newsics.com
ನೀವು ಕೆಂಪು ಬಣ್ಣದ ಕಲ್ಲಂಗಡಿ ಹಣ್ಣನ್ನು ನೋಡಿರುತ್ತೀರಿ. ಅದರಲ್ಲೂ ಬೇಸಿಗೆಯಲ್ಲಿ ಕಲ್ಲಂಗಡಿ ಹಣ್ಣು ಮತ್ತು ಜ್ಯೂಸ್ ಸೇವಿಸಿದರೆ ಒಳ್ಳೆ ಆರಾಮ ಸಿಗುತ್ತೆ. ದಣಿವಾರುವ ಜತೆ ಆರೋಗ್ಯಕ್ಕೂ ಇದು ಉತ್ತಮ ಹಣ್ಣು. ಇನ್ನು ಎಲ್ಲಾ ವಯಸ್ಸಿವನರು ಕಲ್ಲಂಗಡಿಯನ್ನು ಇಷ್ಟಪಡುತ್ತಾರೆ, ಇದರಲ್ಲಿರುವ ನೀರಿನ ಅಂಶ ಬಾಯಾರಿಕೆಯನ್ನು ತಕ್ಷಣವೇ ನಿವಾರಿಸುತ್ತದೆ.
ಇನ್ನು ಕಲ್ಲಂಗಡಿಯಲ್ಲಿ ಕೆಂಪು ಬಣ್ಣದ ಜೊತೆಗೆ ಹಳದಿ ಬಣ್ಣದ ಹಣ್ಣುಗಳನ್ನು ಸಹ ನಾವಿಂದು ಕಾಣಬಹುದಾಗಿದೆ. ಅಷ್ಟೇಅಲ್ಲ, ಬಣ್ಣ ಬಣ್ಣದ ಕಲ್ಲಂಗಡಿ ನೋಡಬಹುದು. ಮಂಗಳೂರಲ್ಲೂ ಇದನ್ನು ಬೆಳೆಯುತ್ತಿದ್ದಾರೆ. ಹಳದಿ ಅಷ್ಟೇ ಅಲ್ಲ, ಹೊರಗೆ ಹಸಿರು ಒಳಗೆ ಕೆಂಪು ಹಾಗೂ ಕೇಸರಿ ಬಣ್ಣದ ಹಣ್ಣುಗಳನ್ನು ಅಂದರೆ ಮೂರು ಬಗೆಯ ಹಣ್ಣು ಬೆಳೆಯುತ್ತಿದ್ದಾರೆ.
ಹೊರಭಾಗದಲ್ಲಿ ಕಪ್ಪು ಬಣ್ಣವಿದ್ದ ಕಲ್ಲಂಗಡಿ ಒಳಭಾಗದಲ್ಲಿ ಹಳದಿ ಬಣ್ಣ ಹಾಗೂ ಹೊರಭಾಗದಲ್ಲಿ ಹಳದಿ ಬಣ್ಣ ವಿರುವ ಕಲ್ಲಂಗಡಿ ಒಳ ಭಾಗದಲ್ಲಿ ಕೆಂಪು ಬಣ್ಣ ನೋಡುಗರನ್ನು ಆಕರ್ಷಿಸುತ್ತಿದೆ. ಬೆಳೆ ಕಟಾವು ಮಾಡಿ ಬರುತ್ತಿದ್ದಂತೆ ಜನರ ಬೇಡಿಕೆ ಹೆಚ್ಚಾಗುತ್ತಿದ್ದು ಹಿರಿಯಡಕದಲ್ಲಿ ಅಳವಡಿಸಿದ ಸ್ಟಾಲ್ಗೆ ನೂರಾರು ಜನ ಆಗಮಿಸಿ ಬಣ್ಣ ಬಣ್ಣದ ಕಲ್ಲಂಗಡಿ ಹಣ್ಣನ್ನು ಸವಿದು ಮನೆಗೆ ಕೊಂಡು ಹೋಗುತ್ತಿದ್ದಾರೆ.
ಹಳದಿ ಕಲ್ಲಂಗಡಿ ಕೆಂಪು ಹಣ್ಣಿಗಿಂತಲೂ ಬಹಳ ಪ್ರಯೋಜನಕಾರಿ ಮತ್ತು ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ. ಹಳದಿ ಕಲ್ಲಂಗಡಿ ತಿನ್ನುವುದರಿಂದ ಆಗುವ ಲಾಭಗಳು ಸಾಕಷ್ಟಿವೆ. ಹಳದಿ ಬಣ್ಣದ ಕಲ್ಲಂಗಡಿ ಈಗ ಹೆಚ್ಚು ಫೇಮಸ್ ಆಗುತ್ತಿದೆ. ಮೊಬೈಲ್ ವಾಟ್ಸಪ್ ಗಳಲ್ಲಿ ಬಣ್ಣ ಬಣ್ಣದ ಕಲ್ಲಂಗಡಿ ಹಣ್ಣಿನ ಬಗ್ಗೆ ಪ್ರಚಾರವಾಗುತ್ತಿದ್ದಂತೆ ಜನ ಸ್ಟಾಲ್ಗೆ ಬರುತ್ತಿದ್ದು ಕೆಂಪು ಹಳದಿ ಮಿಶ್ರಿತ ಕಲ್ಲಂಗಡಿ ಹಣ್ಣು ನೋಡಿ ಅಚ್ಚರಿಗೊಂಡಿದ್ದಾರೆ.
