https://youtube.com/shorts/yMSO-E277Og?si=gFSvtQQHQjZ3lXBt
newsics.com
ಇರಾನ್-ಇಸ್ರೇಲ್ ಮತ್ತು ಅಮೆರಿಕಾ ಯುದ್ಧದಿಂದಾಗಿ ಇದೀಗ ಭಾರತ ಅಯ್ಯಯ್ಯೋ ಎಂಬಂತಾಗಿದೆ. ಅತ್ತ ಕಚ್ಚಾ ತೈಲ ಬೆಲೆ, ಇಂಧನ ಬೆಲೆಗಳು ಏರಿಕೆಯಾಗಿದ್ದು, ಇತ್ತೀಚೆಗೆ ಎಲ್ಪಿಜಿ ಸಿಲಿಂಡರ್ ಪೂರೈಕೆಯಲ್ಲೂ ವ್ಯತ್ಯಯ ಉಂಟಾಗಿದೆ. ಇದೀಗ ವಾಣಿಜ್ಯ ಬಳಕೆಯ ಎಲ್ಪಿಜಿ ಸಿಲಿಂಡರ್ನಲ್ಲಿ ಕೊರತೆ ಇನ್ಫೋಸಿಸ್ ಕ್ಯಾಂಟೀನ್ಗಳ ಮೇಲೂ ತಟ್ಟಿದೆ.
ಮಾರ್ಚ್ 12 ರಿಂದಲೇ ಅನ್ವಯವಾಗುವಂತೆ ಇನ್ಫೋಸಿಸ್ ತನ್ನ ಉದ್ಯೋಗಿಗಳಿಗೆ ಹೊಸ ಅಲರ್ಟ್ ರವಾನಿಸಿದೆ. ಕ್ಯಾಂಪಸ್ನಲ್ಲಿರುವ ಫುಡ್ ಕೋರ್ಟ್ಗಳಿಗೆ ಬರುವ ಕಮರ್ಷಿಯಲ್ ಗ್ಯಾಸ್ ಕಟ್ ಆಗಿರುವುದರಿಂದ, ಅಲ್ಲಿನ ಮೆನು ಕೂಡ ಶಾರ್ಟ್ ಆಗಿದೆ. ಬಿಸಿ ಬಿಸಿಯಾಗಿ ಮಾಡಿಕೊಡುತ್ತಿದ್ದ ಲೈವ್ ಕೌಂಟರ್ಗಳನ್ನು ಸದ್ಯಕ್ಕೆ ಬಂದ್ ಮಾಡಲಾಗಿದ್ದು, ಸಿಕ್ಕಾಪಟ್ಟೆ ಡಿಮ್ಯಾಂಡ್ ಇರುವ ಬೆರಳೆಣಿಕೆಯ ಐಟಂಗಳು ಮಾತ್ರ ಈಗ ಕ್ಯಾಂಟೀನ್ನಲ್ಲಿ ಸಿಗಲಿವೆ.
ಗ್ಯಾಸ್ ಇಲ್ಲ ಎಂದು ಐಟಿ ಉದ್ಯೋಗಿಗಳನ್ನು ಉಪವಾಸ ಕೆಡವಲು ಆಗುತ್ತಾ? ಅದಕ್ಕೆ ಕಂಪನಿ ಒಂದು ಟೆಂಪರರಿ ಪ್ಲಾನ್ ಮಾಡಿದೆ. ಫುಡ್ ಕೋರ್ಟ್ ವೆಂಡರ್ಗಳು ತಮ್ಮ ಸೆಂಟ್ರಲ್ ಕಿಚನ್ಗಳಿಂದಲೇ ಬೇಯಿಸಿದ ಊಟವನ್ನು ಕ್ಯಾಂಪಸ್ಗೆ ತರಿಸಿಕೊಳ್ಳುತ್ತಿದ್ದಾರೆ. ಗ್ಯಾಸ್ ಕೊರತೆ ಇರುವುದರಿಂದ ಕ್ಯಾಂಪಸ್ ಒಳಗೆ ಅಡುಗೆ ಮಾಡುವುದನ್ನು ಆದಷ್ಟು ಕಡಿಮೆ ಮಾಡಿ, ಹೊರಗಡೆಯಿಂದ ತರಿಸುವ ವ್ಯವಸ್ಥೆಗೆ ಮೊರೆ ಹೋಗಿದ್ದಾರೆ.
ಸಾಮಾನ್ಯವಾಗಿ ಇನ್ಫೋಸಿಸ್ ಮಾತ್ರವಲ್ಲದೇ, ಅಂತಹ ದೊಡ್ಡ ದೊಡ್ಡ ಕಂಪನಿಗಳು ಉದ್ಯೋಗಿಗಳ ಅನುಕೂಲಕ್ಕಾಗಿ, ಕ್ಯಾಂಟೀನ್ಗಳ ಮೂಲಕ ಸೇವೆ ನೀಡುತ್ತಿರುತ್ತದೆ. ಆದರೆ ಇದೀಗ ಇಡೀ ದೇಶದಲ್ಲಿ ಉಂಟಾಗಿರುವ ಎಲ್ಪಿಜಿ ಪೂರೈಕೆಯಲ್ಲಾದ ಕೊರತೆ, ಭಾರೀ ತೊಂದರೆಗೆ ಸಿಲುಕುವಂತೆ ಮಾಡಿದೆ.
