newsics.com
ಚೆನ್ನೈ: ದೇಶದ ಮೊಟ್ಟ ಮೊದಲ ಹೈಡ್ರೋಜನ್ ಚಾಲಿತ ರೈಲು ಪರೀಕ್ಷೆಯನ್ನು ಭಾರತದ ರೈಲ್ವೆ ಇಲಾಖೆಯೂ ಯಶಸ್ವಿಯಾಗಿ ನೆರವೇರಿಸಿದೆ.
ಇಂಧನದ ವೆಚ್ಚ ಕಡಿಮೆ ಮಾಡುವುದು ಮತ್ತು ಪರಿಸರದ ಮೇಲೆ ಉಂಟಾಗುವ ಪರಿಣಾಮವನ್ನು ತಗ್ಗಿಸುವ ಉದ್ದೇಶವಿರುವ ಈ ಯೋಜನೆಯು, ಭಾರತವನ್ನು ಹೈಡ್ರೋಜನ್ ತಂತ್ರಜ್ಞಾನದಲ್ಲಿ ಮುಂದುವರಿದ ದೇಶಗಳ ಪಟ್ಟಿಗೆ ಸೇರಿಸಿದೆ.
ಈ ಕೋಚ್ ಚಾಲನಾ ಶಕ್ತಿಯ ಎಂಜಿನ್ ಆಗಿದ್ದು, ಇದನ್ನು ಸಂಪೂರ್ಣವಾಗಿ ಸ್ಥಳೀಯ ತಂತ್ರಜ್ಞಾನದೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ. ಆಗಸ್ಟ್ ಅಂತ್ಯದ ವೇಳೆಗೆ ಭಾರತದ ಮೊದಲ ಹೈಡ್ರೋಜನ್ ಚಾಲಿತ ರೈಲು ಓಡಾಡಲು ಸಿದ್ಧತೆಗಳು ನಡೆಯುತ್ತಿವೆ.
ಚೆನ್ನೈನ ಇಂಟಿಗ್ರಲ್ ಕೋಚ್ ಫ್ಯಾಕ್ಟರಿ (ICF) ನಲ್ಲಿ ಅಭಿವೃದ್ಧಿಗೊಂಡ ಹೈಡ್ರೋಜನ್ ರೈಲು ಸಂಪೂರ್ಣ ದೇಶೀಯವಾಗಿ ನಿರ್ಮಾಣಗೊಂಡಿದೆ. ಈ ಹೈಡ್ರೋಜನ್ ರೈಲು ಹರಿಯಾಣದ ಜಿಂದ್-ಸೋನಿಪತ್ ಮಾರ್ಗದಲ್ಲಿ 89 ಕಿ.ಮೀ ದೂರ ಪ್ರಯಾಣಿಸಿದ್ದು, ಯಶಸ್ವಿಯಾಗಿ ಓಡಿದೆ. ಸುಮಾರು 110 ಕಿ.ಮೀ/ಗಂ ಸರಾಸರಿ ವೇಗ ಹೊಂದಿರುವ ಈ ರೈಲು, ಎರಡು ತುದಿಗಳಲ್ಲೂ ಹೈಡ್ರೋಜನ್ ಇಂಜಿನ್ ಹೊಂದಿದ್ದು, ಶೀಘ್ರದಲ್ಲೇ ವಾಣಿಜ್ಯ ಸೇವೆ ಆರಂಭಿಸುವ ನಿರೀಕ್ಷೆಯಿದೆ.
ಇವೆಲ್ಲವನ್ನು ಸೇರಿಸಿ ಸಂಪೂರ್ಣ ಯೋಜನೆಯ ಬಜೆಟ್ ₹2800 ಕೋಟಿ ರೂಪಾಯಿ ಎಂದು ಸಚಿವಾಲಯ ತಿಳಿಸಿದೆ. ಈ ಪೈಲಟ್ ಹಂತದ ಪ್ರಸ್ತುತ ಯೋಜನೆಗೆ ಮಾತ್ರ ₹111.83 ಕೋಟಿ ವೆಚ್ಚವಾಗಿದ್ದು, ಮೊದಲ ಹೈಡ್ರೋಜನ್ ಲೋಕೋಮೋಟಿವ್ ಅನ್ನು 2025ರ ಆಗಸ್ಟ್ 31ರೊಳಗೆ ಬಿಡುಗಡೆ ಮಾಡುವ ಗುರಿ ಇಡಲಾಗಿದೆ.
ಈಗಾಗಲೇ ಈ ಹೈಡ್ರೋಜನ್ ಟ್ರೈನ್ಗಳು ವಿಶ್ವದಲ್ಲಿ ಕೆಲವು ದೇಶಗಳಲ್ಲಿ ಸಂಚಾರ ಮಾಡುತ್ತಿವೆ. ಸ್ವೀಡನ್, ಜರ್ಮನಿ, ಚೀನಾ ಮತ್ತು ಫ್ರಾನ್ಸ್ ಹೈಡ್ರೋಜನ್ ಚಾಲಿತ ರೈಲುಗಳು ಸಂಚಾರ ಮಾಡುತ್ತಿದ್ದು ಈ ಸಾಲಿಗೆ ಈಗ ಭಾರತ ಕೂಡ ಸೇರಿಕೊಳ್ಳಲಿದೆ. ಭಾರತ ಸದ್ಯ 1200 ಹಾರ್ಸ್ಪವರ್ ಹೊಂದುವಂತಹ ಅತ್ಯಾಧುನಿ ತಂತ್ರಜ್ಞಾನ ಇರುವ ರೈಲನ್ನು ಅಭಿವೃದ್ಧಿ ಪಡಿಸುವ ಕೆಲಸ ಮಾಡುತ್ತಿದೆ.
ಇನ್ನು ಹೈಡ್ರೋಜನ್ ಚಾಲಿತ ರೈಲನ್ನು ಹರಿಯಾಣದ ಜಿಂದ್-ಸೋನಿಪಾತ್ವರೆಗೆ ಟೆಸ್ಟ್ ಮಾಡಲಾಗಿದೆ. ಒಟ್ಟು 89 ಕಿಲೋ ಮೀಟರ್ ಅಷ್ಟು ದೂರ ಈ ಪರೀಕ್ಷೆ ಮಾಡಲಾಗಿದ್ದು ಎಲ್ಲದರಲ್ಲೂ ಫಲಿತಾಂಶ ಉತ್ತಮ ಮಟ್ಟದಲ್ಲಿ ಬಂದಿದೆ. ಹೀಗಾಗಿ ಈ ವರ್ಷದ ಕೊನೆಯಲ್ಲಿ 8 ಬೋಗಿಗಳನ್ನು ಹೊಂದಿರುವಂತಹ ನಾನ್ ಎಸಿ ಹೈಡ್ರೋಜನ್ ಚಾಲಿತ ರೈಲು ಉತ್ತರ ರೈಲ್ವೆ ಮಾರ್ಗದಲ್ಲಿ ಸಂಚಾರ ಮಾಡಲಿದೆ.
