newsics.com
ಇತ್ತೀಚೆಗೆ ಕೂದಲು ಉದುರುವಿಕೆ ಎಲ್ಲರನ್ನೂ ಕಾಡುವ ಸಮಸ್ಯೆಯಾಗಿದೆ. ಹೆಣ್ಣುಮಕ್ಕಳಷ್ಟೇ ಅಲ್ಲ, ಗಂಡಸರು ಮತ್ತು ಮಕ್ಕಳಲ್ಲೂ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತಿದೆ. ಇದಕ್ಕೆ ದುಬಾರಿ ಎಣ್ಣೆ, ಶಾಂಪೂಗಳನ್ನು ಉಪಯೋಗಿಸಬೇಕಾಗಿಲ್ಲ. ಮನೆಯಲ್ಲೇ ಕರಿಬೇವಿನ ಎಣ್ಣೆ ತಯಾರಿಸಿಕೊಳ್ಳಬಹುದು.ನಿತ್ಯ ಈ ಎಣ್ಣೆಯನ್ನು ಉಪಯೋಗಿಸಿದರೆ ಕೂದಲು ಉದುರುವುದಿಲ್ಲ.
ಕರಿಬೇವಿನ ಎಣ್ಣೆ ತಯಾರಿಸುವುದು ಹೇಗೆ?
ಬೇಕಾಗುವ ಪದಾರ್ಥಗಳು
ಒಂದು ಕಪ್ ತೆಂಗಿನ ಎಣ್ಣೆ
1/4 ಕಪ್ ತೊಳೆದು ಒಣಗಿಸಿದ ಕರಿಬೇವು
1/4 ಕಪ್ ಹೆಚ್ಚಿದ ನೆಲ್ಲಿಕಾಯಿ
ಒಂದು ಚಮಚ ಮೆಂತ್ಯ
ಎಣ್ಣೆ, ನೆಲ್ಲಿಕಾಯಿ, ಮೆಂತ್ಯ ಮತ್ತು ಕರಿಬೇವನ್ನು ದಪ್ಪ ತಳದ ಪಾತ್ರೆಯಲ್ಲಿ ಹಾಕಿ, ನೀರು ಆವಿಯಾಗುವವರೆಗೆ ಕುದಿಸಿ. ಎಣ್ಣೆ ಕಂದು ಬಣ್ಣಕ್ಕೆ ತಿರುಗುತ್ತದೆ. ಸ್ಟವ್ ಆಫ್ ಮಾಡಿ, ಎಣ್ಣೆಯನ್ನು ಸೋಸಿ, ಬಾಟಲಿಯಲ್ಲಿ ಶೇಖರಿಸಿ. ದಿನಕ್ಕೆ ಎರಡು ಬಾರಿ ಕೂದಲಿಗೆ ಹಚ್ಚಿ. ಹೀಗೆ ಮಾಡಿದರೆ ಕೂದಲು ದಟ್ಟವಾಗಿ ಬೆಳೆಯುತ್ತದೆ ಮತ್ತು ಉದುರುವುದಿಲ್ಲ.
ತೆಂಗಿನ ಎಣ್ಣೆ ಬದಲು ಆಲಿವ್ ಎಣ್ಣೆ ಅಥವಾ ಎಳ್ಳೆಣ್ಣೆಯನ್ನೂ ಉಪಯೋಗಿಸಬಹುದು. ಕರಿಬೇವಿನ ಎಣ್ಣೆಯಲ್ಲದೆ, ಕರಿಬೇವಿನ ಹೇರ್ ಮಾಸ್ಕ್ ಕೂಡ ಕೂದಲಿಗೆ ಒಳ್ಳೆಯದು.
ಕೂದಲು ಉದುರುವಿಕೆ ತಡೆಯಲು ಕರಿಬೇವು ಮತ್ತು ಮೆಂತ್ಯದ ಹೇರ್ ಮಾಸ್ಕ್ ತಯಾರಿಸಬಹುದು. ಒಂದು ಚಮಚ ಮೆಂತ್ಯವನ್ನು ರಾತ್ರಿ ನೀರಿನಲ್ಲಿ ನೆನೆಸಿಡಿ. ಬೆಳಗ್ಗೆ ಅದನ್ನು ರುಬ್ಬಿಕೊಳ್ಳಿ. ಒಂದು ಚಮಚ ಕರಿಬೇವಿನ ಪೇಸ್ಟ್ ಸೇರಿಸಿ. ಇದನ್ನು ಕೂದಲಿಗೆ ಹಚ್ಚಿ ಒಂದು ಗಂಟೆ ಬಿಟ್ಟು ತೊಳೆಯಿರಿ. ಹೀಗೆ ಮಾಡಿದರೆ ಕೂದಲು ಉದುರುವಿಕೆ ನಿಲ್ಲುತ್ತದೆ. ಜೊತೆಗೆ ಚೆನ್ನಾಗಿ ಬೆಳೆಯುತ್ತದೆ.
ಕೂದಲು ಉದುರುವಿಕೆ ತಡೆಯಲು ಕರಿಬೇವಿನ ನೀರಿನಿಂದ ಕೂದಲು ತೊಳೆಯಬಹುದು. ಒಂದು ಪಾತ್ರೆಯಲ್ಲಿ ನೀರು ಕಾಯಿಸಿ. 15-20 ಕರಿಬೇವಿನ ಎಲೆಗಳನ್ನು ಹಾಕಿ ಕುದಿಸಿ. ನೀರು ತಣ್ಣಗಾದ ಮೇಲೆ ಕೂದಲು ತೊಳೆಯಿರಿ. ಹೀಗೆ ಮಾಡಿದರೆ ಕೂದಲು ಉದುರುವಿಕೆ ನಿಲ್ಲುತ್ತದೆ.
ಚೀನಾದಲ್ಲಿ ‘ಮಾರಕ ಬ್ರೈನ್ ವೈರಸ್’ ಪತ್ತೆ: ತಜ್ಞರಿಂದ ಸಾವು -ನೋವಿನ ಎಚ್ಚರಿಕೆ.!
