newsics.com
ಬೆಂಗಳೂರು: ಭಾರತೀಯರು ವಿದೇಶದಲ್ಲಿ ಮದುವೆಯಾದರೆ ವಿದೇಶಿ ವಿವಾಹ ಕಾಯ್ದೆಯಡಿ ನೋಂದಣಿ ಮಾಡುವುದು ಕಡ್ಡಾಯವಲ್ಲ ಎಂದು ಹೈಕೋರ್ಟ್ ಆದೇಶ ನೀಡಿದೆ.
ವಿದೇಶದಲ್ಲಿ ಆದ ಮದುವೆಯನ್ನು ಸಾಕ್ಷ್ಯಗಳ ಆಧಾರದ ಮೇಲೆ ಭಾರತದಲ್ಲಿಯೂ ಮಾನ್ಯವೆಂದು ಪರಿಗಣಿಸಬಹುದು. . ಮದುವೆಯಾಗಿದೆ ಎನ್ನುವುದಕ್ಕೆ ಪೂರಕವಾಗಿ ಫೋಟೋ, ವಾಸ ಸ್ಥಳ, ಜಂಟಿ ಬ್ಯಾಂಕ್ ಖಾತೆ, ಪತ್ರ ವ್ಯವಹಾರ ಪುರಾವೆಗಳನ್ನು ಪ್ರಸ್ತುತಪಡಿಸಿದಲ್ಲಿ ಭಾರತೀಯ ಕಾನೂನಿನಡಿ ವಿವಾಹವನ್ನು ಸಿಂಧುವಾಗಿ ಪರಿಗಣಿಸಬಹುದಾಗಿದೆ.
ರಾಮನಗರ ಮೂಲದ ಮಹಿಳೆ ಬೆಂಗಳೂರಿನ ವ್ಯಕ್ತಿಯನ್ನು ಮದುವೆಯಾಗಿದ್ದು, ದಂಪತಿ ವಿದೇಶದಲ್ಲಿ ನೆಲೆಸಿದ್ದರು. ಬೆಂಗಳೂರಿನಲ್ಲಿದ್ದ ಅತ್ತೆ, ಮಾವನ ಖಾತೆಗೆ ಹಣ ಕಳುಹಿಸುತ್ತಿದ್ದರು. ಇದೇ ಹಣವನ್ನು ಬಳಸಿಕೊಂಡು ಅವರು ಆಸ್ತಿ ಖರೀದಿಸಿದ್ದರು. ಆದರೆ ಪತಿ ನಿಧನರಾದ ನಂತರ ಅತ್ತೆ, ಮಾವ ಆಸ್ತಿ ಕಬಳಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ ಎಂದು ಸೊಸೆ ಕೋರ್ಟ್ ಮೆಟ್ಟಿಲೇರಿದ್ದರು.
ಮಗ ಮತ್ತು ಪ್ರತಿವಾದಿ ಮಹಿಳೆಯ ನಡುವೆ ವೈವಾಹಿಕ ಸಂಬಂಧವಿಲ್ಲ. ಅವರ ನಡುವೆ ನಡೆದ ಮದುವೆ ವಿವಾಹ ಕಾಯ್ದೆಯಡಿಯಲ್ಲಿ ನೋಂದಣಿಯಾಗಿಲ್ಲ. ನಾವು ಸಂಪಾದಿಸಿದ ಹಣದಲ್ಲಿ ಆಸ್ತಿ ಖರೀದಿಸಿದ್ದೇವೆ ಎಂದು ಅತ್ತೆ, ಮಾವ ಹೇಳಿದ್ದಾರೆ.
ನಾವು ಕಳುಹಿಸಿದ ಹಣದಲ್ಲಿ ಆಸ್ತಿ ಖರೀದಿಸಿದ್ದಾರೆ. ಪತಿ ನಿಧನದ ನಂತರ ಆಸ್ತಿ ವಿಚಾರಕ್ಕೆ ವಿವಾದ ಉಂಟಾಗಿದೆ. ಹಣ ಕಳುಹಿಸಿದ, ಆಸ್ತಿ ಖರೀದಿಸಿದ ಬಗ್ಗೆ ದಾಖಲಾತಿ ಇವೆ ಎಂದು ಸೊಸೆ ಹೇಳಿದ್ದಾರೆ. ದಾಖಲೆ ಪರಿಶೀಲಿಸಿದ ವಿಚಾರಣೆ ನ್ಯಾಯಾಲಯ ತೀರ್ಪು ನೀಡಿದೆ.
ಭಾರತದ ಪ್ರಜೆ ವಿದೇಶದಲ್ಲಿ ಮದುವೆಯಾಗಬೇಕಾದರೆ ಭಾರತ ಸರ್ಕಾರ ಆ ದೇಶಕ್ಕೆ ನೇಮಿಸಿದ ಮ್ಯಾರೇಜ್ ಆಫೀಸರ್ ಸಂರಕ್ಷಮದಲ್ಲಿ ಮದುವೆಯಾಗಬೇಕು. ಅದನ್ನು ಕಾಯ್ದೆಯಡಿ ನೋಂದಣಿ ಮಾಡಿಸಿ ಪ್ರಮಾಣ ಪತ್ರ ನೀಡಿದ ಬಳಿಕ ಭಾರತೀಯ ಕಾನೂನುಗಳಡಿಯೂ ಮಾನ್ಯತೆ ಹೊಂದುತ್ತದೆ.
