newsics.com
ಉತ್ತರ ಪ್ರದೇಶ: ಝಾನ್ಸಿಯಲ್ಲಿ 2009ರಲ್ಲಿ ಮೃತಪಟ್ಟಿದ್ದ ನಾಥುನಿ ಪಾಲ್ 17 ವರ್ಷಗಳ ಬಳಿಕ ಜೀವಂತವಾಗಿ ಪತ್ತೆಯಾಗಿದ್ದಾರೆ.
ಈತ ಕಣ್ಮರೆಯ ಬಳಿಕ ಅವರ ಕುಟುಂಬದ ಸದಸ್ಯರು ಆತ ಕೊಲೆಯಾಗಿದ್ದಾನೆ ಎಂದು ಭಾವಿಸಿದ್ದರು. ಈ ಹಿನ್ನೆಲೆಯಲ್ಲಿ ಅನುಮಾನವಿದ್ದ ನಾಲ್ವರ ವಿರುದ್ಧ ಸಾಕ್ಷಿಗಳು ಸಿಕ್ಕಿದ್ದರಿಂದ ಕೊಲೆಯ ಆರೋಪದಲ್ಲಿ ಅವರಿಗೆ ಜೈಲು ಶಿಕ್ಷೆ ವಿಧಿಸಲಾಗಿತ್ತು. ಪೊಲೀಸರ ತನಿಖೆಯಿಂದ ಈ ಪ್ರಕರಣದ ಹಿಂದಿನ ನಿಜವಾದ ಸತ್ಯ ಬಯಲಾಗಿದೆ.
ಝಾನ್ಸಿ ಪೊಲೀಸರು ದಿನನಿತ್ಯದ ಗಸ್ತು ನಡೆಸುತ್ತಿದ್ದಾಗ ತನ್ನನ್ನು ನಾಥುನಿ ಪಾಲ್ ಎಂದು ಗುರುತಿಸಿಕೊಂಡ ವ್ಯಕ್ತಿಯನ್ನು ಕಂಡು ಆಶ್ಚರ್ಯಚಕಿತರಾದರು. ಬಿಹಾರದ ಪೊಲೀಸ್ ಡೇಟಾಬೇಸ್ನಲ್ಲಿ ಪಾಲ್ನನ್ನು “ಮೃತಪಟ್ಟಿದ್ದಾನೆ” ಎಂದು ಪಟ್ಟಿ ಮಾಡಲಾಗಿತ್ತು. ಇದರಿಂದಾಗಿ ಪೊಲೀಸರು ಅಚ್ಚರಿಗೊಳಗಾದರು.
17 ವರ್ಷದ ಹಿಂದೆ ಮೃತಪಟ್ಟಿದ್ದಾನೆ ಎನ್ನಲಾಗಿದ್ದ ವ್ಯಕ್ತಿ ಕಳೆದ 6 ತಿಂಗಳಿನಿಂದ ಝಾನ್ಸಿಯಲ್ಲಿ ವಾಸವಾಗಿದ್ದು, ಒಂಟಿಯಾಗಿಯೇ ಇದ್ದ. ಚಿಕ್ಕವಯಸ್ಸಿನಲ್ಲೇ ಆತನ ತಂದೆ-ತಾಯಿ ತೀರಿ ಹೋಗಿದ್ದು, ಆತನ ಪತ್ನಿ ಬಹಳ ಹಿಂದೆಯೇ ಆತನನ್ನು ಬಿಟ್ಟು ಹೋಗಿದ್ದರು. ನಾಥುನಿ ಪಾಲ್ 16 ವರ್ಷಗಳಿಂದ ಬಿಹಾರಕ್ಕೆ ಭೇಟಿ ನೀಡಿಲ್ಲ ಎಂದು ಅವರೇ ಒಪ್ಪಿಕೊಂಡಿದ್ದಾರೆ.
