newsics.com/ನ್ಯೂಸಿಕ್ಸ್
ಹೈದರಾಬಾದ್: ತನ್ನ ಪತ್ನಿಗೆ ಹಲವು ಅಕ್ರಮ ಸಂಬಂಧಗಳಿವೆ ಎಂದು ಟೆಕ್ಕಿ 19 ಪುಟಗಳ ಡೆತ್ ನೋಟ್ ಬೆರೆದು ಕೆರೆಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ನಡೆದಿದೆ.
https://youtube.com/shorts/4WeDGkWkv1E?si=V5-kEiXb0VaUEmaX
ಪ್ರಾಥಮಿಕ ಮಾಹಿತಿಯ ಪ್ರಕಾರ, ಸೀತಾರಾಮ್, ದಾಂಪತ್ಯದಲ್ಲಿನ ಭಿನ್ನಾಭಿಪ್ರಾಯದಿಂದಾಗಿ ಈ ಕಠಿನ ನಿರ್ಧಾರ ತಳೆಯುತ್ತಿರುವುದಾಗಿ ಬರೆದಿದ್ದು,ತನ್ನ ಪತ್ನಿ ರೇಣುಕಾ ಕಳೆದ ಒಂದೂವರೆ ವರ್ಷಗಳಿಂದ ಮೂವರು ಪುರುಷರೊಂದಿಗೆ ಸಂಬಂಧ ಹೊಂದಿದ್ದಾಳೆಂದು ಆರೋಪಿಸಿದ್ದಾರೆ.
ಮೂವರ ಪೈಕಿ ಒಬ್ಬ ರೇಣುಕಾ ಜತೆಗಿನ ಖಾಸಗಿ ಕ್ಷಣಗಳನ್ನು ರೆಕಾರ್ಡ್ ಮಾಡಿದ್ದು, ಆ ದೃಶ್ಯಗಳನ್ನು ರಮಣ ಎಂಬಾತ ಇನ್ಸ್ಟಾಗ್ರಾಮ್ನಲ್ಲಿ ಪ್ರಸಾರ ಮಾಡಿದ್ದಾರೆ ಎಂದು ಅವರು ಆರೋಪಿಸಿದ್ದಾರೆ.
ಆನ್ಲೈನ್ನಲ್ಲಿ ವಿಡಿಯೋಗಳನ್ನು ನೋಡಿದ ನಂತರವೇ ಪ್ರಕರಣಗಳ ಬಗ್ಗೆ ತನಗೆ ಅರಿವಾಯಿತು. ಆ ಅನುಭವವು ತನಗೆ ತೀವ್ರ ಭಾವನಾತ್ಮಕ ಯಾತನೆಯನ್ನುಂಟುಮಾಡಿತು.
ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.ಡೆತ್ ನೋಟ್ ನ ಸತ್ಯಾಸತ್ಯತೆ, ಮೃತನ ಪತ್ನಿಯ ಅನೈತಿಕ ಸಂಬಂಧಗಳು ಮತ್ತು ಆಕೆಯ ಖಾಸಗಿ ವಿಡಿಯೋ ಗಳ ಪ್ರಸಾರದ ಆರೋಪಗಳನ್ನು ವಿಚಾರಣೆಯ ಭಾಗವಾಗಿ ಪರಿಶೀಲಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
