newsics.com
ಮಳೆಗಾಲ ಬಂತೆಂದರೆ ಸಾಕು, ಬಟ್ಟೆಗಳನ್ನು ಒಣಗಿಸುವುದೇ ದೊಡ್ಡ ಸವಾಲು. ಮಾನ್ಸೂನ್ ವಾತಾವರಣದಲ್ಲಿ ಒಣಗಿದಂತೆ ಕಂಡರು ಸಹ ತೇವಾಂಶ ಹಾಗೆಯೇ ಇರುತ್ತದೆ. ಹಾಗೆಯೇ ಮಡಚಿ ಅವುಗಳನ್ನು ಕಪಾಟಿನಲ್ಲೋ ಅಥವಾ ಇನ್ನೆಲ್ಲೋ ಇಟ್ಟರೆ ವಾಸನೆ ಬರಲು ಶುರುವಾಗುತ್ತದೆ. ಹೀಗಾಗಿ ಮಳೆಗಾಲದಲ್ಲಿ ಬಟ್ಟೆ ಫ್ರೆಶ್ ಆಗಿರಲು ಈ ಚಿಕ್ಕ ಚಿಕ್ಕ ಸಲಹೆಗಳನ್ನು ಪಾಲಿಸಿದರೆ ಸಾಕು.
ಮಳೆಗಾಲದಲ್ಲಿ ಬಟ್ಟೆಯಿಂದ ಕೆಟ್ಟ ವಾಸನೆ ಹೋಗಲಾಡಿಸಲು ಬಿಳಿ ವಿನೆಗರ್ ತುಂಬಾ ಸಹಕಾರಿ. ವಿಶೇಷವಾಗಿ, ಇದರ ಆಮ್ಲೀಯ ಗುಣವು ಕೆಟ್ಟ ವಾಸನೆಯನ್ನು ಉಂಟುಮಾಡುವ ಶಿಲೀಂಧ್ರವನ್ನು ಓಡಿಸಲು ಬಹಳ ಪರಿಣಾಮಕಾರಿ. ಇದಕ್ಕಾಗಿ ನೀವು ಮಾಡಬೇಕಾಗಿರುವುದು ವಾಶಿಂಗ್ ಮಷಿನ್ನಲ್ಲಿ ಬಟ್ಟೆಗಳನ್ನು ತೊಳೆಯುವ ಮೊದಲು ಡಿಟರ್ಜೆಂಟ್ಗೆ ಒಂದು ಕಪ್ ವಿನೆಗರ್ ಅನ್ನು ಸೇರಿಸುವುದು. ನೀವು ಸಾಮಾನ್ಯವಾಗಿ ಕೈಯಿಂದ ನಿಮ್ಮ ಬಟ್ಟೆಗಳನ್ನು ತೊಳೆಯುತ್ತಿದ್ದರೆ, ತೊಳೆಯುವ ನೀರಿನಲ್ಲಿ ಡಿಟರ್ಜೆಂಟ್ ಜೊತೆಗೆ ಸ್ವಲ್ಪ ವಿನೆಗರ್ ಸೇರಿಸಿದರೆ ವಾಸನೆ ಬರದಂತೆ ಪಡೆಯಬಹುದು.
ಒದ್ದೆ ಬಟ್ಟೆಗಳು ತೇವಾಂಶದಿಂದ ವಾಸನೆ ಬರುತ್ತಿದ್ದರೆ ಒಂದು ಬಕೆಟ್ ನೀರಿನಲ್ಲಿ ಸ್ವಲ್ಪ ನಿಂಬೆರಸ ಹಾಕಿ ಅದರಲ್ಲಿ ಬಟ್ಟೆಯನ್ನು ಸ್ವಲ್ಪ ಹೊತ್ತು ನೆನೆಸಿಡಿ. ನಂತರ ತೊಳೆದು ಒಣಗಿಸಿ. ಹೀಗೆ ಮಾಡುವುದರಿಂದ ನಿಂಬೆಯಲ್ಲಿರುವ ನೈಸರ್ಗಿಕ ಆಮ್ಲವು ಕೆಟ್ಟ ವಾಸನೆಯನ್ನು ಹೋಗಲಾಡಿಸುತ್ತದೆ ಮತ್ತು ಬ್ಯಾಕ್ಟೀರಿಯಾವನ್ನು ನಾಶಪಡಿಸುತ್ತದೆ.
