newsics.com/ನ್ಯೂಸಿಕ್ಸ್
ಇಂದಿನ ಡಿಜಿಟಲ್ ಯುಗದಲ್ಲಿ ಮೊಬೈಲ್ ಬಳಕೆ ಬಹಳ ಅಗತ್ಯವಾಗಿಬಿಟ್ಟಿದೆ. ಆಧಾರ್ ಕಾರ್ಡ್ನಿಂದ ಹಿಡಿದು ಬ್ಯಾಂಕ್ ಅಕೌಂಟ್ವರೆಗೂ ಕ್ಷಣಮಾತ್ರದಲ್ಲಿ ಮೊಬೈಲ್ ಮೂಲಕ ಮಾಹಿತಿಯನ್ನು ಪಡೆಯಬಹುದು. ಅದೇ ಕಾರಣದಿಂದ ಇಂದಿಗೂ ಮೊಬೈಲ್ ಸುಲಭ ಬಳಕೆಯ ಸಾಧನವಾಗಿ ಮಾರ್ಪಾಡಾಗಿದೆ. ಖಾಲಿ ಮೊಬೈಲ್ ಒಂದಿದ್ದರೆ ಸಾಲದು, ಅದರ ಜೊತೆಗೆ ಸಿಮ್ ಕಾರ್ಡ್ ಕೂಡಾ ಬೇಕೇ ಬೇಕು. ಇನ್ನು ಟೆಲಿಕಾಂ ಕಂಪನಿಗಳಲ್ಲಿ ಜಿಯೋ ಅಗ್ರಸ್ಥಾನದಲ್ಲಿದ್ದರೆ, ಏರ್ಟೆಲ್ ಎರಡನೇ ಸ್ಥಾನವನ್ನು ಗಿಟ್ಟಿಸಿಕೊಂಡಿದೆ. ಆದರೆ ಇದೀಗ ಮೊಬೈಲ್ ಬಳಕೆದಾರರಿಗೆ ಬಿಗ್ ಶಾಕ್ ಎದುರಾಗಲಿದೆ.
https://youtube.com/shorts/yrC3ODyMmjo?si=ybubL3Ee_pXg1sLS
ಈಗಾಗಲೇ ಏರ್ಟೆಲ್ ತನ್ನ ರೀಚಾರ್ಜ್ ದರಗಳನ್ನು ಹೆಚ್ಚಳ ಮಾಡಿದ್ದು, ಇದೀಗ ವೊಡಾಫೋನ್ ಐಡಿಯಾ (Vi) ಕೂಡ ತನ್ನ ಗ್ರಾಹಕರಿಗೆ ದರ ಏರಿಕೆಯ ಬಿಸಿ ಮುಟ್ಟಿಸಲು ಮುಂದಾಗಿದೆ.
ವೊಡಾಫೋನ್ ಐಡಿಯಾದಿಂದಲೂ ದರ ಏರಿಕೆ
ಏರ್ಟೆಲ್ ದಾರಿ ಹಿಡಿದಿರುವ ವೊಡಾಫೋನ್ ಐಡಿಯಾ ಕಂಪನಿಯು ತನ್ನ ಟಾರಿಫ್ ಬೆಲೆಗಳನ್ನು ಹೆಚ್ಚಳ ಮಾಡುವುದಾಗಿ ಘೋಷಿಸಿದೆ. ಆದರೆ, ಈ ಬೆಲೆ ಏರಿಕೆ ಎಷ್ಟು ಮತ್ತು ಯಾವಾಗಿನಿಂದ ಜಾರಿಗೆ ಬರಲಿದೆ ಎಂಬ ನಿಖರ ಮಾಹಿತಿಯನ್ನು ಕಂಪನಿ ಇನ್ನು ಬಹಿರಂಗಪಡಿಸಿಲ್ಲ. ಆದರೂ, ದರ ಏರಿಕೆಯು ನಾಮಮಾತ್ರವಾಗಿರಲಿದೆ ಎಂದು ಕಂಪನಿ ಸ್ಪಷ್ಟಪಡಿಸಿದೆ.
ಏರ್ಟೆಲ್: ಇತ್ತೀಚೆಗಷ್ಟೇ ತನ್ನ ಟಾರಿಫ್ ದರಗಳನ್ನು ಶೇ. 4 ರಿಂದ 5 ರಷ್ಟು ಹೆಚ್ಚಿಸಿದೆ.
ವೊಡಾಫೋನ್ ಐಡಿಯಾ: ಏರ್ಟೆಲ್ ಮಾದರಿಯಲ್ಲೇ ಸುಮಾರು ಶೇ. 5 ರಷ್ಟು ದರ ಏರಿಕೆ ಮಾಡುವ ಸಾಧ್ಯತೆಯಿದೆ.
ಟೆಲಿಕಾಂ ತಜ್ಞರ ಪ್ರಕಾರ, ಈ ವರ್ಷದ ಅಂತ್ಯದ ವೇಳೆಗೆ ಒಟ್ಟಾರೆಯಾಗಿ ರೀಚಾರ್ಜ್ ದರಗಳು ಸುಮಾರು ಶೇ. 15 ರಷ್ಟು ಏರಿಕೆಯಾಗುವ ಲಕ್ಷಣಗಳಿವೆ. ಇದು ಸಾಮಾನ್ಯ ಜನರ ಜೇಬಿಗೆ ಕತ್ತರಿ ಬೀಳುವುದರಲ್ಲಿ ಸಂಶಯವಿಲ್ಲ.
https://www.newsics.com/2026/04/25/new-excise-policy-implemented-from-may-1-huge-hike-in-oil-prices/
