newsics.com
ಕೊಲ್ಹಾಪುರ:ಆಯಸ್ಸು ಗಟ್ಟಿ ಇದ್ರೆ ಏನಾದ್ರೂ ಪವಾಡ ನಡೆಯತ್ತೆ, ಆಯಸ್ಸು ಮುಗಿದಿದ್ರೆ ಏನೇ ಮಾಡಿದ್ರೂ ಜೀವ ಉಳಿಸಲು ಸಾಧ್ಯವಿಲ್ಲ ಎನ್ನುವ ಮಾತು ಹಲವಾರು ಬಾರಿ ಸಾಬೀತು ಆಗುತ್ತಲೇ ಇರುತ್ತದೆ., ಆಯಸ್ಸು ಗಟ್ಟಿಯಿದ್ದರೆ ಭಯಾತಿಭಯಂಕರ ಘಟನೆ ನಡೆದರೂ ಕೂದಲೆಳೆ ಅಂತರದಲ್ಲಿ ಪವಾಡಸದೃಶವಾಗಿ ಬದುಕುವ ಘಟನೆಗಳೂ ನಡೆಯುತ್ತವೆ. ಇದಕ್ಕೆ ಸಾಕ್ಷಿ ಎಂಬಂತೆ ಕಾರಿನಲ್ಲಿ ಹೋಗುತ್ತಿದ್ದ ಕುಟುಂಬವೊಂದು ಪವಾಡ ಸದೃಶವಾಗಿ ಸಾವಿನದವಡೆಯಿಂದ ಪಾರಾದಂತಹ ಘಟನೆ ಮಹಾರಾಷ್ಟ್ರದ ಕೊಲ್ಹಾಪುರದ ಬಳಿ ಬೆಂಗಳೂರು ಪುಣೆ ಹೆದ್ದಾರಿಯಲ್ಲಿ ಈ ಘಟನೆ ನಡೆದಿದ್ದು, ರಸ್ತೆ ಬದಿಯ ಸಿಸಿ ಕ್ಯಾಮರಾದಲ್ಲಿ ಘಟನೆಯ ವೀಡಿಯೋ ಸೆರೆಯಾಗಿದೆ.
ಕಬ್ಬಿಣದ ಉದ್ದನೇಯ ರಾಡುಗಳನ್ನು ಸಾಗಿಸುತ್ತಿದ್ದ ಟೆಂಪೋ ಗೂಡ್ಸ್ ಗಾಡಿಯಿಂದ ಜಾರಿಕೊಂಡು ಬಂದ ಎರಡು ಉದ್ದನೇಯ ಕಬ್ಬಿಣದ ರಾಡುಗಳು ಸೀದಾ ಬಂದು ಕಾರಿನ ಮುಂಭಾಗ ಗ್ಲಾಸನ್ನು ತೂರಿಕೊಂಡು ಒಳ ನುಗ್ಗಿವೆ ಅದೃಷ್ಟವಶಾತ್ ಕಾರಿನಲ್ಲಿದ್ದವರು ಪಾರಾಗಿದ್ದಾರೆ.ಕಬ್ಬಿಣದ ರಾಡುಗಳನ್ನು ಸಾಗಿಸುತ್ತಿದ್ದ ಟೆಂಪೋ ಗೂಡ್ಸ್ ಗಾಡಿಯ ಚಾಲಕ ಈ ಕಬ್ಬಿಣದ ರಾಡುಗಳನ್ನು ಸರಿಯಾಗಿ ಕಟ್ಟಿದಂತೆ ಕಾಣುತ್ತಿಲ್ಲ, ಆತ ಬ್ರೇಕ್ ಹಾಕಿದ ವೇಳೆ ಸೀದಾ ಜಾರಿ ಬಂದ ಈ ಕಬ್ಬಿಣದ ರಾಡುಗಳು ಎರಡು ಬಂದು ಕಾರಿನ ಮುಂಭಾಗದ ಗಾಜುಗಳನ್ನು ಸೀಳಿಕೊಂಡು ಒಳನುಗ್ಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
https://www.instagram.com/reel/DI0Rrw1BLtM/?igsh=cHR1Y2FycDQ1aTA=
