newsics.com
ಗುಜರಾತ್: ಮಗನ ಹುಟ್ಟು ಹಬ್ಬದ ಆಚರಣೆಯ ದಿನವೇ ತಾಯಿಯೊಬ್ಬರು ಹಠಾತ್ ಹೃದಯಾಘಾತದಿಂದ ಸಾವನ್ನಪ್ಪಿರುವ ಹೃದಯ ವಿದ್ರಾವಕ ಘಟನೆ ಇಲ್ಲಿನ ವಲ್ಸಾದ್ನಲ್ಲಿ ನಡೆದಿದೆ.
ಯಾಮಿನಿಬೆನ್ ಮೃತಪಟ್ಟ ತಾಯಿ. ತನ್ನ 5 ವರ್ಷದ ಮಗನ ಹುಟ್ಟುಹಬ್ಬವನ್ನು ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಆಚರಿಸುತ್ತಿದ್ದ ಸಂಭ್ರಮದಲ್ಲಿದ್ದ ವೇಳೆಯೇ ಈಕೆಗೆ ಹೃದಯಾಘಾತವಾಗಿದೆ.
ಹುಟ್ಟುಹಬ್ಬದ ವೇಳೆ ಡಿಜೆ ಸಂಗೀತಕ್ಕೆ ಎಲ್ಲರು ಖುಷಿಯಿಂದ ನೃತ್ಯ ಮಾಡುತ್ತಿದ್ದಾಗ ಮಹಿಳೆ ತನ್ನ ಪತಿ ಮತ್ತು ಮಗನೊಂದಿಗೆ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದರು. ಇದ್ದಕ್ಕಿದ್ದಂತೆ ಈ ವೇಳೆ ವೇದಿಕೆ ಮೇಲೆ ಕುಸಿದು ಬಿದ್ದ ಅವರನ್ನ ಕೂಡಲೇ ಸಮೀಪದ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ವೈದ್ಯರು ಆಕೆ ಮೃತಪಟ್ಟಿರುವುದಾಗಿ ಘೋಷಿಸಿದ್ದಾರೆ. ಯಾಮಿನಿಬೆನ್, ಕುಸಿದು ಬಿದ್ದು ಸಾವನ್ನಪ್ಪಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
