newsics.com
ಅಮೇರಿಕಾ: ಬ್ರಿಯಾನ್ ಜಾನ್ಸನ್ ಎಂಬ ಅಮೆರಿಕಾದ ಮಿಲೆಯೆನೀಯರ್ ಟೆಕ್ಕಿಯೊಬ್ಬರು ತಮ್ಮ ತಂದೆಗೆ ಪ್ಲಾಸ್ಮಾ ದಾನವನ್ನು ಮಾಡಿದ್ದಾರೆ. ಈ ಒಂದು ಸೂಪರ್ ಕ್ಲೀನ್ ಪ್ಲಾಸ್ಮಾ ದಾನ ಮಾಡಿರುವುದರಿಂದಾಗಿ ನಾನು ನನ್ನ ತಂದೆಯ ವಯಸ್ಸನ್ನು 25 ವರ್ಷ ಕಡಿಮೆ ಮಾಡಿದ್ದೇನೆ ಎಂದು ಬ್ರಿಯಾನ್ ಹೇಳಿಕೊಂಡಿದ್ದಾರೆ.
ತಮ್ಮ ಎಕ್ಸ್ ಖಾತೆಯಲ್ಲಿ ಈ ಬಗ್ಗೆ ಬರೆದುಕೊಂಡಿರುವ ಬ್ರಿಯಾನ್ ಜಾನ್ಸನ್ ಪ್ರಾಜೆಕ್ಟ್ ಬ್ಲ್ಯೂ ಪ್ರಿಂಟ್ ಎಂಬ ನಿಯಮದ ಮೂಲಕ ತನ್ನ ಎಪಿಜೆನಿಕ್ ವಯಸ್ಸನ್ನು ಐದು ವರ್ಷಗಳಷ್ಟು ಕಡಿಮೆ ಮಾಡಿಕೊಂಡಿರುವುದಾಗಿ ಜಾನ್ಸನ್ ಹೇಳಿದ್ದಾರೆ.
ಜಗತ್ತಿನೆಲ್ಲೆಡೆ ಕುತೂಹಲಕ್ಕೆ ಕಾರಣವಾಗಿದ್ದ ಸಂಪೂರ್ಣ ಪ್ಲಾಸ್ಮಾ ವಿನಿಮಯ ಅಂದ್ರೆ ಟೋಟಲ್ ಪ್ಲಾಸ್ಮಾ ಎಕ್ಸಚೆಂಜ್ (ಟಿಇಪಿ) ಬಳಿಕ ನನ್ನ ಪ್ಲಾಸ್ಮಾವನ್ನು ವಿಲೇವಾರಿ ಮಾಡಲು ಲ್ಯಾಬ್ ತಂತ್ರಜ್ಞರಿಗೆ ಆಗಲಿಲ್ಲ. ಇದೊಂದು ಕ್ಲೀನ್ ಪ್ಲಾಸ್ಮಾ ಆಗಿದ್ದು ಅದರಲ್ಲಿ ಒಂದು ಲೀಟರ್ ಪ್ಲಾಸ್ಮಾವನ್ನು ನಾನು ನಮ್ಮ ತಂದೆಗೆ ನೀಡಿದ್ದೇನೆ ಈಗ ಅವರ ವಯಸ್ಸು 25 ವರ್ಷಗಳಷ್ಟು ಕಡಿಮೆಯಾಗಿದೆ ಎಂದು ಜಾನ್ಸನ್ ಹೇಳಿಕೊಂಡಿದ್ದಾರೆ.
ಪ್ಲಾಸ್ಮಾ ಎಂದರೆ, ಪ್ಲಾಸ್ಮಾ ರಕ್ತದದಲ್ಲಿರುವ ಪ್ರಮುಖ ಅಂಶಗಳಲ್ಲಿ ಒಂದು. ರಕ್ತದಲ್ಲಿರುವ ಬಿಳಿ ರಕ್ತಕಣಗಳು, ಕೆಂಪರಕ್ತಕಗಣಳು ದೇಹಕ್ಕೆ ಎಷ್ಟು ಪ್ರಮುಖವೋ ಅಷ್ಟೇ ಪ್ರಾಮುಖ್ಯತೆ ಪ್ಲಾಸ್ಮಾಗೂ ಇದೆ. ಇದು ಕೂಡ ರಕ್ತದ ರೀತಿ ಕೆಂಪು ಬಣ್ಣದಿಂದಲೇ ಕೂಡಿದ್ದರು ಸಹ ಹೊರ ತೆಗೆದಾಗ ಹಳದಿ ದ್ರವ್ಯದಂತೆ ಗೋಚರಿಸುತ್ತದೆ. ದೇಹದಲ್ಲಿ ಪ್ಲಾಸ್ಮಾದ ಪ್ರಮಖ ಪಾತ್ರವೆಂದರೆ ಪೋಷಕಾಂಶಗಳನ್ನ, ಹಾರ್ಮೋನ್ಗಳನ್ನ ಹಾಗೂ ಪ್ರೋಟಿನ್ಗಳನ್ನ ದೇಹಕ್ಕೆ ಅಗತ್ಯವಿರುವ ಭಾಗಕ್ಕೆ ಕೊಂಡೊಯ್ಯುತ್ತದೆ.
