newsics.com
ಫೋಟೋ ಶೂಟ್ಗಾಗಿ ತಿಂಗಳ ಹಿಂದೆ ಬಣ್ಣ ಬಳಿಸಿಕೊಂಡು ಸುದ್ದಿಯಾಗಿದ್ದ ಜೈಪುರದ ಜನಪ್ರಿಯ ಆನೆ ‘ಚಂಚಲ್’ ಸಾವಿಗೀಡಾಗಿದೆ.
ವಿದೇಶಿ ಕಲಾವಿದೆಯೊಬ್ಬಳು ಆನೆಗೆ ಬಣ್ಣ ಬಳಿದಿದ್ದಲ್ಲದೆ ಅದರ ಮೇಲೆ ಅರೆಬೆತ್ತಲೆಯಾಗಿ ಕುಳಿತು ಫೋಟೋಶೂಟ್ ಮಾಡಿಸಿಕೊಂಡ ಒಂದೇ ತಿಂಗಳಲ್ಲಿ ಆನೆ ಚಂಚಲ್ ಮೃತಪಟ್ಟಿರುವುದು ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.
ರಷ್ಯಾದ ಛಾಯಾಗ್ರಾಹಕಿಯೊಬ್ಬರು ತಮ್ಮ ಫೋಟೊಶೂಟ್ಗಾಗಿ ಈ ಆನೆಗೆ ಸಂಪೂರ್ಣವಾಗಿ ಗುಲಾಬಿ ಬಣ್ಣ ಬಳಿದಿದ್ದರು. ಈ ಘಟನೆ ನಡೆದು ಕೇವಲ ಒಂದು ತಿಂಗಳ ಅಂತರದಲ್ಲಿ ಆನೆ ಮೃತಪಟ್ಟಿರುವುದು ಪ್ರಾಣಿ ಪ್ರೇಮಿಗಳ ಬೇಸರಕ್ಕೆ ಎಡೆಮಾಡಿಕೊಟ್ಟಿದೆ.
ಕಂಟೇನರ್ ಗೆ ಕಾರು ಡಿಕ್ಕಿ : ನವವಿವಾಹಿತೆ ಸೇರಿ ಇಬ್ಬರು ಸ್ಥಳದಲ್ಲೇ ಸಾವು
ರಷ್ಯಾದ ಛಾಯಾಗ್ರಾಹಕಿ ಜೂಲಿಯಾ ಬುರುಲೇವಾ ಎಂಬುವರು ರಾಜಸ್ಥಾನದ ಜೈಪುರದಲ್ಲಿ ವಿಶೇಷ ಫೋಟೊಶೂಟ್ ಆಯೋಜಿಸಿದ್ದರು. ಇದಕ್ಕಾಗಿ ಅವರು 65 ವರ್ಷದ ಚಂಚಲ್ ಎಂಬ ಆನೆಯ ಮೈಗೆಲ್ಲಾ ಗುಲಾಬಿ ಬಣ್ಣ ಹಚ್ಚಿದ್ದರು. ಆನೆಯ ಮೇಲೆ ಮಾಡೆಲ್ ಒಬ್ಬರನ್ನು ಕುಳ್ಳಿರಿಸಿ ತೆಗೆದ ಫೋಟೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಆಗಲೇ ಹಲವರು ಪ್ರಾಣಿಯ ಚರ್ಮಕ್ಕೆ ಬಣ್ಣ ಹಚ್ಚುವುದು ಅದಕ್ಕೆ ಹಿಂಸೆ ಎಂದು ಕಿಡಿಕಾರಿದ್ದರು. ಆನೆಯ ಸಾವಿನ ಸುದ್ದಿ ತಿಳಿಯುತ್ತಿದ್ದಂತೆ, ಈ ಫೋಟೊಶೂಟ್ನಿಂದಲೇ ಆನೆಗೆ ತೊಂದರೆಯಾಗಿದೆ ಎಂದು ನೆಟ್ಟಿಗರು ಛಾಯಾಗ್ರಾಹಕಿಯನ್ನು ದೂರುತ್ತಿದ್ದಾರೆ.
ಆದರೆ ಈ ಆರೋಪಗಳನ್ನು ಛಾಯಾಗ್ರಾಹಕಿ ಜೂಲಿಯಾ ನಿರಾಕರಿಸಿದ್ದಾರೆ. ಫೋಟೊಶೂಟ್ಗಾಗಿ ತಾನು ಕೇವಲ ನೈಸರ್ಗಿಕ ಮತ್ತು ಸಾವಯವ ಬಣ್ಣಗಳನ್ನು ಬಳಸಿದ್ದಾಗಿ ಅವರು ಸ್ಪಷ್ಟನೆ ನೀಡಿದ್ದಾರೆ. ಹಬ್ಬಗಳ ಸಮಯದಲ್ಲಿ ಬಳಸುವಂತಹ ಸುರಕ್ಷಿತ ಬಣ್ಣವನ್ನೇ ಆನೆಗೆ ಹಚ್ಚಲಾಗಿತ್ತು, ಇದರಿಂದ ಪ್ರಾಣಿಯ ಆರೋಗ್ಯಕ್ಕೆ ಯಾವುದೇ ಹಾನಿಯಾಗಿಲ್ಲ ಎಂದು ಅವರು ತಮ್ಮ ಇನ್ಸ್ಟಾಗ್ರಾಮ್ ಪೋಸ್ಟ್ನಲ್ಲಿ ಸಮರ್ಥಿಸಿಕೊಂಡಿದ್ದಾರೆ.
ಇತ್ತ ಜೈಪುರ ಆನೆಗಳ ಸಂಘದ ಅಧ್ಯಕ್ಷ ಬಲ್ಲು ಖಾನ್ ಅವರು ಪ್ರತಿಕ್ರಿಯಿಸಿ, ಚಂಚಲ್ ಆನೆಯದ್ದು ನೈಸರ್ಗಿಕ ಸಾವು ಎಂದು ತಿಳಿಸಿದ್ದಾರೆ. ಆನೆಗೆ ವಯಸ್ಸಾಗಿತ್ತು ಮತ್ತು ಸಾವಿಗೂ ಮುನ್ನ ಬಣ್ಣವನ್ನು ಸಂಪೂರ್ಣವಾಗಿ ಅಳಿಸಲಾಗಿತ್ತು ಎಂದು ಅವರು ಹೇಳಿದ್ದಾರೆ. ಆದರೂ ಕೂಡ ಸುಂದರವಾದ ಚಿತ್ರಗಳಿಗಾಗಿ ಪ್ರಾಣಿಗಳನ್ನು ಈ ರೀತಿ ಬಳಸಿಕೊಳ್ಳುವ ಬದಲು ಕೃತಕ ಬುದ್ಧಿಮತ್ತೆಯಂತಹ (AI) ತಂತ್ರಜ್ಞಾನ ಬಳಸಬಹುದಿತ್ತು ಎಂಬ ಅಭಿಪ್ರಾಯಗಳು ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿವೆ.
This Elephant has died 💔
My question is where are the Dog lovers now ? #JusticeforChanchal #PinkElephant pic.twitter.com/iPFGKgARh7— KOSH GUPTA 🇮🇳 (@koshgupta) April 1, 2026
