newsics.com
ಚಳಿಗಾಲ ಬಂತೆಂದರೆ ಪ್ರತಿಯೊಬ್ಬರ ಮನೆಯಲ್ಲೂ ಚಹಾ ಆತಿಥ್ಯದ ಮುಖ್ಯ ಭಾಗವಾಗುತ್ತದೆ. ಆದರೆ,ಕೋಲ್ಕತ್ತಾದಲ್ಲಿ ಒಂದು ಕಪ್ ಟೀಗೆ ₹1000 ಬೆಲೆ ಅಂತೆ.
ರಸ್ತೆ ಬದಿಯಲ್ಲಿ, ರೈಲು ನಿಲ್ದಾಣಗಳಲ್ಲಿ, ಹೋಟೆಲ್ಗಳಲ್ಲಿ ಚಹಾ ಕುಡಿದಿರುತ್ತೀರಿ. ಅಲ್ಲಿ ಚಹಾದ ಬೆಲೆ ₹10 ರಿಂದ ₹30 ಇರುತ್ತದೆ. ಆದರೆ, ಇಲ್ಲಿ ಒಂದು ಕಪ್ ಚಹಾದ ಬೆಲೆ ಒಂದು ಸಾವಿರ ರೂಪಾಯಿ.
ಈ ಚಹಾವನ್ನು ಮಾರಾಟ ಮಾಡುತ್ತಿರುವವರು ಕೋಲ್ಕತ್ತಾದ ನಿವಾಸಿ ಪ್ರಥಾ ಪ್ರತೀಮ್ ಗಂಗೂಲಿ. ಇವರು ಸ್ವತಃ ಒಬ್ಬ ದೊಡ್ಡ ಚಹಾ ಪ್ರಿಯರಾಗಿದ್ದಾರೆ. ವಿವಿಧ ರೀತಿಯ ಚಹಾ ಮತ್ತು ಅವುಗಳ ಬಗ್ಗೆ ಅಪಾರ ಜ್ಞಾನ ಹೊಂದಿದ್ದಾರೆ. ಗಂಗೂಲಿ ಈ ಹಿಂದೆ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದರು. ಆ ಸಮಯದಲ್ಲಿ ಅವರಿಗೆ ಒಂದು ಯೋಚನೆ ಬಂತು: “ಈ ಕೆಲಸವನ್ನು ಬಿಟ್ಟು ಚಹಾ ಅಂಗಡಿಯೊಂದನ್ನು ಏಕೆ ಹಾಕಬಾರದು?” ಅವರಿಗೆ ಈಗಾಗಲೇ ವಿವಿಧ ಚಹಾಗಳ ಬಗ್ಗೆ ಜ್ಞಾನವಿತ್ತು. ಹೀಗಾಗಿ, ಜನರಿಗೆ ವಿವಿಧ ರೀತಿಯ ಚಹಾಗಳನ್ನು ಸವಿಯುವ ಅವಕಾಶವನ್ನು ನೀಡಲು ಅವರು ಬಯಸಿದ್ದರು. ಆದರೆ, ಅವರ ಚಹಾದ ಬೆಲೆ ಎಲ್ಲರಿಗೂ ಕೈಗೆಟಕುವಂತಿಲ್ಲ.
₹1000ಕ್ಕೆ ಒಂದು ಕಪ್ ಚಹಾ!
ಕೋಲ್ಕತ್ತಾದಲ್ಲಿ ಅವರು ಈಗ ತಮ್ಮ ‘ನಿರ್ಜಾಶ್ ಟೀ ಸ್ಟಾಲ್’ (Nirjash Tea Stall) ಅನ್ನು ಪ್ರಾರಂಭಿಸಿದ್ದಾರೆ. 2014 ರಲ್ಲಿ ಈ ಅಂಗಡಿಯನ್ನು ಆರಂಭಿಸಿದ ಅವರು, ಇಂದು ತಮ್ಮ ಚಹಾದ ಬೆಲೆಯಿಂದಾಗಿ ದೇಶಾದ್ಯಂತ ಚರ್ಚೆಯ ವಿಷಯವಾಗಿದ್ದಾರೆ. ‘ನಿರ್ಜಾಶ್ ಟೀ ಸ್ಟಾಲ್’ನಲ್ಲಿ ಒಂದು ಕಪ್ ಚಹಾದ ಬೆಲೆ ಬರೋಬ್ಬರಿ ₹1000. ಇದರ ಬೆಲೆ ನೋಡಿ ಜನರು ಇದನ್ನು ಪಂಚತಾರಾ ಹೋಟೆಲ್ಗಳ ಚಹಾಗಿಂತಲೂ ದುಬಾರಿ ಎಂದು ಕರೆಯುತ್ತಿದ್ದಾರೆ.
ಯಾಕೆ ಇಷ್ಟು ದುಬಾರಿ ?
ಈ ಚಹಾ ಇಷ್ಟು ದುಬಾರಿಯಾಗಲು ಕಾರಣ ಅದರ ಚಹಾ ಎಲೆಗಳು. ಈ ಚಹಾದ ಹೆಸರು ‘ಬೋ-ಲೇ’ (Bo-Lay). ಇದರ ಚಹಾ ಎಲೆಗಳ ಬೆಲೆ ಕೇಳಿದರೆ ಅಚ್ಚರಿಯಾಗುತ್ತೀರಿ; ಒಂದು ಕಿಲೋಗ್ರಾಂ ಚಹಾ ಎಲೆಗಳ ಬೆಲೆ ಬರೋಬ್ಬರಿ ₹3 ಲಕ್ಷ. ಇದೇ ಕಾರಣಕ್ಕೆ ಒಂದು ಕಪ್ ಚಹಾದ ಬೆಲೆ ಒಂದು ಸಾವಿರ ರೂಪಾಯಿ.
ಆದರೆ, ಈ ಟೀ ಸ್ಟಾಲ್ನಲ್ಲಿ ₹10 ರ ಚಹಾ ಕೂಡ ಲಭ್ಯವಿದೆ. ಹಾಗಾಗಿ, ನೀವು ಅಗ್ಗದ ದರದ ಚಹಾ ಕುಡಿಯಲು ಬಯಸಿದರೆ ನಿರಾಶರಾಗಬೇಕಿಲ್ಲ. ಆದರೆ, ವಿಭಿನ್ನ ಮತ್ತು ದುಬಾರಿ ಚಹಾ ಸವಿಯುವ ಆಸೆಯಿದ್ದರೆ, ಪ್ರಥಾ ಪ್ರತೀಮ್ ಗಂಗೂಲಿ ಅವರ ‘ನಿರ್ಜಾಶ್ ಟೀ ಸ್ಟಾಲ್’ ನಿಮಗೆ ಸರಿಯಾದ ಸ್ಥಳ.
ಬಾಹ್ಯಾಕಾಶದಲ್ಲಿ ಗರ್ಭಧರಿಸಿದರೆ ಏನಾಗುತ್ತೆ?: ನಾಸಾ ನಿಷೇದಿಸಿರೋದು ಏಕೆ?
