newsics.com/ನ್ಯೂಸಿಕ್ಸ್
ಇತ್ತೀಚೆಗೆ ಟಾಲಿವುಡ್ನ ಮುದ್ದಾದ ಜೋಡಿ ವಿಜಯ್ ದೇವರಕೊಂಡ, ರಶ್ಮಿಕಾ ಮಂದಣ್ಣ ಅವರು ಅಚ್ಚಂಪೇಟೆಗೆ ಪ್ರಯಾಣಿಸಿದ್ದರು. ಗಂಡ ಹಾಗೂ ಅತ್ತೆ ಮಾವನ ಜೊತೆ ಕುಟುಂಬ ಸಮೇತರಾಗಿ ತನ್ನ ಮಾವನ ಊರಿಗೆ ಹೋಗಿದ್ದ ನಟಿ ರಶ್ಮಿಕಾ ಮಂದಣ್ಣ ಅವರು ಪ್ರಯಾಣಿಸಿದ್ದ ಕಾರು ಈಗ ವೈರಲ್ ಆಗುತ್ತಿದೆ.
ಸೆಲೆಬ್ರಿಟಿಗಳು ಪ್ರಯಾಣಿಸುವುದು ಸಾಮಾನ್ಯವಾಗಿ ಫ್ಲೈಟ್ನಲ್ಲೇ. ಆದರೆ ಒಂದು ವೇಳೆ ಅವರು ರಸ್ತೆ ಮಾರ್ಗವಾಗಿ ಪ್ರಯಾಣಿಸುವ ಸಂದರ್ಭ ಬಂದಾಗ ಅವರ ಕಾರುಗಳು ಜನ ಸಾಮಾನ್ಯರ ಹುಬ್ಬೇರುವ ಹಾಗೆ ಮಾಡುತ್ತವೆ. ಬಹಳಷ್ಟು ಸೆಲೆಬ್ರಿಟಿಗಳು ಕೋಟಿಗಿಂತ ಕಡಿಮೆ ಇರೋ ಕಾರಲ್ಲಿ ಓಡಾಡೋದು ನೋಡೋಕೆ ಸಿಗಲ್ಲ. ಬಹುತೇಕ ಎಲ್ಲರೂ ಕೋಟ್ಯಂತರ ಬೆಲೆ ಬಾಳೋ ಕಾರಲ್ಲೇ ಪ್ರಯಾಣಿಸ್ತಾರೆ.
ನಟಿ ರಶ್ಮಿಕಾ ಅವರಲ್ಲಿಯೂ ಬಹಳಷ್ಟು ಲಕ್ಷುರಿ ಕಾರುಗಳಿವೆ. ಅವರ ಕಾರುಗಳ ಕಲೆಕ್ಷನ್ ಸಂಪೂರ್ಣವಾಗಿ ವಿಭಿನ್ನವಾದ ಐಷಾರಾಮಿ ಮಟ್ಟದಲ್ಲಿವೆ ಎನ್ನುವುದು ನಿಮಗೆ ಗೊತ್ತಿದೆಯಾ? ಡೈನಾಮಿಕ್ ಜೋಡಿ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಇತ್ತೀಚೆಗೆ ತಮ್ಮ ಅಲ್ಟ್ರಾ-ಪ್ರೀಮಿಯಂ ₹1.5 ಕೋಟಿ ಟೊಯೋಟಾ ವೆಲ್ಫೈರ್ನಲ್ಲಿ ಪ್ರಯಾಣಿಸುತ್ತಿರುವುದು ಕಂಡುಬಂದಿತು.
