newsics.com
ಬ್ರಿಟನ್: ಜಿನೀವಾ ಭವನದಲ್ಲಿ ಭಾರತೀಯ ಸಿಬ್ಬಂದಿಯನ್ನು ಶೋಷಣೆ ಮಾಡಿದ್ದಕ್ಕಾಗಿ ಬ್ರಿಟನ್ನ ಶ್ರೀಮಂತ ಕುಟುಂಬ ಹಿಂದೂಜಾಗಳ ನಾಲ್ವರಿಗೆ ಸ್ವಿಸ್ ನ್ಯಾಯಾಲಯ ಶುಕ್ರವಾರ ಜೈಲು ಶಿಕ್ಷೆ ವಿಧಿಸಿದೆ.
ಮಾನವ ಕಳ್ಳಸಾಗಣೆ ಆರೋಪದಿಂದ ಹಿಂದೂಜಾಗಳನ್ನು ಖುಲಾಸೆಗೊಳಿಸಲಾಯಿತು. ಆದರೆ ತೀರ್ಪಿನಲ್ಲಿ ಇತರ ಆರೋಪಗಳ ಮೇಲೆ ದೋಷಾರೋಪಣೆ ಮಾಡಲಾಯಿತು. ಅಂದ ಹಾಗೆ ಈ ಕುಟುಂಬದ ಅಂದಾಜು ನಿವ್ವಳ ಮೌಲ್ಯ 47 ಶತಕೋಟಿ ಯುಎಸ್ ಡಾಲರ್. ಇದು ಸುಮಾರು 3,92,820 ಕೋಟಿ ರೂ.ಗೆ ಸಮ.
ಪ್ರಕಾಶ್ ಹಿಂದುಜಾ ಮತ್ತು ಅವರ ಪತ್ನಿ ಕಮಲ್ ಹಿಂದೂಜಾ ತಲಾ ನಾಲ್ಕು ವರ್ಷ ಮತ್ತು ಆರು ತಿಂಗಳು, ಅವರ ಮಗ ಅಜಯ್ ಮತ್ತು ಅವರ ಪತ್ನಿ ನಮ್ರತಾ ನಾಲ್ಕು ವರ್ಷಗಳ ಶಿಕ್ಷೆ ವಿಧಿಸಲಾಗಿದೆ.
ಭಾರತದಿಂದ ಕೆಲಸಗಾರರನ್ನು ಸ್ವಿಟ್ಜರ್ಲೆಂಡ್ಗೆ ಕರೆದುಕೊಂಡು ಹೋದ ನಂತರ ಅವರ ಪಾಸ್ಪೋರ್ಟ್ಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುವ ಆರೋಪಗಳು ಕುಟುಂಬದ ಮೇಲಿತ್ತು.
ಜಿನೀವಾದಲ್ಲಿನ ತಮ್ಮ ಐಷಾರಾಮಿ ಲೇಕ್ಸೈಡ್ ವಿಲ್ಲಾದಲ್ಲಿ ಉದ್ಯೋಗದಲ್ಲಿದ್ದ ತಮ್ಮ ಸೇವಕರನ್ನು, ಹೆಚ್ಚಾಗಿ ಅನಕ್ಷರಸ್ಥ ಭಾರತೀಯರನ್ನು ಕಳ್ಳಸಾಗಣೆ ಮಾಡಿದ ಆರೋಪವನ್ನು ಈ ನಾಲ್ವರು ಹೊಂದಿದ್ದರು. ಕಾರ್ಮಿಕರ ಶೋಷಣೆ ಮತ್ತು ಅನಧಿಕೃತ ಉದ್ಯೋಗ ಒದಗಿಸಿದ ನಾಲ್ವರು ತಪ್ಪಿತಸ್ಥರು ಎಂದು ನ್ಯಾಯಾಲಯ ಹೇಳಿದೆ.
39 ಲಕ್ಷ ಕೋಟಿಗಳ ಒಡೆಯರಾಗಿದ್ದರೂ ಮನೆಯ ನಾಯಿಗಳಿಗೆ ಖರ್ಚು ಮಾಡಿದಷ್ಟು ಹಣವನ್ನೂ ಕೆಲಸದವರಿಗೆ ಕೊಡುತ್ತಿರಲಿಲ್ಲ. ಪ್ರಾಣಿಗಳಿಗಿಂತ ಕೀಳಾಗಿ ಅವರನ್ನು ನಡೆಸಿಕೊಳ್ಳುತ್ತಿದ್ದರು ಎಂದು ಆರೋಪಿಸಲಾಗಿದೆ.
