ಬಾಲಿವುಡ್ ನಟಿ ತೃಪ್ತಿ ದಿಮ್ರಿಗೆ ರಣಬೀರ್ ಕಪೂರ್ ನಟನೆಯ ಅನಿಮಲ್ ಸಿನಿಮಾದಲ್ಲಿ ಜೋಯಾ (ಭಾಭಿ-2) ಪಾತ್ರವನ್ನು ಮಾಡುವ ಅವಕಾಶ ದೊರಕಿತ್ತು, ಇದು ಅವರ ಜೀವನದ ದೊಡ್ಡ ತಿರುವು ಎನ್ನಲಾಗಿದೆ. ಈಗ ಈ ನಟಿಗೆ ಸಾಲುಸಾಲು ಸಿನಿಮಾಗಳಲ್ಲಿ ನಟಿಸುವ ಅವಕಾಶ ದೊರಕುತ್ತಿದೆ. ಹಿಂದಿ ಸಿನಿಮಾ ಕ್ಷೇತ್ರದ ಈ ಸುಂದರ ನಟಿಯ ಕೈಯಲ್ಲಿ ಯಾವೆಲ್ಲ ಪ್ರಾಜೆಕ್ಟ್ಗಳಿವೆ ಎಂದು ತಿಳಿದುಕೊಳ್ಳೋಣ.
ವಿಕ್ಕಿ ಕೌಶಲ್ ಮತ್ತು ಆಮಿ ವಿರ್ಕ್ ಜತೆ ನಟಿಸಿರುವ ತೃಪ್ತಿ ದಿಮ್ರಿ ಅವರ ಮುಂಬರುವ ಚಿತ್ರ ‘ಬ್ಯಾಡ್ ನ್ಯೂಸ್’ ಚಿತ್ರವು ಜುಲೈ 19 ರಂದು ಥಿಯೇಟರ್ಗಳಲ್ಲಿ ಬಿಡುಗಡೆಯಾಗಲಿದೆ, ಇದೇ ವರ್ಷ ಅಕ್ಟೋಬರ್ 11 ರಂದು ರಾಜ್ಕುಮಾರ್ ರಾವ್ ಜೊತೆಗಿನ ತೃಪ್ತಿ ದಿಮ್ರಿ ಅವರ ಚಿತ್ರ ‘ವಿಕ್ಕಿ ವಿದ್ಯಾ ಕಾ ವೋ ವಾಲಾ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ
ತೃಪ್ತಿ ದಿಮ್ರಿ ಅವರ ಮುಂಬರುವ ಚಿತ್ರಗಳ ಪಟ್ಟಿಯಲ್ಲಿ ಕಾರ್ತಿಕ್ ಆರ್ಯನ್ ಜೊತೆಗಿನ ಅವರ ‘ಭೂಲ್ ಭುಲೈಯಾ 3’ ಚಿತ್ರವೂ ಸೇರಿದೆ. ಈ ಚಿತ್ರದ ಟ್ರೇಲರ್ಗಾಗಿ ಅಭಿಮಾನಿಗಳು ಕಾಯುತ್ತಿದ್ದು, ಈ ವರ್ಷಾಂತ್ಯಕ್ಕೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಕರಣ್ ಜೋಹರ್ ನಿರ್ಮಾಣದ ‘ಧಡಕ್-2’ ಚಿತ್ರದಲ್ಲೂ ತೃಪ್ತಿ ದಿಮ್ರಿ ನಟಿಸುತ್ತಿದ್ದು. ಈ ಚಿತ್ರದಲ್ಲಿ ಸಿದ್ಧಾಂತ್ ಚತುರ್ವೇದಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ತೃಪ್ತಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರ ಕೂಡ ನವೆಂಬರ್ 22 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
