newsics.com | ನ್ಯೂಸಿಕ್ಸ್
ಬೆಂಗಳೂರು: ಕನ್ನಡ ಸುಗಮ ಸಂಗೀತ ಮತ್ತು ಚಲನಚಿತ್ರ ರಂಗದ ಮೇರು ಪ್ರತಿಭೆ, ‘ಮ್ಯಾಂಡೋಲಿನ್ ಪ್ರಸಾದ್’ ಎಂದೇ ಜನಪ್ರಿಯರಾಗಿದ್ದ ಹಿರಿಯ ಸಂಗೀತ ಸಂಯೋಜಕ ಎನ್.ಎಸ್. ಪ್ರಸಾದ್ (66) ಅವರು ನಿಧನರಾಗಿದ್ದಾರೆ.
ಪಾಶ್ಚಾತ್ಯ ಶೈಲಿಗೆ ಸೀಮಿತವಾಗಿದ್ದ ಮ್ಯಾಂಡೋಲಿನ್ ವಾದ್ಯವನ್ನು ಕನ್ನಡದ ಸುಗಮ ಸಂಗೀತ ಹಾಗೂ ಲಘು ಶಾಸ್ತ್ರೀಯ ಶೈಲಿಗೆ ಒಗ್ಗಿಸಿ ಹೊಸ ಪ್ರಯೋಗ ಮಾಡಿದ್ದ ಕೀರ್ತಿ ಇವರಿಗೆ ಸಲ್ಲುತ್ತದೆ. ಸಂಗೀತದ ಪ್ರಮುಖ ಭಾಗವಾದ ‘ಗಮಕ’ಗಳನ್ನು ಮ್ಯಾಂಡೋಲಿನ್ ಮೂಲಕ ಅದ್ಭುತವಾಗಿ ಹೊರತರುತ್ತಿದ್ದ ಇವರು, ಅನೇಕ ಭಾವಗೀತೆಗಳಿಗೆ ಜೀವ ತುಂಬುವ ನಾದ ನೀಡಿದ್ದರು. ಸಂಗೀತ ಸೇವೆ ಗುರುತಿಸಿ ಇವರಿಗೆ 2009ರಲ್ಲಿ ಪ್ರತಿಷ್ಠಿತ ‘ಕರ್ನಾಟಕ ಕಲಶ್ರೀ’ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು.
ಸುಗಮ ಸಂಗೀತದ ದಿಗ್ಗಜ ಸಿ. ಅಶ್ವಥ್ ಅವರ ಜೊತೆ ಸುಮಾರು 30 ವರ್ಷಗಳಿಗೂ ಹೆಚ್ಚು ಕಾಲ ಪ್ರಮುಖ ಸಂಗೀತ ಸಂಯೋಜಕರಾಗಿ (Music Arranger) ಪ್ರಸಾದ್ ಅವರು ಶ್ರಮಿಸಿದ್ದರು. ಇವರ ನಿಧನದಿಂದ ಕನ್ನಡ ಸಂಗೀತ ಲೋಕಕ್ಕೆ ತುಂಬಲಾರದ ನಷ್ಟವಾಗಿದ್ದು, ಕಲಾಕ್ಷೇತ್ರದ ಗಣ್ಯರು ಕಂಬನಿ ಮಿಡಿದಿದ್ದಾರೆ.
Crime Case ಸಾಲದ ಕಿರುಕುಳಕ್ಕೆ ಮನನೊಂದು ಕೃಷಿ ಹೊಂಡಕ್ಕೆ ಹಾರಿ ತಾಯಿ, ಮಕ್ಕಳು ಸಾ*ವು
