health : ಹುಡುಗರಿಗೆ ಮುಖದಲ್ಲಿ ಮೊಡವೆಗಳು ಬಂದ್ರೆ ಏನ್ ಮಾಡ್ಬೇಕು? ಇಲ್ಲಿದೆ ಸರಳ ಉಪಾಯ..

newsics.com

ಮೊಡವೆಗಳು ಹುಡುಗಿಯರಿಗೆ ಮಾತ್ರ ಅಲ್ಲ.. ಹುಡುಗರಿಗೂ ಬರ್ತಾ ಇರುತ್ತವೆ. ಮತ್ತೆ, ಆ ಮೊಡವೆಗಳು ಹೋಗ್ಬೇಕು ಅಂದ್ರೆ ಹುಡುಗರು ಏನ್ ಮಾಡ್ಬೇಕು? ಎನ್ನುವ ಪ್ರಶ್ನೆ ನಿಮಗೆ ಇದ್ದರೆ ನಾವು ಇಂದು ಕೆಲವು ಪರಿಹಾರ ಮಾರ್ಗಗಳ ಕುರಿತಾಗಿ ತಿಳಿಸಿ ಕೊಡಲಿದ್ದೇವೆ…

ನಿಮಗೆ ತಲೆಹೊಟ್ಟು ಸಮಸ್ಯೆ ಇದ್ರೆ ಹೆಚ್ಚು ಮೊಡವೆಗಳು ಬರುತ್ತವೆ, ಹಾಗಾಗಿ ಅದನ್ನ ಬೇಗ ಪರಿಹರಿಸಿಕೊಳ್ಳಿ.
ಮೊಡವೆ ಸಮಸ್ಯೆಯಿಂದ ಹೊರಬರ್ಬೇಕು ಅಂದ್ರೆ ಸಾಧ್ಯವಾದಷ್ಟು ಎಣ್ಣೆ ಪದಾರ್ಥಗಳಿಂದ ದೂರ ಇರಿ. ಯಾಕಂದ್ರೆ ಅವು ಮುಖದ ಮೇಲೆ ಮೊಡವೆಗಳನ್ನ ಹೆಚ್ಚಿಸುತ್ತವೆ.

ಮುಖವನ್ನು ಸಾಧ್ಯವಾದಷ್ಟು ಶುಚಿಯಾಗಿ ಇಟ್ಕೊಳ್ಳಿ. ದಿನಕ್ಕೆ ಕನಿಷ್ಠ ಎರಡರಿಂದ ಮೂರು ಬಾರಿ ಮುಖ ತೊಳೆಯಿರಿ. ಮುಖ ತೊಳೆಯುವಾಗ ಕೆಮಿಕಲ್ ಇಲ್ಲದ ಫೇಸ್ ವಾಶ್ ಬಳಸಿ.

ರಾತ್ರಿ ಮಲಗುವ ಮುನ್ನ ಮುಖವನ್ನು ಚೆನ್ನಾಗಿ ತೊಳೆದು ಮೊಶ್ಚರೈಸರ್ ಹಚ್ಚಿಕೊಳ್ಳಿ. ಕ್ರಮೇಣ ಮೊಡವೆ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಸಾಮಾನ್ಯವಾಗಿ ಮೊಡವೆ ಸಮಸ್ಯೆ ಎಣ್ಣೆ, ಸತ್ತ ಚರ್ಮದ ಕಣಗಳು, ಹಾರ್ಮೋನುಗಳು, ಆಹಾರ ಪದ್ಧತಿ, ಒತ್ತಡದಿಂದ ಬರುತ್ತೆ. ನೀವು ಹೆಚ್ಚು ಭಯ, ಆತಂಕ, ಒತ್ತಡಕ್ಕೆ ಒಳಗಾದಾಗ, ಒತ್ತಡದ ಹಾರ್ಮೋನುಗಳು ಹೆಚ್ಚಾಗಿ ಉತ್ಪತ್ತಿಯಾಗುತ್ತವೆ. ಇದರಿಂದ ಮೊಡವೆಗಳು ಹೆಚ್ಚಾಗುತ್ತವೆ.