newsics.com
ಬೆಂಗಳೂರು: ಟ್ರಾಫಿಕ್ ಕಂಟ್ರೋಲ್ ರೂಮ್ನಿಂದ ಬಂದ ದಂಡದ ರಸೀದಿ ನೋಡಿ ಉತ್ತರಪ್ರದೇಶದಲ್ಲೊಬ್ಬ ಬೆಚ್ಚಿಬಿದ್ದಿದ್ದಾನೆ. ಅಲ್ಲಾ ಸ್ವಾಮಿ, ಕಾರ್ ಓಡಿಸುವಾಗಲೂ ಹೆಲ್ಮೆಟ್ ಧರಿಸಿರಲೇಬೇಕು ಎಂಬ ಸಂಚಾರಿ ನಿಯಮ ದೇಶದಲ್ಲಿ ಯಾವಾಗ ಬಂತು ಎಂದು ಶಾಕ್ ಆಗಿದ್ದಾನೆ.
ಉತ್ತರಪ್ರದೇಶದ ನೋಯ್ಡಾ ಸಂಚಾರಿ ಪೊಲೀಸರಿಂದ ಒಂದು ಯಡವಟ್ಟು ನಡೆದು ಹೋಗಿದೆ. ತುಷಾರ್ ಸಕ್ಸೇನಾ ಎಂಬ ಯುವಕನಿಗೆ ಕಾರ್ ಚಲಾಯಿಸುವಾಗ ಹೆಲ್ಮೆಟ್ ಧರಿಸಿಲ್ಲ ಎಂಬ ಕಾರಣಕ್ಕೆ 1 ಸಾವಿರ ರೂಪಾಯಿ ದಂಡ ವಿಧಿಸಲಾಗಿದೆ.
ಹೆಲ್ಮೆಟ್ ಧರಿಸಿದ ಕಾರಣ ನಿಮಗೆ 1 ಸಾವಿರ ದಂಡ ವಿಧಿಸಲಾಗಿದೆ ಎಂದು ತುಷಾರ್ ಸಕ್ಸೇನಾಗೆ ಮೊಬೈಲ್ಗೆ ಇತ್ತೀಚೆಗೆ ಒಂದು ಟೆಕ್ಷ್ಟ್ ಮೆಸೇಜ್ ಬಂದಿದೆ. ಅದಕ್ಕೆ ಅಷ್ಟೊಂದು ಗಮನ ಕೊಡದೇ ಇದ್ದಾಗ ಇ-ಮೇಲ್ನಲ್ಲಿಯೂ ಕೂಡ ಸಂಚಾರಿ ಪೊಲೀಸರಿಂದ ಮತ್ತೊಂದು ಮೆಸೇಜ್ ಬಂದಿದ್ದು ನೋಡಿದಾಗ ಯುವಕ ನಿಜಕ್ಕೂ ಶಾಕ್ ಆಗಿದ್ದಾನೆ.
ಕಾರಲ್ಲಿ ಸಂಚರಿಸುವಾಗ ಹೆಲ್ಮೆಟ್ ಧರಿಸಬೇಕೆಂಬ ನಿಯಮ ಎಲ್ಲಿದೆ ಎಂದು ಕೇಳಿದ್ದಾನೆ ಅದಕ್ಕೆ ಸಂಚಾರಿ ಪೊಲೀಸರು ದಂಡ ಕಟ್ಟಿ ಇಲ್ಲವೇ ಕೋರ್ಟ್ ಮೆಟ್ಟಿಲೇರಿ ಇತ್ಯರ್ಥಪಡಿಸಿಕೊಳ್ಳಿ ಎಂದಿದ್ದಾರೆ.