ಈ ಕಾರಿನ ಬ್ಯಾಕ್ ಸೀಟ್ ಇನ್ನೊಂದು ಲೆವೆಲ್ನಲ್ಲಿದೆ. ಬ್ಯಾಕ್ ಸೀಟ್ಗೆ ಹೋದರೆ ಫೈವ್ ಸ್ಟಾರ್ ಹೋಟೆಲ್ ಸೂಟ್ಗೆ ನೇರವಾಗಿ ಎಂಟ್ರಿ ಕೊಟ್ಟ ಹಾಗಿರುತ್ತದೆ. ಪ್ಲಶ್ ರೆಕ್ಲೈನರ್ಗಳಿಂದ ಸಂಪೂರ್ಣ ವಾಯ್ಸ್ ಕ್ಯಾನ್ಸಲೇಷನ್ ಅದ್ಭುತ ಪ್ರಯಾಣದ ಅನುಭವ ನೀಡುತ್ತದೆ. ಒಂದು ಸಿನಿಮಾಗೆ 10-15 ಕೋಟಿಯವರೆಗೂ ಚಾರ್ಜ್ ಮಾಡೋ ರಶ್ಮಿಕಾ ಪ್ರಯಾಣಿಸೋ ಕಾರು ಇಷ್ಟು ಐಶರಾಮಿಯಾಗಿದ್ದರೆ ಅಚ್ಚರಿಪಡೋ ಸಂಗತಿ ಇಲ್ಲ ಬಿಡಿ.
ವಿಜಯ್ ದೇವರಕೊಂಡ ಅವರು ಮತ್ತು ಅವರ ಪತ್ನಿ ರಶ್ಮಿಕಾ ಮಂದಣ್ಣ ಅವರು ತುಮ್ಮನ್ಪೇಟೆ ಎಂಬ ಹಳ್ಳಿಗೆ ಪ್ರಯಾಣಿಸುತ್ತಿರುವುದಾಗಿ ತಮ್ಮ ಎಕ್ಸ್ (ಹಿಂದಿನ ಟ್ವಿಟರ್)ನಲ್ಲಿ ಪೋಸ್ಟ್ ಶೇರ್ ಮಾಡಿದ್ದಾರೆ. ಅದು ಅವರ ತಂದೆ ಜನಿಸಿದ ಸ್ಥಳವಾಗಿತ್ತು.
“ನಾವು ತುಮ್ಮನ್ಪೇಟೆಗೆ ಹೋಗುತ್ತಿದ್ದೇವೆ. ನನ್ನ ತಂದೆ ಜನಿಸಿದ ಪುಟ್ಟ ಹಳ್ಳಿ. ಫೆಬ್ರವರಿಯಲ್ಲಿ – ರಶ್ಮಿಕಾ ಮತ್ತು ನಾನು ನಮ್ಮ ಒಂದು ಸಣ್ಣ ಕನಸನ್ನು ಘೋಷಿಸಿದ್ದೆವು. ತೆಲಂಗಾಣದ ಅಚಂಪೇಟ್ ಮಂಡಲದ 9 ಮತ್ತು 10 ನೇ ತರಗತಿಯ ಎಲ್ಲಾ ಕಷ್ಟಪಟ್ಟು ಓದುತ್ತಿರುವ ವಿದ್ಯಾರ್ಥಿಗಳಿಗೆ ಪ್ರತಿಫಲ ನೀಡಲು ಹೋಗುತ್ತಿದ್ದೇವೆ ಎಂದು ಅವರು ಬರೆದನಿರ್ಧರಿಸಿದ್ದಾರೆ.
ದೇವರಕೊಂಡ ದಂಪತಿ ಈ ಫೌಂಡೇಶನ್ ಮೂಲಕ ವಿದ್ಯಾರ್ಥಿಗಳಗೆ ನೆರವಾಗುವುದನ್ನು ಘೋಷಿಸಿದರು. ತುಮ್ಮನ್ಪೇಟೆಯ 44 ಸರ್ಕಾರಿ ಶಾಲೆಗಳಲ್ಲಿ 9 ಮತ್ತು 10 ನೇ ತರಗತಿಗಳಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗೆ ಬೆಂಬಲ ನೀಡಲು ದಂಪತಿ ನಿರ್ಧರಿಸಿದ್ದಾರೆ.
