newsics.com
ಅಮರಾವತಿ: ಇಲ್ಲೊಬ್ಬ 10 ವರ್ಷದ ಬಾಲಕ ಆಟಿಕೆ ಹೆಲಿಕ್ಯಾಪ್ಟರ್ ಕೆಲಸ ಮಾಡದ ಕಾರಣ ವ್ಯಾಪಾರಿ ವಿರುದ್ಧ ದೂರು ನೀಡಲು ಪೊಲೀಸ್ ಠಾಣೆ ಹೋದ . ಘಟನೆ ನಡೆದಿದ್ದು,ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಈ ಬಾಲಕನ ಹೆಸರು ವಿನಯ್ ರೆಡ್ಡಿ, 10 ವರ್ಷ ವಯಸ್ಸು. ಕರ್ನಾಟಕದ ಬರ್ಮಾನಾಗನ್ ಪಲ್ಲಿ ಗ್ರಾಮದ ನಿವಾಸಿಯಾಗಿದ್ದು, ಶಾಲೆಗೆ ರಜೆಗಳಿರುವ ಕಾರಣ ತನ್ನ ತಾಯಿಯ ಅಮ್ಮನ ಮನೆಗೆ ಅಂದರೆ ಅಜ್ಜಿ ಮನೆಗೆ ಹೋಗಿದ್ದ. ತೆಲಂಗಾಣದ ಸಂಘರೆಡ್ಡಿ ಜಿಲ್ಲೆಯ ಕಂಗ್ಟಿ ಎಂಬ ಪಟ್ಟಣಕ್ಕೆ ತೆರಳಿದ್ದ ಬಾಲಕ, ಅಲ್ಲಿನ ಊರ ಜಾತ್ರೆಯಲ್ಲಿ ವ್ಯಾಪಾರಿಯೊಬ್ಬರ ಬಳಿ 300 ರೂಪಾಯಿ ನೀಡಿ ಆಟಿಕೆ ಹೆಲಿಕ್ಯಾಪ್ಟರ್ ಖರೀದಿ ಮಾಡಿದ್ದಾನೆ.
ವ್ಯಾಪಾರಿ ಖರೀದಿ ಮಾಡಿದ್ದ ವೇಳೆ ಹಾರಾಟ ಮಾಡುತ್ತಿದ್ದ ಹೆಲಿಕ್ಯಾಪ್ಟರ್ ಮನೆಗೆ ಬರುವ ವೇಳೆ ಕೆಲಸ ಮಾಡುತ್ತಿರಲಿಲ್ಲ. ಬಾಲಕ ಮತ್ತೆ ವ್ಯಾಪಾರಿ ಬಳಿ ಹೋಗಿ ಹೇಳಿದಾಗ ಮತ್ತೊಂದು ಹೆಲಿಕಾಪ್ಟರ್ ಆಟಿಕೆಯನ್ನು ಬದಲಿಸಿಕೊಟ್ಟಿದ್ದ. ಆದರೆ ಅದು ಕೂಡ ಮನೆಗೆ ಹೋದ ಬಳಿಕ ಕೆಲಸ ಮಾಡಲಿಲ್ಲ. ಇದೇ ರೀತಿ ಮೂರು ಬಾರಿ ಆಯ್ತು, ನಾಲ್ಕನೇ ಬಾರಿ ಆತನಿಗೆ ಬಳಿ ಹೋದರೆ ಆತ ಕೋಪಗೊಂಡು ಬೈದು ಕಳುಹಿಸಿದ್ದನಂತೆ. ಇದರಿಂದ ಬೇಸರಗೊಂಡ ಬಾಲಕ ತನಗೆ ಎದುರಾದ ಅನ್ಯಾಯಕ್ಕೆ ನ್ಯಾಯ ಕೊಡಿಸಿ ಎಂದು ನೇರ ಪೊಲೀಸ್ ಠಾಣೆಗೆ ತೆರಳಿ ವ್ಯಾಪಾರಿ ವಿರುದ್ಧ ದೂರು ನೀಡಿದ್ದಾನೆ.
