Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಕಾಸರಗೋಡು: ಯುವತಿಯೊರ್ವಳು ಪ್ರತಿ ದಿನವೂ ಸ್ಕೂಟರ್ನಲ್ಲಿ ತನ್ನ ಕಾರ್ಯಕ್ಷೇತ್ರಕ್ಕೆ ಹೋಗಿ ಕೆಲಸಮಾಡುತ್ತಾ ಸ್ವಾವಲಂಬಿಯಾಗಿ ಬದುಕುತ್ತಿದ್ದಾರೆ.
ಅಜ್ಜಕ್ಕಳಮೂಲೆಯ ಹರಿಣಾಕ್ಷಿ ಎಂಬುವರು ಬೆಳಗ್ಗೆ ಎಂಟು ಗಂಟೆಗೆ ಸ್ಕೂಟರ್ ನಲ್ಲಿ ಹೋಗಿ ತೆಂಗಿನ ಕಾಯಿ ಸುಲಿಯುವ ಕೆಲಸ ಆರಂಭಿಸಿದರೆ ಅಪರಾಹ್ನ 2 ಗಂಟೆವರೆಗೆ ದುಡಿಯುತ್ತಾರೆ. 6 ಗಂಟೆ ಯಲ್ಲಿ 1,200 ರೂ. ಸಂಪಾದಿಸಿ ಮನೆಗೆ ಮರಳುತ್ತಾರೆ!
ಅವರ ಮನೆಯಲ್ಲಿ ದನಗಳಿವೆ. ಸಾಯಂಕಾಲ ಹಾಲು ಕರೆದು ಡೈರಿಗೆ 12 ಲೀಟರ್ ಹಾಲು ಹಾಕಿ ಮರಳಿ ಬರುವಾಗ ಇಬ್ಬರು ಮಕ್ಕಳನ್ನು ಸ್ಕೂಟರ್ನಲ್ಲೇ ಕರೆತರುತ್ತಾರೆ. ಅವರೀಗ ಎಷ್ಟು ಬ್ಯುಸಿ ಎಂದರೆ ತಮ್ಮ ಕಷ್ಟದ ಬದುಕಿನ ಬಗ್ಗೆ ಯೋಚಿಸುತ್ತಾ ಕೂರುವುದಕ್ಕೂ ಸಮಯವಿಲ್ಲ. 9ನೇ ತರಗತಿಯಲ್ಲಿ ಕಲಿಯುತ್ತಿರುವ ಮಗಳು, ಆರನೇ ಕ್ಲಾಸಿನ ಮಗನನ್ನು ಚೆನ್ನಾಗಿ ನೋಡಿಕೊಳ್ಳುವುದು ಅವರ ಗುರಿ.
ಹರಿಣಾಕ್ಷಿ ಅವರ ಮೂಲ ಊರು ಮಡಿಕೇರಿ ತಾಲೂಕಿನ ಮರಗೋಡು ಗ್ರಾಮ. ಎಸೆಸೆಲ್ಸಿ ಪಾಸ್ ಬಳಿಕ ಆಯುರ್ವೇದ ಥೆರಪಿ ಕೋರ್ಸ್ ಪೂರ್ಣಗೊಳಿಸಿದ ಬಳಿಕ ಮದುವೆಯಾಗುತ್ತಾರೆ. ಗಂಡ – ಹೆಂಡತಿ ಇಬ್ಬರಿಗೂ ಆಯುರ್ವೇದ ಥೆರಪಿಸ್ಟ್ ಆಗಿ ಬೆಂಗಳೂರಿನಲ್ಲಿ ಕೆಲಸ ಸಿಗುತ್ತದೆ.
2ನೇ ಮಗುವಿಗೆ ಜನ್ಮ ನೀಡಿದ ಕೆಲವೇ ದಿನದಲ್ಲಿ ಪತಿ ಯಾವುದೋ ಕಾರಣಕ್ಕೆ ಕುಟುಂಬವನ್ನು ಬಿಟ್ಟು ದೂರವಾಗಿದ್ದಾರೆ. ಆರಂಭದಲ್ಲಿ ಕೆಲಸದ ನೆಪದಲ್ಲಿ ವಾರಕ್ಕೊಮ್ಮೆ, ಬಳಿಕ ತಿಂಗಳಿಗೊಮ್ಮೆ ಬರುತ್ತಿದ್ದವರು ಬಳಿಕ ಶಾಶ್ವತವಾಗಿ ದೂರವಾದರು.
