್ಲಿ ಯಾವುದೇ ಸುರಕ್ಷಿತ ಮಿತಿ ಇಲ್ಲ ಮತ್ತು ಅತಿ ಕಡಿಮೆ ಪ್ರಮಾಣದ ಮದ್ಯಸೇವನೆಯೂ ಬಾಯಿ ಕ್ಯಾನ್ಸರ್ ಅಪಾಯವನ್ನು ತಂದೊಡ್ಡುತ್ತದೆ ಎಂದು ಮುಂಬೈನ ಟಾಟಾ ಮೆಮೋರಿಯಲ್ ಸೆಂಟರ್‌ನ ಅಡ್ವಾನ್ಸ್ಡ್ ಸೆಂಟರ್ ಫಾರ್ ಟ್ರೀಟ್ಮೆಂಟ್, ರಿಸರ್ಚ್ ಅಂಡ್ ಎಜುಕೇಶನ್ ಇನ್ ಕ್ಯಾನ್ಸರ್ (ACTREC) ನಡೆಸಿರುವ ಹೊಸ ಸಂಶೋಧನೆಯಲ್ಲಿ ಬಯಲಾಗಿದೆ.

ಕಡಿಮೆ ಪ್ರಮಾಣವೂ ಅಪಾಯಕಾರಿ: ದಿನಕ್ಕೆ ಕೇವಲ ಒಂದು ‘ಸ್ಟ್ಯಾಂಡರ್ಡ್ ಡ್ರಿಂಕ್’ ಸೇವಿಸುವ ಭಾರತೀಯರಲ್ಲಿ ಬಾಯಿ ಕ್ಯಾನ್ಸರ್ ಬರುವ ಸಾಧ್ಯತೆ ಶೇ. 50 ರಷ್ಟು ಹೆಚ್ಚಿರುತ್ತದೆ.

ಸ್ಥಳೀಯ ಮದ್ಯ ಅತಿ ಹೆಚ್ಚು ಅಪಾಯಕಾರಿ: ಬಿಯರ್, ವಿಸ್ಕಿ, ವೈನ್ ಮಾತ್ರವಲ್ಲದೆ, ಭಾರತದಲ್ಲಿ ತಯಾರಾಗುವ ಮಹುವಾ, ಸೇಂದಿ, ದೇಶಿ ದಾರು ಅಥವಾ ಥಾರ್ರಾದಂತಹ ಸ್ಥಳೀಯ ಮದ್ಯಗಳು ಕ್ಯಾನ್ಸರ್ ಅಪಾಯವನ್ನು ದುಪ್ಪಟ್ಟು ಮಾಡುತ್ತವೆ.

ತಂಬಾಕು ಮತ್ತು ಮದ್ಯದ ಕಾಂಬಿನೇಷನ್: ಮೊದಲ ಬಾರಿಗೆ ಈ ಅಧ್ಯಯನವು ಒಂದು ಆಘಾತಕಾರಿ ವಿಷಯವನ್ನು ದೃಢಪಡಿಸಿದೆ. ತಂಬಾಕು ಜಗಿಯುವ ಅಭ್ಯಾಸದ ಜೊತೆಗೆ ಮದ್ಯಪಾನ ಮಾಡುವವರಿಗೆ, ಈ ಎರಡೂ ಅಭ್ಯಾಸಗಳಿಲ್ಲದವರಿಗಿಂತ ಕ್ಯಾನ್ಸರ್ ಬರುವ ಅಪಾಯ 4 ಪಟ್ಟು ಹೆಚ್ಚಾಗಿರುತ್ತದೆ.

ಕ್ಯಾನ್ಸರ್‌ನಿಂದ ಸಾವು: ಭಾರತದಲ್ಲಿ ಬಾಯಿ ಕ್ಯಾನ್ಸರ್ ಎರಡನೇ ಅತಿ ಸಾಮಾನ್ಯ ಕ್ಯಾನ್ಸರ್ ಆಗಿದೆ. ಪ್ರತಿ ವರ್ಷ ಅಂದಾಜು 1.43 ಲಕ್ಷ ಹೊಸ ಪ್ರಕರಣಗಳು ವರದಿಯಾಗುತ್ತಿದ್ದು, ಸುಮಾರು 80,000 ಜನರು ಇದರಿಂದ ಸಾವನ್ನಪ್ಪುತ್ತಿದ್ದಾರೆ. ಈ ಕಾಯಿಲೆ ಬಂದವರಲ್ಲಿ ಶೇ. 50 ರಷ್ಟು ಜನರು ಮಾತ್ರ 5 ವರ್ಷಗಳಿಗಿಂತ ಹೆಚ್ಚು ಕಾಲ ಬದುಕುತ್ತಾರೆ.

ಯಾವ ರಾಜ್ಯಗಳಲ್ಲಿ ಹೆಚ್ಚು ಅಪಾಯ? ಅರುಣಾಚಲ ಪ್ರದೇಶ, ಮೇಘಾಲಯ, ಅಸ್ಸಾಂ, ತೆಲಂಗಾಣ ಮತ್ತು ಮಧ್ಯಪ್ರದೇಶದಂತಹ ರಾಜ್ಯಗಳಲ್ಲಿ ಮದ್ಯಪಾನದ ಕಾರಣದಿಂದ ಬಾಯಿ ಕ್ಯಾನ್ಸರ್ ಬರುವ ಪ್ರಕರಣಗಳು ಶೇ. 15 ಕ್ಕಿಂತ ಹೆಚ್ಚಿವೆ. ಆದರೆ ಮದ್ಯಪಾನ ನಿಷೇಧವಿರುವ ಗುಜರಾತ್‌ನಂತಹ ರಾಜ್ಯಗಳಲ್ಲಿ ಈ ಅಪಾಯ ಗಣನೀಯವಾಗಿ ಕಡಿಮೆಯಿದೆ ಎಂದು ಸಂಶೋಧನೆ ತಿಳಿಸಿದೆ.

ನಿಯಂತ್ರಣ ನೀತಿಯ ಅಗತ್ಯತೆ: ACTREC ನಿರ್ದೇಶಕ ಡಾ. ಪಂಕಜ್ ಚತುರ್ವೇದಿ ಅವರು ಮಾತನಾಡಿ, “ಭಾರತದಲ್ಲಿ ಮದ್ಯಪಾನ ನಿಯಂತ್ರಣ ನೀತಿಯನ್ನು ಬಲಪಡಿಸಲು ಇದು ಸರಿಯಾದ ಸಮಯ. ಕೆಲವು ಸ್ಥಳೀಯ ಮದ್ಯಗಳಲ್ಲಿ ಶೇ. 90 ರಷ್ಟು ಆಲ್ಕೋಹಾಲ್ ಇರುತ್ತದೆ, ಇದು ಜೀವಕ್ಕೆ ಅತ್ಯಂತ ಅಪಾಯಕಾರಿ ಎಂದು ಎಚ್ಚರಿಸಿದ್ದಾರೆ.

https://www.newsics.com/2025/12/26/sinful-husband-sets-wife-four-others-on-fire-for-insurance-money/