ಬೆಳಗಾವಿ ಈಗ ಅಕ್ಷರಶಃ ಬಾಣಲೆಯಂತಾಗಿದೆ. ಕಳೆದ ನಾಲ್ಕು ದಿನಗಳಿಂದ ಜಿಲ್ಲೆಯಾದ್ಯಂತ ಸುರಿಯುತ್ತಿರುವ ಭೀಕರ ಬಿಸಿಲು (Sunny) ಮತ್ತು ಬಿಸಿಗಾಳಿಗೆ ಜನಜೀವನ ಸಂಪೂರ್ಣ ಅಸ್ತವ್ಯಸ್ತಗೊಂಡಿದೆ. ಇತಿಹಾಸದಲ್ಲೇ ಮೊದಲು ಎಂಬಂತೆ ತಾಪಮಾನವು 48 ಡಿಗ್ರಿ ಸೆಲ್ಸಿಯಸ್ ಗಡಿಯನ್ನು ತಲುಪಿದ್ದು, ಜನರು (People) ಮನೆಯಿಂದ ಹೊರಬರಲು ಭಯಪಡುತ್ತಿದ್ದಾರೆ
25 ವರ್ಷಗಳಲ್ಲೇ ಕಾಣದ ಭೀಕರ ಉಷ್ಣತೆ ಹವಾಮಾನ ಇಲಾಖೆಯ ಅಂಕಿಅಂಶಗಳ ಪ್ರಕಾರ, ಕಳೆದ ಎರಡೂವರೆ ದಶಕಗಳಲ್ಲಿ ಇಂತಹ ಭಯಾನಕ ಬಿಸಿಲು ದಾಖಲಾಗಿರಲಿಲ್ಲ. 2022ರಲ್ಲಿ 46 ಡಿಗ್ರಿ ದಾಖಲಾಗಿದ್ದೇ ದೊಡ್ಡ ಮಟ್ಟದ ಸುದ್ದಿಯಾಗಿತ್ತು, ಆದರೆ ಈಗ ಸೂರ್ಯನ ಪ್ರಖರತೆ ಎಲ್ಲ ದಾಖಲೆಗಳನ್ನು ಧೂಳೀಪಟ ಮಾಡಿದೆ.
ಮಧ್ಯಾಹ್ನ 12 ಗಂಟೆಯಾದರೆ ಸಾಕು, ಬೆಳಗಾವಿಯ ರಸ್ತೆಗಳು ಜನರಿಲ್ಲದೆ ಕಪ್ಯೂ ಹೇರಿದಂತೆ ಭಾಸವಾಗುತ್ತಿವೆ.
ಮಕ್ಕಳು ಮತ್ತು ಹಿರಿಯರೇ ಟಾರ್ಗೆಟ್ ಬಿಸಿಲಿನ ತೀವ್ರತೆಯಿಂದಾಗಿ ದೇಹದಲ್ಲಿ ನೀರಿನ ಕೊರತೆ, ತಲೆಸುತ್ತು ಮತ್ತು ಚರ್ಮದ ಉರಿಯೂತದಂತಹ ಸಮಸ್ಯೆಗಳು ಮನೆಮಾತಾಗಿವೆ. ಈ ಬಗ್ಗೆ ಎಚ್ಚರಿಸಿರುವ ಖ್ಯಾತ ಮಕ್ಕಳ ತಜ್ಞ ಡಾ. ಆನಂದ ಗುಂಜಗಾವಿ, “ಇದು ಸಾಮಾನ್ಯ ಬಿಸಿಲಲ್ಲ, ಉಷ್ಣಾಘಾತ ಸಂಭವಿಸುವ ಸಾಧ್ಯತೆ ದಟ್ಟವಾಗಿದೆ’ ಎಂದು ತಿಳಿಸಿದ್ದಾರೆ.
ಪಾರಾಗಲು ವೈದ್ಯರ ಟಿಪ್ಸ್
11 ರಿಂದ 4 ಗಂಟೆಯವರೆಗೆ: ಈ ಸಮಯದಲ್ಲಿ ಅಪ್ಪಿತಪ್ಪಿಯೂ ಮನೆಯಿಂದ ಹೊರಗೆ ಹೋಗಬೇಡಿ.
ನೀರು, ನೀರು, ನೀರು: ಬಾಯಾರಿಕೆಯಾಗದಿದ್ದರೂ ನಿಂಬೆ ಹಣ್ಣಿನ ಶರಬತ್ತು, ಮಜ್ಜಿಗೆ ಮತ್ತು ಎಳನೀರನ್ನು ಕುಡಿಯುತ್ತಲೇ ಇರಿ.
ಕಪ್ಪು ಬಟ್ಟೆ ಬೇಡ: ತಿಳಿ ಬಣ್ಣದ, ಹಗುರವಾದ ಹತ್ತಿ ಬಟ್ಟೆಗಳನ್ನು ಮಾತ್ರ ಧರಿಸಿ.
ತಲೆಗೆ ರಕ್ಷಣೆ: ಹೊರಬರುವಾಗ ಟೋಪಿ ಅಥವಾ ಸ್ಕಾರ್ಫ್ ಕಡ್ಡಾಯವಾಗಿ ಬಳಸಿ.