ಇದರ ನಡುವೆ ಹರಿಣಾಕ್ಷಿ ಅವರು ಕಾಸರಗೋಡಿನ ಎಣ್ಮಕಜೆಯ ಅಜಕ್ಕಳಮೂಲೆಯಲ್ಲಿ ತನ್ನ ಗೆಳತಿಯ ಮೂಲಕ 16 ಸೆಂಟ್ಸ್ ಜಾಗ ಖರೀದಿಸಿದ್ದರು. ಅಲ್ಲಿ 25 ಅಡಿಕೆ ಗಿಡ ನೆಟ್ಟಿದ್ದರು. ಆದರೆ ಬದುಕಿಗೆ ಅದರ ಆದಾಯ ಸಾಕಾಗುತ್ತಿರಲಿಲ್ಲ.
“ಬದುಕಲು ದುಡಿಯಲೇ ಬೇಕಿತ್ತು. ಆರಂಭದಲ್ಲಿ ಹತ್ತಿರದ ಮನೆಗಳಲ್ಲಿ ಕೂಲಿ ಕೆಲಸ ಮಾಡುತ್ತಿದ್ದೆ. ಇಡೀ ದಿನ ದುಡಿದರೆ ಸಿಗುವ 250 ರೂ ಕೂಲಿ. ಎಲ್ಲಿಗೂ ಸಾಲುತ್ತಿರಲಿಲ್ಲ. ತೋಟದ ಕೆಲಸ ಸಂದರ್ಭ ತೆಂಗಿನಕಾಯಿ, ಅಡಿಕೆ ಸುಲಿ ಯುವ ಕೆಲಸ ಕೂಡ ಮಾಡುತ್ತಿದ್ದೆ. ಒಂದು ತೆಂಗಿನ ಕಾಯಿ ಸುಲಿದರೆ 1 ರೂ ಸಿಗುತ್ತದೆ ಎಂದು ತಿಳಿಯಿತು.
ಅಷ್ಟು ಹೊತ್ತಿಗೆ ಗಂಟೆಗೆ 100 ಕಾಯಿ ಸುಲಿಯುವ ಪರಿಣತಿ ಪಡೆದಿದ್ದೆ. ಐದು ಗಂಟೆ ಇದೇ ಕೆಲಸ ಮಾಡಿದರೆ ದಿನದಲ್ಲಿ 500 ರೂ. ಗಳಿಸಬಹುದು ಎಂದು ಸರಳ ಲೆಕ್ಕಾಚಾರ ಹಾಕಿದೆ. ಈಗ ಗಂಟೆಗೆ 200 ಕಾಯಿ ಸುಲಿಯುವ ಸಾಮರ್ಥ್ಯ ಪಡೆದಿದ್ದೇನೆ’ ಎಂದು ಹರಿಣಾಕ್ಷಿ ಹೇಳಿದ್ದಾರೆ. ತನ್ನ ದ್ವಿಚಕ್ರ ವಾಹನದಲ್ಲಿ ಸುಮಾರು 18 ಕಿ.ಮೀ. ವ್ಯಾಪ್ತಿಯಲ್ಲಿ ಸಂಚರಿಸಿ ಆಕೆ ತೆಂಗಿನ ಕಾಯಿ ಸುಲಿಯುತ್ತಾರೆ.
ಹರಿಣಾಕ್ಷಿ ಅವರ ಹೋರಾಟದ ಬದುಕು ನೋಡಿದ ಅದೆಷ್ಟೋ ಮಹಿಳೆಯರು ಈಗ ತಾವೂ ಈ ಉದ್ಯೋಗಕ್ಕೆ ಮುಂದಾಗುತ್ತಿದ್ದಾರೆ. ಕೆಲಸಕ್ಕೆ ಸಿದ್ಧವಿರುವ ಹಲವರಲ್ಲಿ ವಾಹನ ಇರುವುದಿಲ್ಲ ಸ್ವಂತ ವಾಹನ ಇರುವುದು ಸಹಕಾರಿಯಾಗಿದೆ ಎನ್ನುತ್ತಾರೆ ಹರಿಣಾಕ್ಷಿ.
14ರ ಬಾಲಕನಿಗೆ ಸೆಕ್ಸ್ ಮಾಡುವಂತೆ ಒತ್ತಾಯಿಸಿದ 54ರ ಆಂಟಿ: ಜೈಲು ಶಿಕ್ಷೆ ನೀಡಿದ ಕೋರ್ಟ್
