newsics.com| ನ್ಯೂಸಿಕ್ಸ್
ಬೆಂಗಳೂರು: ನಗರದಲ್ಲಿ ನೋಂದಾಯಿಸಲಾದ ಖಾಸಗಿ ಕಾರುಗಳ ಸಂಖ್ಯೆ ಈಗ 25 ಲಕ್ಷ ದಾಟಿದೆ. ವಿಶ್ವದ ಎರಡನೇ ಅತಿ ಹೆಚ್ಚು ಸಂಚಾರ ದಟ್ಟಣೆ ಇರುವ ನಗರವಾಗಿರುವ ಬೆಂಗಳೂರಿನಲ್ಲಿ ವೈಯಕ್ತಿಕ ವಾಹನಗಳ ಮೇಲೆ ಅವಲಂಬನೆ ಹೆಚ್ಚುತ್ತಲೇ ಇದೆ.
ಜನನಿಬಿಡ ಪ್ರದೇಶಗಳಿಗೆ ಮೆಟ್ರೊ ಜಾಲವನ್ನು ವಿಸ್ತರಿಸುವಲ್ಲಿ ಆಗುತ್ತಿರುವ ವಿಳಂಬ ಮತ್ತು ಸಾರ್ವಜನಿಕ ಬಸ್ಗಳ ಕೊರತೆಯೇ ಈ ಪ್ರವೃತ್ತಿಗೆ ಕಾರಣ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಸಾರಿಗೆ ಇಲಾಖೆಯ ಇತ್ತೀಚಿನ ಅಂಕಿ-ಅಂಶಗಳ ಪ್ರಕಾರ, ಜೂನ್ ತಿಂಗಳಲ್ಲಿ 13,519 ಹೊಸ ಕಾರುಗಳ ನೋಂದಣಿಯಾಗಿದ್ದು ಜೂನ್ 30ರ ವೇಳೆಗೆ ನಗರದಲ್ಲಿ ಒಟ್ಟು 25.2 ಲಕ್ಷ ಕಾರುಗಳಿದ್ದವು. ಸುಮಾರು ಮೂರು ಲಕ್ಷ ಹಳದಿ ಬೋರ್ಡ್ ಟ್ಯಾಕ್ಸಿಗಳು ಕೂಡ ಸಂಚರಿಸುತ್ತಿವೆ.
ಐದು ವರ್ಷಗಳಲ್ಲಿ ಬೆಂಗಳೂರಿನಲ್ಲಿ ಸುಮಾರು ಐದು ಲಕ್ಷ ಖಾಸಗಿ ಕಾರುಗಳು ಸೇರ್ಪಡೆಯಾಗಿವೆ. ಪ್ರತಿ ವರ್ಷ ಸರಾಸರಿ ಒಂದು ಲಕ್ಷ ಹೊಸ ಕಾರುಗಳು ರಸ್ತೆಗಿಳಿದಿವೆ.
ಜೂನ್ನಲ್ಲಿ ನಗರದಲ್ಲಿ 78,084 ವಾಹನಗಳು ನೋಂದಣಿಯಾಗಿವೆ. ಇದು ಒಂದು ತಿಂಗಳಲ್ಲಿ ದಾಖಲಾದ ಮೂರನೇ ಅತಿ ಹೆಚ್ಚು ನೋಂದಣಿ. 2025ರ ಅಕ್ಟೋಬರ್ನಲ್ಲಿ 86,014 ವಾಹನಗಳು ಮತ್ತು ಈ ವರ್ಷದ ಜನವರಿಯಲ್ಲಿ 78,461 ವಾಹನಗಳು ನೋಂದಣಿಯಾಗಿದ್ದವು.
