newsics.com
ಪಾಕಿಸ್ತಾನದಲ್ಲಿ ಅಡಗಿ ಕುಳಿತ ಉಗ್ರರ ವಿರುದ್ಧ ಭಾರತ ನಡೆಸಿದ್ದ ಆಪರೇಶನ್ ಸಿಂಧೂರದಲ್ಲಿ ಬಳಸಲಾದ ಕ್ಷಿಪಣಿಯೇ ಬ್ರಹ್ಮೋಸ್. ಆಪರೇಷನ್ ಸಿಂಧೂರ್ ಸಮಯದಲ್ಲಿ ಬ್ರಹ್ಮೋಸ್ ಕ್ಷಿಪಣಿಯ ಶಕ್ತಿ ಸಾಮರ್ಥ್ಯ ಸ್ಪಷ್ಟವಾಗಿತ್ತು. ಈ ಕಾರ್ಯಾಚರಣೆಯಲ್ಲಿ ಬ್ರಹ್ಮೋಸ್ ಕ್ಷಿಪಣಿಯ ಪಾತ್ರ ದೊಡ್ಡದಿದೆ.ಪ್ರಬಲವಾದ ಪ್ರತಿಬಂಧಕ ಶಕ್ತಿ ಮತ್ತು ಯಶಸ್ವಿ ಅಂತಾರಾಷ್ಟ್ರೀಯ ಸಹಯೋಗದ ಸಂಕೇತವಾಗಿದೆ. ಹಾಗಾದರೆ ಏನಿದು ಬ್ರಹ್ಮೋಸ್? ಅದರ ಪರಿಕಲ್ಪನೆ ಹೇಗಾಯ್ತು? ಅದರ ತಯಾರಿ ಹೇಗೆ? ಅದರಲ್ಲಿರೋ ತಂತ್ರಜ್ಞಾನವೇನು? ಅದರ ಬಳಕೆ ಹೇಗೆ? ಅದಕ್ಕೆ ತಗಲುವ ವೆಚ್ಚ ಎಷ್ಟು? ಭಾರತದ ರಕ್ಷಣೆಯಲ್ಲಿ ಅದರ ಮಹತ್ವವೇನು?
ಬ್ರಹ್ಮೋಸ್ ಒಂದು ಸೂಪರ್ಸಾನಿಕ್ ಕ್ರೂಸ್ ಕ್ಷಿಪಣಿಯಾಗಿದ್ದು, ಇದನ್ನು ಜಲಾಂತರ್ಗಾಮಿಗಳು, ಹಡಗುಗಳು, ವಿಮಾನಗಳು ಅಥವಾ ಭೂ-ಆಧಾರಿತ ವೇದಿಕೆಗಳಿಂದ ಉಡಾಯಿಸಬಹುದು. ಇದು ಬ್ರಹ್ಮೋಸ್ ಏರೋಸ್ಪೇಸ್ನ ಉತ್ಪನ್ನವಾಗಿದೆ, ಇದು ಭಾರತದ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ) ಮತ್ತು ರಷ್ಯಾದ ಎನ್ಪಿಒ ಮಶಿನೋಸ್ಟ್ರೋಯೆನಿಯಾ ಜಂಟಿಯಾಗಿ ಸಂಶೋಧಿಸಿದ ಅತ್ಯಾಧುನಿಕ ಕ್ಷಿಪಣಿಯಾಗಿದೆ. ಇದರ ಹೆಸರು ಭಾರತದ ಬ್ರಹ್ಮಪುತ್ರ ಮತ್ತು ರಷ್ಯಾದ ಮೊಸ್ಕ್ವಾ ಎಂಬ ಎರಡು ನದಿಗಳ ಹೆಸರುಗಳ ಸಂಯೋಜನೆಯಾಗಿದೆ.
ಇದು ಭೂಮಿ, ಸಮುದ್ರ, ವಾಯು ಮತ್ತು ಜಲಾಂತರ್ಗಾಮಿ ವೇದಿಕೆಗಳಿಂದ ನಿಖರವಾದ ದಾಳಿ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಮ್ಯಾಕ್ 3 ವರೆಗಿನ ವೇಗ, 500+ ಕಿಮೀ ವ್ಯಾಪ್ತಿ ಮತ್ತು ಹೆಚ್ಚಿನ ನಿಖರತೆಯೊಂದಿಗೆ ಬ್ರಹ್ಮೋಸ್ ದಾಳಿ ಮಾಡುತ್ತದೆ.
ಬ್ರಹ್ಮೋಸ್ ಹೆಸರು ಬಂದಿದ್ದು ಹೇಗೆ?
ಭಾರತದ ಬ್ರಹ್ಮಪುತ್ರ ನದಿ ಮತ್ತು ರಷ್ಯಾದ ಮಾಸ್ಕವಾ ನದಿಗಳ ಹೆಸರಿನಿಂದ ಇದಕ್ಕೆ ಬ್ರಹ್ಮೋಸ್ ಅಂತ ಹೆಸರಿಡಲಾಗಿದ್ದು, ಇದು ಭಾರತ ಹಾಗೂ ರಷ್ಯಾದ ಸ್ನೇಹಸಂಬಂಧಕ್ಕೆ ಉದಾಹರಣೆಯಾಗಿದೆ. ಈ ಕ್ಷಿಪಣಿಯ ಪರಿಕಲ್ಪನೆಯು 1990ರ ದಶಕದಲ್ಲಿ ರೂಪಗೊಂಡಿತು. ಭಾರತಕ್ಕೆ ಒಂದು ಬಹುಮುಖ, ಸೂಪರ್ಸಾನಿಕ್ ಕ್ಷಿಪಣಿಯ ಅಗತ್ಯವಿತ್ತು. ಈ ಯೋಜನೆಯು ಭಾರತದ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (DRDO) ಮತ್ತು ರಷ್ಯಾದ NPO ಮಶಿನೊಸ್ಟ್ರೊಯೆನಿಯಾ (NPOM) ನಡುವಿನ ಜಂಟಿ ಒಪ್ಪಂದದ ಫಲವಾಗಿದೆ.
ಬ್ರಹ್ಮೋಸ್ ತನ್ನ ನಿಖರವಾದ ಗುರಿ ತಲುಪುವ ಸಾಮರ್ಥ್ಯವನ್ನು ಹೊಂದಿದೆ. ಗದ್ದಲದ ಪರಿಸರದಲ್ಲಿಯೂ ಸಹ ಹೆಚ್ಚಿನ ನಿಖರತೆಯೊಂದಿಗೆ ಗುರಿಗಳನ್ನು ಹೊಡೆಯಬಲ್ಲದು. ಇನ್ನು ಬ್ರಹ್ಮೋಸ್ನ ಹಗುರವಾದ ಆವೃತ್ತಿಯನ್ನು ಭಾರತದ ಸು-30ಎಂಕೆಐ ಯುದ್ಧ ವಿಮಾನಗಳೊಂದಿಗೆ ಸಂಯೋಜಿಸಲಾಗಿದೆ. ಇದು ಆಳವಾದ ದಾಳಿ ಸಾಮರ್ಥ್ಯವನ್ನು ಒದಗಿಸುತ್ತದೆ. ಒಟ್ಟಿನಲ್ಲಿ ನೆಲ-ಜಲ-ವಾಯು ಮಾರ್ಗದ ಮೂಲಕ ಬ್ರಹ್ಮೋಸ್ ಕ್ಷಿಪಣಿ ದಾಳಿಯನ್ನು ನಡೆಸಬಹುದಾಗಿದೆ.
