newsics.com
ಕೆಲವೊಮ್ಮೆ ಬೇರೆಯವರೇ ನಮ್ಮ ಸಾಧನೆಗೆ ಮುಳ್ಳಾಗುತ್ತಾರೆ, ಇದನ್ನು ಹೇಗೋ ನಿಭಾಯಿಸಿಕೊಂಡು ಗುರಿ ತಲುಪಬಹುದು. ಆದರೆ ನಮ್ಮಲ್ಲಿನ ಕೆಲ ಅನಾರೋಗ್ಯಕರ ಅಭ್ಯಾಸಗಳೇ ನಮ್ಮ ಪ್ರಗತಿಗೆ ಮುಳುವಾಗುವಂತಿದ್ದರೆ, ಅದನ್ನು ಯಾರಿಂದಲೂ ಸರಿಪಡಿಸಲು ಸಾಧ್ಯವಿಲ್ಲ. ಇದನ್ನು ನಾವು ಮಾತ್ರ ಸರಿಪಡಿಸಿಕೊಳ್ಳಬೇಕು.
ಅಷ್ಟೇ ಅಲ್ಲ,ಅವರು ಹತ್ತಿರ ಎಲ್ಲಾ ಇದೆ, ನಮ್ಮ ಬಳಿ ಏನೂ ಇಲ್ಲ. ಅವರು ಹಂಗೆ, ನಾವ್ಯಾಕೆ ಹಿಂಗೆ, ಅವರು ಎಷ್ಟೆಲ್ಲಾ ಸಾಧಿಸಿದ್ದಾರೆ, ನಮ್ಮದು ಮಾತ್ರ ಇಷ್ಟೇ ಹೀಗೆ ಪ್ರತಿಕ್ಷಣ ನಿಮ್ಮನ್ನು ಇತರರ ಜೊತೆ ಹೋಲಿಸಿಕೊಳ್ಳೋದು, ನಿಮ್ಮ ಸಾಧನೆಗಳನ್ನು ಆನಂದಿಸುವ ಬದಲು, ಇತರರು ಏನ್ ಮಾಡಿದ್ದಾರೆ ಎಂಬುದರ ಬಗ್ಗೆ ಗಮನ ಕೊಡಲು ಆದ್ಯತೆ ನೀಡುತ್ತದೆ. ಹೀಗಾಗಿ ಹೋಲಿಕೆ ಮಾಡಿಕೊಳ್ಳದೇ ಕೃತಜ್ಞತೆಯನ್ನು ಅಭ್ಯಾಸ ಮಾಡಿ. ನಿಮ್ಮ ಜೀವನದಲ್ಲಿ ಸಿಕ್ಕ ವಿಷಯಗಳನ್ನು ಸಂಭ್ರಮಿಸಿ. ಈ ಬದಲಾವಣೆಯು ನಿಮ್ಮ ಏಳಿಗೆಗೆ ಸಹಕರಿಸುತ್ತದೆ.
ರಿಸ್ಕ್ ತೆಗೆದುಕೊಳ್ಳದೇ ನಿಮ್ಮದೇ ಕಂಫರ್ಟ್ ಜೋನ್ನಲ್ಲಿರುವುದು ಸ್ವಯಂ ಬೆಳವಣಿಗೆಗೆ ಅಡ್ಡಿಯನ್ನುಂಟು ಮಾಡುತ್ತದೆ. ಹೀಗಾಗಿ ಏನೇ ಆದರೂ ಎದುರಿಸುತ್ತೇನೆ ಅಂತಾ ಮೈಗೊಡವಿ ಹೊರಬನ್ನಿ ಮತ್ತು ಗುರಿ ಸಾಧನೆಗೆ ಏನ್ ಬೇಕೋ ಅದನ್ನು ಮಾಡಲು ಮುಂದಾಗಿ. ಆಗ ಎಲ್ಲಾ ಯಶಸ್ಸು ನಿಮ್ಮದಾಗುತ್ತದೆ.
ಹಲವರು ಸೋಲಿಗೆ ಹೆದರಿ ತಮ್ಮ ಕನಸಿಗೆ ನಡುವಿನಲ್ಲಿಯೇ ಎಳ್ಳುನೀರು ಬಿಟ್ಟುಬಿಡುತ್ತಾರೆ. ಇದು ಹೇಡಿಗಳ ಲಕ್ಷಣವಲ್ಲದೇ ಮತ್ತೇನೂ ಅಲ್ಲ. ಯಶಸ್ಸು ಪಡೆಯಲು ಮೊದಲು ಈ ಅಭ್ಯಾಸ ಬಿಡಿ. ಒಂದು ಯೋಜನೆ ಅಥವಾ ಗುರಿಗೆ ಬದ್ಧರಾಗಿರಿ ಈ ಬದ್ಧತೆಯು ಹೊಣೆಗಾರಿಕೆಯನ್ನು ಸೃಷ್ಟಿಸುತ್ತದೆ ಮತ್ತು ಸವಾಲುಗಳನ್ನು ತೆಗೆದುಕೊಳ್ಳಲು ನಿಮ್ಮನ್ನು ಸಿದ್ಧಗೊಳಿಸುತ್ತದೆ.
ಫೋನ್ಗಳು ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ ಆದರೆ ಈಗ ಇವೇ ಜೀವನ ಅನ್ನೋ ಪರಿಸ್ಥಿತಿಯಲ್ಲಿ ನಾವಿದ್ದೇನೆ. ಅತಿಯಾದ ಫೋನ್ ಚಟ ನಿಮ್ಮ ಸಮಯ, ಮನಸ್ಥಿತಿ ಎಲ್ಲವನ್ನೂ ಹಾಳು ಮಾಡುತ್ತದೆ.
ಸಮಯ ಒಂದು ಕ್ಷಣವೂ ನಿಲ್ಲಲ್ಲ ಓಡ್ತಾನೇ ಇರುತ್ತದೆ. ಹೀಗಾಗಿ ಒಳ್ಳೆ ಸಮಯಕ್ಕೆ ಕಾಯದೇ ಸಿಕ್ಕ ಸಮಯದಲ್ಲಿ ಕೆಲಸ ಮಾಡಲು ಆರಂಭಿಸಬೇಕು. ಒಳ್ಳೆ ಟೈಮ್ಗೆ ಕಾಯ್ತಾ ಕೂರೋದು ಅವಕಾಶಗಳನ್ನು ತಪ್ಪಿಸಬಹುದು. ಆದ್ದರಿಂದ ಸಮಯಕ್ಕೆ ಕಾಯದೇ ಮೊದಲು ಆರಂಭಿಸಿ, ತದನಂತರ ಅದರಲ್ಲಿ ಪಕ್ವತೆಯನ್ನು ಸಾಧಿಸುತ್ತಾ ಹೋಗಿ. ಈ ಮೇಲಿನ ಅನಾರೋಗ್ಯಕರ ಚಟಗಳಿಂದ ಮುಕ್ತರಾಗುವುದು ಸ್ವಯಂ ಬೆಳವಣಿಗೆ ಮತ್ತು ಸಂತೋಷಕ್ಕೆ ದಾರಿ ಮಾಡಿಕೊಡುತ್ತದೆ.
