newsics.com
ವಿಶಿಷ್ಟವಾದ ಕಲ್ಲಂಗಡಿ ತಂದೂರಿ ಚಿಕನ್ ರೆಸಿಪಿಯ ವಿಡಿಯೋವು ಆಹಾರಪ್ರಿಯರ ಗಮನ ಸೆಳೆದಿದೆ.
ಇಂಥ ಚಿತ್ರವಿಚಿತ್ರ ಆಹಾರಗಳು ಸಾಮಾಜಿಕ ಜಾಲತಾಣದಲ್ಲಿ ಎಲ್ಲರ ಗಮನ ಸೆಳೆಯುತ್ತವೆ. ಈಗ ಕಲ್ಲಂಗಡಿ (Watermelon) ಹಣ್ಣಿನ ತಂದೂರಿ (Tandoori Chicken) ಚಿಕನ್ ವಿಡಿಯೋ ವೈರಲ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿರುವ ಈ ವಿಡಿಯೋದಲ್ಲಿ ಮಹಿಳೆಯೊಬ್ಬರು ಹೆಚ್ಚಾಗಿ ಅಪರಿಚಿತ ವಿಧಾನವನ್ನೇ ಬಳಸಿಕೊಂಡು ಇಡೀ ಕೋಳಿಯನ್ನು ಸಿದ್ಧಪಡಿಸುತ್ತಿದ್ದಾರೆ. ವಿಡಿಯೋ ಕ್ಲಿಪ್ನಲ್ಲಿ ಅವರು ಕಲ್ಲಂಗಡಿಯ ಮೇಲಿನ ಭಾಗವನ್ನು ಕತ್ತರಿಸುವುದರೊಂದಿಗೆ ಪ್ರಾರಂಭವಾಗುತ್ತದೆ. ಒಂದು ಲೋಟವನ್ನು ಬಳಸಿ ಅದರಲ್ಲಿರುವ ರಸಭರಿತವಾದ ಕೆಂಪು ತಿರುಳನ್ನು ಮತ್ತು ತುಂಡುಗಳನ್ನು ಪ್ರತ್ಯೇಕ ಬಟ್ಟಲಿನಲ್ಲಿ ಇಡುತ್ತಾಳೆ.
ವೈರಲ್ ವಿಡಿಯೋದಲ್ಲಿ ಪಿಂಕ್ ತಂದೂರಿ ಚಿಕನ್ ತೋರಿಸಲಾಗಿದೆ. ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ಇದನ್ನು ಬಾರ್ಬಿ-ಕ್ಯೂ ಚಿಕನ್ ಎಂದು ಕರೆದಿದ್ದಾರೆ.
ಮಹಿಳೆ ಸಂಪೂರ್ಣವಾಗಿ ಚರ್ಮದ ಚಿಕನ್ ಅನ್ನು ನೀರಿನಲ್ಲಿ ತೊಳೆದು ಮಾಂಸದ ಮೂರು ತುಂಡುಗಳನ್ನು ಮಾಡಿದ್ದಾಳೆ. ಮತ್ತೊಂದು ಬಟ್ಟಲಿನಲ್ಲಿ ಹಿಟ್ಟು ಮತ್ತು ಬೇಕಿಂಗ್ ಪೌಡರ್ ಸೇರಿಸಿದ್ದಾಳೆ. ನಂತರ ಮಸಾಲೆ ಸೇರಿಸಿ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮತ್ತು ನಿಂಬೆ ಹಿಂಡಿ ಮಿಶ್ರಣಕ್ಕೆ ನೀರು ಬೆರೆಸಿ ಚಿಕನ್ ಮಿಶ್ರಣ ಮಾಡುತ್ತಾರೆ.
ಬಳಿಕ ಚಿಕನ್ನ್ನು ಮರದ ಕೋಲಿನ ಮೇಲೆ ಇಡಲಾಗುತ್ತದೆ. ಟೊಳ್ಳಾದ ಕಲ್ಲಂಗಡಿಯೊಳಗೆ ಮುಚ್ಚಲಾಗುತ್ತದೆ. ಮಾಂಸವನ್ನು ಹುರಿಯಲು ತೆಂಗಿನ ಸಿಪ್ಪೆ ಮತ್ತು ಕಡ್ಡಿಗಳನ್ನು ಬಳಸಲಾಗುತ್ತದೆ. ಬೆಂಕಿ ಕಡಿಮೆಯಾದ ಅನಂತರ ಗೋಲ್ಡನ್ ಬ್ರೌನ್ ಮತ್ತು ಸ್ವಲ್ಪ ಸುಟ್ಟ ಕೋಳಿಯನ್ನು ತೆಗೆಯಲಾಗುತ್ತದೆ. ಅಗ ಕಲ್ಲಂಗಡಿ ಚಿಕನ್ ಬಡಿಸಲು ಸಿದ್ಧವಾಗುತ್ತದೆ.
