https://youtube.com/shorts/Z1cy8EQaCVE?si=oa9J1lfaCUcZGxaK
Subscribe ನ್ಯೂಸಿಕ್ಸ್ ಕನ್ನಡ
newsics.com
ನವದೆಹಲಿ : ಜಾಗತಿಕ ತಂತ್ರಜ್ಞಾನ ದೈತ್ಯ ಗೂಗಲ್ ತನ್ನ ಉದ್ಯೋಗಿಗಳಿಗೆ ಮಹತ್ವದ ಸಂದೇಶವೊಂದನ್ನು ರವಾನಿಸಿದೆ. ಕೃತಕ ಬುದ್ಧಿಮತ್ತೆ ಅಥವಾ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ತಂತ್ರಜ್ಞಾನದ ಕಡೆಗೆ ಕಂಪನಿ ಸಂಪೂರ್ಣವಾಗಿ ವಾಲುತ್ತಿದ್ದು, ಈ ಬದಲಾವಣೆಯ ವೇಗಕ್ಕೆ ಹೊಂದಿಕೊಳ್ಳಲು ಸಾಧ್ಯವಾಗದ ಉದ್ಯೋಗಿಗಳಿಗೆ ಸ್ವಯಂಪ್ರೇರಿತರಾಗಿ ಕಂಪನಿ ಬಿಡಲು ಅವಕಾಶ ಮಾಡಿಕೊಟ್ಟಿದೆ.
ಈ ಕುರಿತು ಗೂಗಲ್ನ ಚೀಫ್ ಬಿಸಿನೆಸ್ ಆಫೀಸರ್ ಫಿಲಿಪ್ ಶಿಂಡ್ಲರ್ ಅವರು ಮಂಗಳವಾರ (ಫೆಬ್ರವರಿ 10) ಉದ್ಯೋಗಿಗಳಿಗೆ ಇ-ಮೇಲ್ ಕಳುಹಿಸಿದ್ದು, ನಿರ್ದಿಷ್ಟ ವಿಭಾಗದ ಸಿಬ್ಬಂದಿಗೆ ಆಕರ್ಷಕ ಪ್ಯಾಕೇಜ್ನೊಂದಿಗೆ ನಿರ್ಗಮಿಸುವ ಆಯ್ಕೆಯನ್ನು ನೀಡಿದ್ದಾರೆ.
ಎಐ ಕಲಿಯಿರಿ, ಇಲ್ಲವೇ ಕೆಲಸದಿಂದ ನೀವಾಗಿಯೇ ನಿರ್ಗಮಿಸಿ… ಇದು ಗೂಗಲ್ ಉದ್ಯೋಗಿಗಳಿಗೆ ನೀಡಲಾಗಿರುವ ಆಯ್ಕೆ. ಎಐ ಅನ್ನು ಕಲಿಯಲು ಆಸಕ್ತಿ ಇಲ್ಲದವರು ವಾಲಂಟರಿ ಎಕ್ಸಿಟ್ ಪ್ಯಾಕೇಜ್ ಸ್ವೀಕರಿಸಿ ಗೌರವಯುತವಾಗಿ ಕೆಲಸ ಬಿಟ್ಟು ಹೋಗಬಹುದು ಎಂದು ಗೂಗಲ್ ತಿಳಿಸಿದೆ. ಇದು ಎಲ್ಲಾ ಉದ್ಯೋಗಿಗಳಿಗೂ ನೀಡಲಾಗಿರುವ ಆಫರ್ ಆಗಿದೆ.
ಎಐ ಬಹಳ ವೇಗವಾಗಿ ಅಭಿವೃದ್ದಿಗೊಳ್ಳುತ್ತಿದೆ. ಆರ್ಟಿಫಿಶಿಯಲ್ ಜೆನರೇಟಿವ್ ಇಂಟೆಲಿಜೆನ್ಸ್ ಆಗಮನವಾಗುತ್ತಿದೆ. ಜಗತ್ತಿನ ಟೆಕ್ ಲೋಕ ಕ್ಷಿಪ್ರವಾಗಿ ಬದಲಾವಣೆಗಳನ್ನು ಕಾಣುತ್ತಿದೆ.
ಈ ವಾಲಂಟರಿ ಎಕ್ಸಿಟ್ ಪ್ಯಾಕೇಜ್ನಿಂದ ಗೂಗಲ್ ಒಂದೇ ಕಲ್ಲಿಗೆ ಎರಡು ಹಕ್ಕಿ ಹೊಡೆಯಬಹುದು. ಮೊದಲೆಯದು, ಲೇ ಆಫ್ ಮಾಡದೆಯೇ ಉದ್ಯೋಗಿಗಳ ಸಂಖ್ಯೆಯನ್ನು ಇಳಿಸಬಹುದು. ಎರಡನೆಯದು, ಎಐ ಪರಿಣಿತಿ ಹಾಗೂ ಎಲ್ಲವನ್ನೂ ಮಾಡಬಲ್ಲ ಪ್ರಬಲ ಉದ್ಯೋಗ ಸಮೂಹವು ಗೂಗಲ್ಗೆ ಸಿಕ್ಕಂತಾಗುತ್ತದೆ.d
ವರದಿ ಪ್ರಕಾರ, ವಿಇಪಿ ಪ್ಯಾಕೇಜ್ನಲ್ಲಿ ಉದ್ಯೋಗಿಗಳಿಗೆ ಕನಿಷ್ಠ 14 ವಾರಗಳ ಸಂಬಳವನ್ನು ಪರಿಹಾರವಾಗಿ ಕೊಡಲಾಗುತ್ತಿದೆ. ಇದರ ಜೊತೆಗೆ, ಅವರು ಕೆಲಸ ಮಾಡಿದ ವರ್ಷಗಳ ಸಂಖ್ಯೆಯಷ್ಟು ವಾರಗಳ ವೇತನವನ್ನೂ ಹೆಚ್ಚುವರಿಯಾಗಿ ಕೊಡಲಾಗುತ್ತದೆ.
https://www.newsics.com/2026/02/13/this-is-what-happens-when-women-are-deficient-in-vitamin-d/
