newsics.com
ಪ್ರೀತಿ ಎರಡಕ್ಷರವಾದರೂ ಇಡೀ ಬದುಕನ್ನೇ ಬದಲಾಯಿಸುವ ಶಕ್ತಿ ಅದರೊಳಗಿದೆ. ವಯಸ್ಸು, ಅಂದ – ಚಂದ, ಹಣ, ಜಾತಿ-ಧರ್ಮ ಇದೆಲ್ಲವನ್ನೂ ಮೀರಿಯೂ ಪ್ರೀತಿ ಚಿಗುರೊಡೆಯುತ್ತದೆ. ಇಂತಹ ಪ್ರೇಮಿಗಳಿಗೆ ಫೆಬ್ರವರಿಯಲ್ಲಿನ ಒಂದು ವಾರ ಅವರಿಗಾಗಿಯೇ ಮೀಸಲಿದೆ.. ಫೆಬ್ರವರಿ 7 ರಿಂದ ಫೆಬ್ರವರಿ 14ರವರೆಗಿನ ಒಂದೊಂದು ದಿನ ಅದರದ್ದೇ ಆದ ವಿಶೇಷವನ್ನೊಳಗೊಂಡಿದೆ.
ವ್ಯಾಲೆಂಟೈನ್ ವಾರದಲ್ಲಿ ಹಗ್ ಡೇ ದಿನ ತುಂಬಾ ವಿಶೇಷ. ಈ ದಿನ ನೀವು ನಿಮ್ಮ ಗೆಳತಿ ಅಥವಾ ಗೆಳೆಯನಿಗೆ ಪ್ರೀತಿಯ ಅಪ್ಪುಗೆ ನೀಡುವ ಮೂಲಕ ಸಂತೋಷಪಡಿಸಬಹುದು.
ಹಗ್ ಡೇ ದಂದು ವಿಶೇಷ ಸಂದರ್ಭದಲ್ಲಿ ಪ್ರೀತಿಯ ಅಪ್ಪುಗೆಯೊಂದಿಗೆ ನಿಮ್ಮ ಗೆಳತಿಗೆ ಕಸ್ಟಮೈಸ್ ಮೇಕಪ್ ಅನ್ನು ಸಹ ನೀಡಬಹುದು. ಕಿಟ್ನಲ್ಲಿ ಹೇರ್ಕ್ಲಿಪ್ ಜೊತೆಗೆ ನೇಲ್ ಪಾಲಿಶ್, ಫೇಸ್ ಪೌಡರ್,ಲಿಫ್ ಬಾಮ್, ಹೇರ್ ಸ್ಟ್ರೈಟ್ನರ್, ರಬ್ಬರ್ ಬ್ಯಾಂಡ್ ಇತ್ಯಾದಿ ಇರುತ್ತವೆ. ಅಂತಹ ಕಿಟ್ ನಿಮಗೆ ಉತ್ಪನ್ನದ ಬೆಲೆಯನ್ನು ಅವಲಂಬಿಸಿ ಅಗ್ಗವಾಗಿ ಅಥವಾ ದುಬಾರಿಯಾಗಿ ಸಿಗುತ್ತದೆ.
ನೀವು ಗೆಳತಿಗೆ ಮೇಕಪ್ ಕಿಟ್ ಮಾತ್ರವಲ್ಲದೆ ಸ್ಮರಣೀಯ ಬೋ ಬ್ರೇಸ್ಲೆಟ್ ಅನ್ನು ಸಹ ನೀಡಬಹುದು. ಮಾರುಕಟ್ಟೆಯಲ್ಲಿ ನೀವು ಸುಲಭವಾಗಿ ಲೋಹದ ಡಿಸೈನರ್ ಬ್ರೇಸ್ಲೆಟ್ಗಳನ್ನು ಕಾಣಬಹುದು, ಅವುಗಳು ಸೊಗಸಾದ ನೋಟವನ್ನು ನೀಡುತ್ತವೆ. ಬಜೆಟ್ ಹೆಚ್ಚಿದ್ದರೆ, ನೀವು ಚಿನ್ನದ ಬ್ರೇಸ್ಲೆಟ್ ಅನ್ನು ಸಹ ಗೆಳತಿಗೆ ಉಡುಗೊರೆಯಾಗಿ ನೀಡಬಹುದು.
ಆಲಿಂಗನ ದಿನದಂದು ಗೆಳತಿಗೆ ಮಾತ್ರ ಉಡುಗೊರೆ ನೀಡಬೇಕೆಂದೇನಿಲ್ಲ. ನೀವು ಗೆಳೆಯನಿಗೆ ಸಹ ಉಡುಗೊರೆ ನೀಡಬಹುದು. ನಿಮ್ಮ ಗೆಳೆಯ ಆಹಾರಪ್ರಿಯನಾಗಿದ್ದರೆ, ನೀವು ಅವನಿಗೆ ಬರ್ಗರ್ ಆಕಾರದ ದೀಪವನ್ನು ನೀಡಬಹುದು.
