newsics.com
ಹಾವು ಎಂದರೇ ಎಲ್ಲರಿಗೂ ಭಯ? ಹಾವು ಕಂಡರೆ ಸಾಕು ಹಿಂತಿರುಗಿ ನೋಡದೆ ಅಲ್ಲಿಂದ ಓಡಿಹೋಗುತ್ತಾರೆ . ಇನ್ನೂ ಕನಸಿನಲ್ಲಿ ಸಾವಿರಾರು ಹಾವುಗಳನ್ನು ಕಂಡು ಸಡನ್ ಎಚ್ಚರವಾಗಿ ಬೆಚ್ಚಿಬಿದ್ದಿರಲೂಬಹುದು ಆದರೆ ಸಾವಿರಾರು ಹಾವುಗಳು ಸೇರುವ ಒಂದು ಸ್ಥಳವಿದೆ ಎಂದೆರೆ ನಂಬುತ್ತೀರಾ.
ಹೌದು ಈ ಸ್ಥಳದಲ್ಲಿ ಮಿಲನಕ್ಕಾಗಿ ಸಾವಿರಾರು ಹಾವುಗಳು ಒಟ್ಟಿಗೆ ಸೇರುತ್ತವೆ.ಕೆನಡಾದ ಮ್ಯಾನಿಟೋಬಾದಲ್ಲಿರುವ ನಾರ್ಸಿಸ್ಸೆ ಎಂಬ ಸಣ್ಣ ಪಟ್ಟಣದಲ್ಲಿ ಪ್ರತಿ ವಸಂತಕಾಲದಲ್ಲಿ ಒಂದು ಪವಾಡ ಸಂಭವಿಸುತ್ತದೆ. ಈ ಸಮಯದಲ್ಲಿ 75,000 ಕ್ಕೂ ಹೆಚ್ಚು ಹಾವುಗಳು ಇಲ್ಲಿಗೆ ವಲಸೆ ಬರುತ್ತವೆ. ಕೆಲವೊಮ್ಮೆ ಈ ಸಂಖ್ಯೆ 1,50,000 ಹಾವುಗಳು ಸೇರುತ್ತವೆ.
ಇಲ್ಲಿ ವಲಸೆ ಬರುವ ಹಾವುಗಳು ರೆಡ್-ಸೈಡೆಡ್ ಈಸ್ಟರ್ನ್ ಗಾರ್ಟರ್ ಹಾವುಗಳು. ಪ್ರತಿ ವರ್ಷ ಮಾರ್ಚ್ ನಿಂದ ಜೂನ್ ವರೆಗೆ ಇಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸೇರುವ ಹಾವುಗಳನ್ನು ನೋಡಲು ವಿಜ್ಞಾನಿಗಳು ಆಸಕ್ತಿ ಹೊಂದಿದ್ದಾರೆ. ಈ ಹಾವುಗಳು ಚಳಿಗಾಲದಲ್ಲಿ ತಮ್ಮ ಅಡಗುತಾಣಗಳಿಂದ ಹೊರಬರುತ್ತವೆ. ಅವು ಉಷ್ಣತೆ ಮತ್ತು ಮಿಲನ ಮಹೋತ್ಸವಕ್ಕಾಗಿ ಸಂಗಾತಿಯನ್ನು ಹುಡುಕುತ್ತಾ ನಾರ್ಸಿಸಸ್ಗೆ ವಲಸೆ ಹೋಗುತ್ತವೆ.
ಚಳಿಗಾಲ ಮುಗಿದ ನಂತರ ಹಾವುಗಳ ವಲಸೆ ಪ್ರಾರಂಭವಾಗುತ್ತದೆ. ಚಳಿಗಾಲದಲ್ಲಿ, ಸುಣ್ಣದ ಕಲ್ಲಿನ ಬಿರುಕುಗಳಿಂದ ಮಾಡಿದ ಭೂಗತ ಗುಹೆಗಳಲ್ಲಿ ಹಾವುಗಳು ತಮ್ಮನ್ನು ತಕ್ಷಿಸಿಕೊಳ್ಳುತ್ತವೆ. ಈ ಪ್ರದೇಶಗಳು ಅವುಗಳನ್ನು ಶೀತ ವಾತಾವರಣದಿಂದ ಸುರಕ್ಷಿತವಾಗಿರಿಸುತ್ತವೆ. ವಸಂತ ಬಂದಾಗ, ಗಂಡು ಹಾವುಗಳು ಮೊದಲು ಎಚ್ಚರಗೊಂಡು ಸಂಗಾತಿಯನ್ನು ಹುಡುಕಲು ಹೊರಬರುತ್ತವೆ.
ಹೆಣ್ಣು ಹಾವುಗಳನ್ನು ಗೆಲ್ಲಲು ಗಂಡು ಹಾವುಗಳು ಪ್ರಯತ್ನಿಸುತ್ತವೆ, ಈ ಪ್ರಕ್ರಿಯೆಯನ್ನು ‘ಮಿಲನದ ಚೆಂಡು’ ಎಂದು ಕರೆಯಲಾಗುತ್ತದೆ.ಈ ಬೃಹತ್ ಹಾವುಗಳ ಒಟ್ಟುಗೂಡಿಸುವಿಕೆಯು ಹಾವುಗಳ ಸಂಯೋಗದ ಋತುವಿನ ಒಂದು ಭಾಗವಾಗಿದೆ. ಇದು ನಡೆಯುವ ನಾರ್ಸಿಸಸ್ ಹಾವಿನ ಗುಹೆಗಳಲ್ಲಿ ಸಾವಿರಾರು ಹಾವುಗಳು ಸುತ್ತಾಡುತ್ತವೆ.
ಈ ಪ್ರದೇಶದ ಬಳಿ ಒಂದು ಹೆದ್ದಾರಿ ಇದೆ. ವಲಸೆಯ ಸಮಯದಲ್ಲಿ ರಸ್ತೆ ದಾಟುವಾಗ ವಾಹನಗಳು ಡಿಕ್ಕಿ ಹೊಡೆದು ಸಾವಿರಾರು ಹಾವುಗಳು ಸಾವನ್ನಪ್ಪಿವೆ. ಹಾವುಗಳನ್ನು ಜನರು ರಕ್ಷಿಸಲು ಹೆದ್ದಾರಿಯ ಕೆಳಗೆ ಸುರಂಗಗಳನ್ನು ನಿರ್ಮಿಸಲಾಯಿತು ಮತ್ತು ಅವರು ಸುರಕ್ಷಿತವಾಗಿ ರಸ್ತೆ ದಾಟಲು ಬೇಲಿಗಳನ್ನು ಸಹ ಅಳವಡಿಸಲಾಗಿದೆ.
