newsics.com/ನ್ಯೂಸಿಕ್ಸ್
ಆಂಧ್ರಪ್ರದೇಶ : ಕಡಿಮೆ ದರದಲ್ಲಿ ಹೃದಯಾಘಾತ ಪತ್ತೆಹಚ್ಚುವ ‘ಮಯೋಟ್ರಾಕ್’ ಅಭಿವೃದ್ಧಿಪಡಿಸುತ್ತಿರುವಯುವ ಸಂಶೋಧಕ ಪಿಎಂ ಫೆಲೋಶಿಪ್ ಗೆ ಆಯ್ಕೆಯಾಗಿದ್ದಾರೆ.
ಕೊಂಡ ವೆಂಕಟ ಸಾಯಿ ಪಿಎಂ ಫೆಲೋಶಿಪ್ಗೆ ಆಯ್ಕೆಯಾದವರು. ದೇಶಾದ್ಯಂತ 51 ಸಂಶೋಧಕರು ಈ ಫೆಲೋಶಿಪ್ಗೆ ಪಟ್ಟಿಯಾಗಿದ್ದಾರೆ.
ಕೊಂಡ ವೆಂಕಟ ಸಾಯಿ ಅವರು ಡಾ.ರಾಹುಲ್ ಕುಮಾರ್ ಅವರ ಮಾರ್ಗದರ್ಶನದಲ್ಲಿ ಹೃದಯಾಘಾತದ ಆರಂಭಿಕ ಲಕ್ಷಣಗಳನ್ನು ಪತ್ತೆಹಚ್ಚುವ “ಮಯೋಟ್ರಾಕ್” ಎಂಬ ಅಗ್ಗದ ದರದ ಪೋರ್ಟಬಲ್ ಸಾಧನವನ್ನು ಅಭಿವೃದ್ಧಿಪಡಿಸುತ್ತಿದ್ದಾರೆ. ಈ ಆವಿಷ್ಕಾರವು ರೋಗನಿರ್ಣಯವನ್ನು ವೇಗವಾಗಿ, ಸುಲಭವಾಗಿ ಮತ್ತು ಅತ್ಯಂತ ಅಗ್ಗವಾಗಿ ಪತ್ತೆ ಮಾಡುವ ಗುರಿಯನ್ನು ಹೊಂದಿದೆ. ವಿಶೇಷವಾಗಿ ಸುಧಾರಿತ ವೈದ್ಯಕೀಯ ಮೂಲಸೌಕರ್ಯಗಳಿಲ್ಲದ ಪ್ರದೇಶಗಳಲ್ಲಿ ಇದು ಹೆಚ್ಚು ಸಹಕಾರಿಯಾಗಲಿದೆ.
ಫೆಲೋಶಿಪ್ ವೆಂಕಟ ಸಾಯಿ ಅವರ ಸಂಶೋಧನೆಗೆ ಮಾನ್ಯತೆ ನೀಡುವುದಲ್ಲದೆ, ಆರ್ಥಿಕ ನೆರವನ್ನೂ ನೀಡಲಿದೆ. ಈ ಯೋಜನೆಯಡಿ ಅವರಿಗೆ ನಾಲ್ಕು ವರ್ಷಗಳ ಕಾಲ ಪ್ರತಿ ತಿಂಗಳು 90 ಸಾವಿರ ರೂಪಾಯಿಗಳ ಗೌರವಧನ ಹಾಗೂ ಯೋಜನೆಯ ಸಂಪೂರ್ಣ ವೆಚ್ಚವನ್ನು ಸರ್ಕಾರವೇ ಭರಿಸಲಿದೆ. ಈ ಮಾನ್ಯತೆಯು ಜನರಿಗೆ ನೇರವಾಗಿ ಪ್ರಯೋಜನವಾಗುವಂತಹ ಪರಿಹಾರಗಳನ್ನು ಕಂಡುಹಿಡಿಯಲು ತಮಗೆ ಹೆಚ್ಚಿನ ಸ್ಫೂರ್ತಿ ನೀಡಿದೆ ಎಂದು ಅವರು ಹೇಳಿದ್ದಾರೆ.
