newsics.com
ಜೈಪುರ: ವಯೋವೃದ್ಧರೊಬ್ಬರ ಮೇಲೆ ಕಳ್ಳರು ಹಲ್ಲೆ ಮಾಡಿ ಅವರ ಕಿವಿಯನ್ನು ಕತ್ತರಿಸಿ, ಬಂಗಾರದ ಕಿವಿಯೋಲೆಯನ್ನು ತೆಗೆದುಕೊಂಡು ಹೋಗಿದ್ದಾರೆ.
ಹಲ್ಲೆಗೊಳಗಾದ ವ್ಯಕ್ತಿಯನ್ನು ಹೀರಾಲಾಲ್ ಎಂದು ಗುರುತಿಸಲಾಗಿದೆ.ರಾಜಸ್ಥಾನದ ಧರಿಯಾವಾಡ ಜಿಲ್ಲೆಯ ಮುಂಗಾನಾ ಗ್ರಾಮದಲ್ಲಿ ನಡೆದಿದೆ.
ಕಳ್ಳ ಗ್ಯಾಂಗ್ ಅವರ ಮನೆಯನ್ನೇ ಟಾರ್ಗೆಟ್ ಮಾಡಿಕೊಂಡು ಬಂದಿದ್ದಾರೆ. ಇಡೀ ರಾತ್ರಿ ಮನೆಯನ್ನೆಲ್ಲಾ ಜಾಲಾಡಿದಾಗ ಅವರಿಗೆ ಏನೂ ಸಿಕ್ಕಿಲ್ಲ, ಕೊನೆಗೆ ಮಲಗಿದ್ದ ಹೀರಾಲಾಲ್ ಅವರ ಕಿವಿಯಲ್ಲಿದ್ದ ಓಲೆಗಳನ್ನು ಕದ್ದೊಯ್ಯಲು ಅವರ ಕಿವಿಗಳನ್ನೇ ಕುಯ್ದುಕೊಂಡು ಹೋಗಿದ್ದಾರೆ.
ಎರಡು ಕಿವಿಯನ್ನು ಕತ್ತರಿಸಿದ ಕಾರಣ ವಿಪರೀತ ರಕ್ತಸ್ರಾವವಾಗಿದೆ ಕೂಡಲೇ ಅವರನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅಜ್ಜನ ಎರಡು ಕಿವಿಗಳಿಗೆ ಒಟ್ಟು ಏಳು ಹೋಲಿಗೆಗಳು ಬಿದ್ದಿವೆ.