ಕೆಲವು ವಿಧದ ಸಾರಭೂತ ತೈಲಗಳಾದ ಲ್ಯಾವೆಂಡರ್, ಟೀ ಟ್ರೀ ಅಥವಾ ನೀಲಗಿರಿ ಅಂತ ಕೆಲವು ಪ್ರಭೇದಗಳು ಕೂಡ ಮಳೆಗಾಲದಲ್ಲಿ ಬಟ್ಟೆಯಿಂದ ಕೆಟ್ಟ ವಾಸನೆಯನ್ನು ತೊಡೆದುಹಾಕಲು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ ಎಂದು ತಜ್ಞರು ಹೇಳುತ್ತಾರೆ. ಏಕೆಂದರೆ ಅವುಗಳು ಸೂಕ್ಷ್ಮಾಣು ನಿರೋಧಕ ಗುಣಗಳನ್ನು ಹೊಂದಿದ್ದು, ಉತ್ತಮ ಪರಿಮಳವನ್ನು ನೀಡುತ್ತವೆ. ಇದಕ್ಕಾಗಿ ನೀವು ಮಾಡಬೇಕಾಗಿರುವುದು ಇಷ್ಟೇ. ನಿಮ್ಮ ಆಯ್ಕೆಯ ಎಣ್ಣೆಯನ್ನು ಆರಿಸಿ ಮತ್ತು ಬಟ್ಟೆಗಳನ್ನು ತೊಳೆಯುವ ಮೊದಲು ವಾಷಿಂಗ್ ಮಷಿನ್ನಲ್ಲಿ ಕೆಲವು ಹನಿಗಳನ್ನು ಸುರಿಯಿರಿ. ಇಲ್ಲವೇ, ಸ್ಪ್ರೇ ಬಾಟಲಿಯಲ್ಲಿ ಯಾವುದಾದರೂ ಸಾರಭೂತ ತೈಲದ ಕೆಲವು ಹನಿಗಳನ್ನು ತೆಗೆದುಕೊಂಡು ಅದಕ್ಕೆ ನೀರು ಸೇರಿಸಿ. ಒಣಗಿಸುವ ಮೊದಲು ಬಟ್ಟೆಗಳ ಮೇಲೆ ಲಘುವಾಗಿ ಸಿಂಪಡಿಸಿ.
ಮಳೆಗಾಲದಲ್ಲಿ ಬಟ್ಟೆಯಿಂದ ದುರ್ವಾಸನೆ ಬರದಂತೆ ತಡೆಯಲು ಬಟ್ಟೆಗಳನ್ನು ಸರಿಯಾಗಿ ಒಣಗಿಸುವುದು ಬಹಳ ಮುಖ್ಯ. ವಿಶೇಷವಾಗಿ ಬಟ್ಟೆ ಒದ್ದೆಯಾಗಿರುವಾಗ, ಸರಿಯಾದ ಗಾಳಿ ಇಲ್ಲದ ಕೋಣೆಗಳಲ್ಲಿ ಒಣಗಿಸಿದರೆ, ತೇವಾಂಶವು ಶಿಲೀಂಧ್ರ ಮತ್ತು ಕೆಟ್ಟ ವಾಸನೆಯನ್ನು ಉಂಟುಮಾಡುತ್ತದೆ.
ಲ್ಯಾವೆಂಡರ್, ಟೀ ಟ್ರೀ ಅಥವಾ ಯೂಕಲಿಪ್ಟಸ್ ನಂತಹ ನಿಮ್ಮ ನೆಚ್ಚಿನ ಸಾರಭೂತ ತೈಲದ ಕೆಲವು ಹನಿಗಳನ್ನು ತೊಳೆಯುವ ಯಂತ್ರಕ್ಕೆ ಸೇರಿಸಿ. ಅಥವಾ, ಸ್ಪ್ರೇ ಬಾಟಲಿಯಲ್ಲಿ ಕೆಲವು ಹನಿ ಸಾರಭೂತ ತೈಲವನ್ನು ನೀರಿನೊಂದಿಗೆ ಬೆರೆಸಿ ಬಟ್ಟೆಗಳನ್ನು ಒಣಗಿಸುವ ಮೊದಲು ಅವುಗಳ ಮೇಲೆ ಲಘುವಾಗಿ ಸಿಂಪಡಿಸಿ, ಇದರಿಂದ ಅವು ತಾಜಾ ಮತ್ತು ಸ್ವಚ್ಛವಾದ ವಾಸನೆಯನ್ನು ಹೊಂದಿರುತ್ತವೆ.
ಹಿಂದೂ ಮುಖಂಡನ ಮೊಬೈಲ್ನಲ್ಲಿ ರಾಜಕಾರಣಿಯೊಬ್ಬರ ಅಶ್ಲೀಲ ವಿಡಿಯೋ ಪತ್ತೆ!
