https://youtube.com/shorts/N5x7_cDJ-pw?si=NiCZz1Vb_Is4d402
Subscribe ನ್ಯೂಸಿಕ್ಸ್ ಕನ್ನಡ
newsics.com
ಬಲಿಕೇಸಿರ್: ಟರ್ಕಿಯ ವಾಯುಪಡೆಯ F-16 ಯುದ್ಧ ವಿಮಾನವೊಂದು ಸೋಮವಾರ ತಡರಾತ್ರಿ ಪಶ್ಚಿಮ ಟರ್ಕಿಯ ಬಲಿಕೇಸಿರ್ ನಗರದಲ್ಲಿ ಪತನಗೊಂಡಿದ್ದು, ಈ ಅಪಘಾತದಲ್ಲಿ ವಿಮಾನದ ಪೈಲಟ್ ಸಾವನ್ನಪ್ಪಿದ್ದಾರೆ.
ವಿಮಾನ ಬೆಂಕಿಯುಂಡೆಯಂತೆ ಆಗಿದ್ದು, ವಿಮಾನದ ಅವಶೇಷಗಳು ಚದುರಿಹೋಗಿದ್ದವು. ಬೆಂಕಿ ಹೊತ್ತಿ ಉರಿಯುತ್ತಿರುವುದು ವೀಡಿಯೊಗಳಲ್ಲಿ ಕಾಣುತ್ತದೆ.
ರೇಡಿಯೋ ಸಂಪರ್ಕ ಮತ್ತು ರಾಡಾರ್ ಟ್ರ್ಯಾಕಿಂಗ್ ಇದ್ದಕ್ಕಿದ್ದಂತೆ ಕಳೆದುಹೋಗಿದ್ದು, ಇದರಿಂದ ತಕ್ಷಣ ಶೋಧ ಕಾರ್ಯಾಚರಣೆ ಆರಂಭವಾಯಿತು. ವಿಮಾನ 9ನೇ ಮುಖ್ಯ ಜೆಟ್ ಬೇಸ್ ಕಮಾಂಡ್ಗೆ ಸೇರಿದ್ದು. ತರಬೇತಿ ಹಾರಾಟದ ಸಮಯದಲ್ಲಿ ಪತನಗೊಂಡಿದೆ ಎಂದು ಹೇಳಲಾಗುತ್ತಿದೆ. ಪೈಲಟ್ ಸಾವನ್ನಪ್ಪಿದ್ದಾರೆ ಎಂದು ದೃಢಪಟ್ಟಿದೆ. ಸರ್ಕಾರಿ ಹೇಳಿಕೆಯಲ್ಲಿ ಪೈಲಟ್ಗೆ ಗೌರವ ಸಲ್ಲಿಸಲಾಗಿದೆ. ಅವರನ್ನು ಹುತಾತ್ಮ ಎಂದು ಕರೆಯಲಾಗಿದೆ. ಅಪಘಾತದ ಕಾರಣ ತಿಳಿಯಲು ವಿಶೇಷ ತನಿಖಾ ತಂಡ ರಚಿಸಲಾಗಿದೆ.