ಮೆಕ್ಸಿಕೊ ನಗರದ ನಂತರ ಬೆಂಗಳೂರನ್ನು ವಿಶ್ವದ ಎರಡನೇ ಅತ್ಯಂತ ಹೆಚ್ಚು ಸಂಚಾರ ದಟ್ಟಣೆ ಹೊಂದಿರುವ ನಗರ ಎಂದು ಟಾಮ್ಟಾಮ್ ಟ್ರಾಫಿಕ್ ಇಂಡೆಕ್ಸ್ ಶ್ರೇಯಾಂಕ ನೀಡಿದೆ. ದಟ್ಟಣೆ ಮತ್ತಷ್ಟು ಉಲ್ಬಣಗೊಳ್ಳುತ್ತಲೇ ಇದೆ. ಬೆಂಗಳೂರಿನಲ್ಲಿ 10 ಕಿಲೋಮೀಟರ್ ಪ್ರಯಾಣಿಸಲು ಸರಾಸರಿ 36 ನಿಮಿಷ 9 ಸೆಕೆಂಡುಗಳು ಬೇಕಾಗುತ್ತಿದೆ ಎಂದು ವರದಿ ಉಲ್ಲೇಖಿಸಿದ್ದು, 2025ರಲ್ಲಿ ದಟ್ಟಣೆಯ ಅವಧಿಯಲ್ಲಿ ವಾಹನ ಚಾಲಕರು ಟ್ರಾಫಿಕ್ನಲ್ಲಿ 168 ಗಂಟೆಗಳನ್ನು ಕಳೆದಿದ್ದಾರೆ ಎಂದು ಅಂದಾಜಿಸಿದೆ.
ಬೆಂಗಳೂರಿನ ಒಟ್ಟಾರೆ ವಾಹನಗಳ ಸಂಖ್ಯೆ ಬೆಳೆಯುತ್ತಲೇ ಇದ್ದು, ಪ್ರಸ್ತುತ 1.28 ಕೋಟಿಗೆ ತಲುಪಿದೆ. ಭಾರಿ ಟ್ರಾಫಿಕ್ನಲ್ಲಿ ಸಂಚರಿಸಲು ಸಾರ್ವಜನಿಕರು ಹೆಚ್ಚಾಗಿ ಖಾಸಗಿ ವಾಹನಗಳನ್ನೇ ಆಶ್ರಯಿಸುವುದರಿಂದ, ದ್ವಿಚಕ್ರ ವಾಹನಗಳು ನಗರದ ಪ್ರಮುಖ ಸಾರಿಗೆ ವಿಧಾನವಾಗಿ ಮುಂದುವರಿದಿವೆ. ನಗರದಲ್ಲಿ 87 ಲಕ್ಷ ದ್ವಿಚಕ್ರ ವಾಹನಗಳಿದ್ದು, ಇದು ಬೆಂಗಳೂರಿನಲ್ಲಿ ನೋಂದಾಯಿಸಲಾದ ಒಟ್ಟು ವಾಹನಗಳಲ್ಲಿ ಶೇ 70ರಷ್ಟಾಗಿದೆ.
Today Gold Rate | 22 ಕ್ಯಾರೆಟ್ ಮತ್ತು 24 ಕ್ಯಾರೆಟ್ ದರ ಎಷ್ಟು? ಖರೀದಿಗೆ ಇದು ಸೂಕ್ತ ಸಮಯವೇ
Strange fever ರಾಜ್ಯದಲ್ಲಿ ವಿಚಿತ್ರ ಜ್ವರ: ಕಂಗಾಲಾದ ಜನ, ಮಾರ್ಗಸೂಚಿ ಬಿಡುಗಡೆ ಮಾಡಿದ ಆರೋಗ್ಯ ಇಲಾಖೆ
KSRTC ಬಸ್ನಲ್ಲಿ ಸೀಟಿಗಾಗಿ ಜಗಳ: ಮಹಿಳೆ ಮೇಲೆ ಕಂಡಕ್ಟರ್ ಹಲ್ಲೆ, ವಿಡಿಯೋ ನೋಡಿ
