newsics.com
ನವದೆಹಲಿ: ಟ್ವಿಟರ್ನ ಸ್ಯಾನ್ ಫ್ರಾನ್ಸಿಸ್ಕೋ ಪ್ರಧಾನ ಕಚೇರಿಯನ್ನು ಅಲಂಕರಿಸಿದ್ದ ಐಕಾನಿಕ್ ನೀಲಿ ಹಕ್ಕಿ ಲೋಗೋವನ್ನು $34,375 ಗೆ ಹರಾಜಿನಲ್ಲಿ (ಅಂದಾಜು 30 ಲಕ್ಷ ರೂಪಾಯಿ) ಮಾರಾಟ ಮಾಡಲಾಗಿದೆ.
ಟ್ವಿಟರ್ಅನ್ನು ವಿಶ್ವದ ಶ್ರೀಮಂತ ವ್ಯಕ್ತಿ ಎಲೋನ್ ಮಸ್ಕ್ ಖರೀದಿ ಮಾಡಿದ ನಂತರ ಟ್ವಿಟರ್ನ ಹೆಸರನ್ನು ‘ಎಕ್ಸ್’ ಎಂದು ಬದಲಾಯಿಸಿದ್ದರು. ಅದಲ್ಲದೆ, ಲಾಂಛನವನ್ನು ನೀಲಿ ಹಕ್ಕಿಯ ಬದಲು X ಆಗಿ ಮಾರ್ಪಾಡು ಮಾಡಿದ್ದರು. ಅಪರೂಪದ ಸಂಗ್ರಹಯೋಗ್ಯ ವಸ್ತುಗಳನ್ನು ಮಾರಾಟ ಮಾಡಲು ಹೆಸರುವಾಸಿಯಾದ ಆರ್ಆರ್ ಹರಾಜು ಕಂಪನಿ, 12 ಅಡಿ x 9 ಅಡಿ ಅಳತೆಯ 254 ಕೆಜಿ ತೂಕದ ಈ ಚಿಹ್ನೆಯ ಮಾರಾಟವನ್ನು ದೃಢಪಡಿಸಿದೆ. ಆದರೆ ಖರೀದಿದಾರರ ಗುರುತನ್ನು ಬಹಿರಂಗಪಡಿಸಲಿಲ್ಲ.
ಮಸ್ಕ್ ಈ ಹಿಂದೆ ಟ್ವಿಟರ್ ಕಚೇರಿಯಲ್ಲಿ ಪೀಠೋಪಕರಣಗಳು ಮತ್ತು ಅಡುಗೆ ಸಲಕರಣೆಗಳು ಸೇರಿದಂತೆ ವಿವಿಧ ಟ್ವಿಟರ್ ಸ್ಮರಣಿಕೆಗಳನ್ನು ಹರಾಜು ಹಾಕಿದ್ದಾರೆ.
