newsics.com | ನ್ಯೂಸಿಕ್ಸ್
ಶಿವಮೊಗ್ಗ: ಸಾಮಾನ್ಯವಾಗಿ ವಿಚ್ಛೇದನ (ಡಿವೋರ್ಸ್) ಎಂದರೆ ಕೋರ್ಟ್ ಕಟಕಟೆ, ಕಣ್ಣೀರು, ಪರಸ್ಪರ ಆರೋಪ-ಪ್ರತ್ಯಾರೋಪಗಳ ಕಹಿ ನೆನಪುಗಳೇ ಕಣ್ಣಮುಂದೆ ಬರುತ್ತವೆ.
ಆದರೆ, ಶಿವಮೊಗ್ಗದ ಕೌಟುಂಬಿಕ ನ್ಯಾಯಾಲಯದ ಆವರಣದಲ್ಲಿ ನಡೆದ ಘಟನೆಯೊಂದು ಇಡೀ ಸಮಾಜವೇ ಹುಬ್ಬೇರಿಸುವಂತೆ ಮಾಡಿದೆ.
ಕಾನೂನಾತ್ಮಕವಾಗಿ ಸಂಸಾರ ನಿಲ್ಲಿಸಿದ ದಂಪತಿಯೊಬ್ಬರು, ಕೋರ್ಟ್ನಿಂದ ಹೊರಬರುತ್ತಿದ್ದಂತೆ ಒಟ್ಟಿಗೆ ಕಾಫಿ ಕುಡಿದು ರೀಲ್ಸ್ ಮಾಡುವ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸಂಚಲನ ಸೃಷ್ಟಿಸಿದ್ದಾರೆ.
ಪರಸ್ಪರ ಒಪ್ಪಿಗೆಯ ಮೇರೆಗೆ ವಿಚ್ಛೇದನ ಪಡೆದ ಈ ಜೋಡಿ, ತೀರ್ಪು ಹೊರಬಿದ್ದ ತಕ್ಷಣ ಯಾವುದೇ ದ್ವೇಷವಿಲ್ಲದೆ ಹಸ್ತಲಾಘವ (Handshake) ಮಾಡಿಕೊಂಡಿದ್ದಾರೆ.
ಅಷ್ಟಕ್ಕೇ ಮುಗಿಯದ ಇವರ ‘ವಿದಾಯದ ಪಯಣ’, ಕೋರ್ಟ್ ಆವರಣದ ಹೊರಗಿನ ಹೋಟೆಲ್ನಲ್ಲಿ ಮುಂದುವರಿದಿದೆ. ಇಬ್ಬರೂ ಜೊತೆಯಾಗಿ ಕುಳಿತು ಕಾಫಿ ಸವಿದಿದ್ದಲ್ಲದೆ, “ನಾವು ಪ್ರೀತಿಯಿಂದಲೇ ದೂರಾಗುತ್ತಿದ್ದೇವೆ” ಎಂಬ ಸಂದೇಶ ಸಾರುವ ಹಿನ್ನೆಲೆ ಸಂಗೀತಕ್ಕೆ ರೀಲ್ಸ್ ಮಾಡಿ ಸೋಶಿಯಲ್ ಮೀಡಿಯಾಕ್ಕೆ ಅಪ್ಲೋಡ್ ಮಾಡಿದ್ದಾರೆ.
ಪ್ರಸ್ತುತ ಈ ವಿಡಿಯೋ ಇಂಟರ್ನೆಟ್ನಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ನೆಟ್ಟಿಗರಲ್ಲಿ ಪರ-ವಿರೋಧದ ಚರ್ಚೆ ಹುಟ್ಟುಹಾಕಿದೆ.
“ಸಂಬಂಧ ಮುರಿದರೂ ಪರಸ್ಪರ ಗೌರವ ಕಾಯ್ದುಕೊಂಡಿರುವುದು ಇಂದಿನ ತಲೆಮಾರಿನ ಒಳ್ಳೆಯ ಮಾದರಿ” ಎಂದು ಕೆಲವರು ಶ್ಲಾಘಿಸುತ್ತಿದ್ದರೆ, “ಇತ್ತೀಚಿನ ದಿನಗಳಲ್ಲಿ ಪವಿತ್ರವಾದ ವಿವಾಹ ಬಂಧನ ಹಾಗೂ ಡಿವೋರ್ಸ್ನಂತಹ ಗಂಭೀರ ವಿಷಯಗಳನ್ನು ಇಷ್ಟು ಹಗುರವಾಗಿ ತೆಗೆದುಕೊಳ್ಳುತ್ತಿರುವುದು ಸರಿಯಲ್ಲ” ಎಂದು ಮತ್ತೊಂದು ವಲಯ ತೀವ್ರ ಬೇಸರ ವ್ಯಕ್ತಪಡಿಸಿದೆ.
Misbehave with female students ಖಾಸಗಿ ಬಸ್ನಲ್ಲಿ ವಿದ್ಯಾರ್ಥಿನಿಯರಿಗೆ ಲೈಂ*ಗಿಕ ಕಿರುಕುಳ ನೀಡಿದ ಕಂಡಕ್ಟರ್ ಬಂಧನ
Menstrual Leave ಆರೋಗ್ಯ ಇಲಾಖೆ ಮಹಿಳೆಯರಿಗೆ ಗುಡ್ ನ್ಯೂಸ್: ಸಿಗಲಿದೆ ವರ್ಷಕ್ಕೆ 12 ದಿನ ವೇತನಸಹಿತ ಋತುಚಕ್ರದ ರಜೆ
