https://youtube.com/shorts/JFDfzeRUAUw?si=UPiQjhCFAIkLXEhb
newsics.com
ಮನೆಯೊಳಗೆ ಸ್ಟಾರ್ಟ್ ಮಾಡಿಟ್ಟಿದ್ದ ಬೈಕ್ನಿಂದ ಹೊರಬಂದ ವಿಷಕಾರಿ ಹೊಗೆಯನ್ನು ಸೇವಿಸಿ, ಒಂದೇ ಕುಟುಂಬದ ನಾಲ್ವರು ಉಸಿರುಗಟ್ಟಿ ಮೃತಪಟ್ಟಿರುವ ಘಟನೆ ಆಂಧ್ರಪ್ರದೇಶದ ಅನ್ನಮಯ್ಯ ಜಿಲ್ಲೆಯಲ್ಲಿ ನಡೆದಿದೆ.
ಪುಂಗನೂರಿನ ತ್ಯಾಗರಾಜ ಬೀದಿಯ ನಿವಾಸಿ ಮುರಳಿ ಎಂಬುವವರು ತಮ್ಮ ಬೈಕ್ ರಿಪೇರಿ ಮಾಡಿಸಿದ್ದರು. ಇಂಜಿನ್ ಬೋರ್ ಮಾಡಿಸಿದ್ದರಿಂದ, ರಾತ್ರಿಯಿಡೀ ಇಂಜಿನ್ ಆನ್ ಮಾಡಿ ಇಡುವಂತೆ ಮೆಕ್ಯಾನಿಕ್ ಸೂಚಿಸಿದ್ದರು. ಅದರಂತೆ ಮುರಳಿ ಶನಿವಾರ ರಾತ್ರಿ ತಮ್ಮ ಮನೆಯ ಸಣ್ಣ ಕೋಣೆಯಲ್ಲಿ ಬೈಕ್ ಸ್ಟಾರ್ಟ್ ಮಾಡಿ ಇಟ್ಟಿದ್ದರು.
ಮನೆಯ ಕೆಳಗಿನ ಕೋಣೆಯಲ್ಲಿ ಮುರಳಿ ಅವರ ತಂದೆ ರಾಮಚಂದ್ರಯ್ಯ, ಮೊಮ್ಮಗ ಕಾರ್ತಿಕ್ ಮತ್ತು ಅವಳಿ ಮೊಮ್ಮಕ್ಕಳಾದ ಚರಿತಾ ಹಾಗೂ ಚಂದನಾ ಮಲಗಿದ್ದರು.
ಕೋಣೆಯ ಬಾಗಿಲು ಮತ್ತು ಕಿಟಕಿಗಳು ಮುಚ್ಚಲ್ಪಟ್ಟಿದ್ದರಿಂದ, ಬೈಕ್ನಿಂದ ಹೊರಬಂದ ಕಾರ್ಬನ್ ಮೊನಾಕ್ಸೈಡ್ ಇಡೀ ಕೋಣೆಯನ್ನು ಆವರಿಸಿದೆ. ಗಾಢ ನಿದ್ರೆಯಲ್ಲಿದ್ದ ನಾಲ್ವರು ಈ ವಿಷಕಾರಿ ಅನಿಲವನ್ನು ಸೇವಿಸಿ ಉಸಿರುಗಟ್ಟಿ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.
https://www.newsics.com/2026/03/16/rcb-pacer-yash-dayal-enters-married-life-amid-rape-allegations/
