https://youtube.com/shorts/PRG7YTSZHd8?si=BMsmmRTf3CzVSrft
Subscribe ನ್ಯೂಸಿಕ್ಸ್ ಕನ್ನಡ
newsics.com
ಪ್ರೇಮಿಗಳ ದಿನ ದ ಪ್ರಯುಕ್ತ ಪ್ರೇಮಿಗಳ ವಾರ ಎನ್ನುವ ಆಚರಣೆಯನ್ನು ಮಾಡಲಾಗುವುದು. ಏಳು ದಿನಗಳ ಕಾಲ ಆಚರಿಸುವ ಈ ಆಚರಣೆಯಲ್ಲಿ ರೋಸ್ ಡೇ, ಚಾಕೊಲೇಟ್ ಡೇ, ಟೆಡ್ಡಿ ಡೇ, ಪ್ರಾಮಿಸ್ ಡೇ, ಹಗ್ ಡೇ, ಕಿಸ್ ಡೇ ಎಂದು ಆಚರಿಸಲಾಗುವುದು ಅಂತಿಮವಾಗಿ 14ನೇ ತಾರೀಖಿನಂದು ಪ್ರೇಮಿಗಳ ದಿನ ಎಂದು ಆಚರಿಸಲಾಗುವುದು.
ತಾವು ಪ್ರೀತಿಸುವ ವ್ಯಕ್ತಿಗಳಿಗೆ ವಿಶೇಷ ಸಂದೇಶ ಹಾಗೂ ಭಾವನೆಗಳನ್ನು ಮೂಡಿಸುವುದರ ಮೂಲಕ ಸಂಬಂಧಗಳನ್ನು ಭದ್ರಪಡಿಸಿಕೊಳ್ಳಲಾಗುವುದು. ಅಂತಹ ಒಂದು ಉತ್ತಮ ಭಾವನೆಯನ್ನು ಬೆಳಗಿಸಲು ಆಚರಿಸುವ ದಿನವೇ ಹಗ್ ಡೇ/ ಅಪ್ಪುಗೆಯ ದಿನ.
ಮನಸ್ಸಿಗೆ ದುಃಖವಾದಾಗ ಅಥವಾ ಅತೀವ ಸಂತೋಷವಾದಾಗ ನಮ್ಮ ಪ್ರೀತಿಪಾತ್ರರನ್ನು ತಬ್ಬಿಕೊಂಡರೆ ಸಾಕು. ಮನಸ್ಸಿಗೆ ಏನೋ ಒಂದು ಬಗೆಯ ನಿರಾಳತೆ ಹಾಗೂ ಸಮಾಧಾನ ಉಂಟಾಗುವುದು. ಅದೇ ರೀತಿ ನಾವು ಬಯಸುವ ವ್ಯಕ್ತಿಯು ನಮ್ಮ ಪ್ರೀತಿಯನ್ನು ಒಪ್ಪಿಕೊಂಡು, ತಬ್ಬಿಕೊಂಡರೆ ಜೀವನವು ಸಂತೋಷವಾಗಿ ಸಾಗುವುದು.
ಈ ರೀತಿಯ ಒಂದು ಉತ್ತಮ ಭಾವನೆ ಹಾಗೂ ಸಂಬಂಧಗಳನ್ನು ಗಟ್ಟಿಗೊಳಿಸುವ ಪರಿಯನ್ನು ಒಂದು ವಿಶೇಷ ದಿನವನ್ನಾಗಿ ಆಚರಿಸಲಾಗುವುದು. ಅದನ್ನೇ ಹಗ್ ಡೇ ಎಂದು ಕರೆಯುತ್ತಾರೆ. ಪ್ರೇಮಿಗಳ ದಿನದ ಆಚರಣೆಗೆ 2 ದಿನ ಮುಂಚಿತವಾಗಿ ಹಗ್ ಡೇ ಅನ್ನು ಆಚರಿಸಲಾಗುವುದು. ಇದನ್ನು ಪ್ರತಿ ವರ್ಷ ಫೆಬ್ರುವರಿ 12ರಂದು ಆಚರಿಸಲಾಗುತ್ತದೆ.
ಸ್ಪರ್ಶ ಎನ್ನುವುದು ಮನುಷ್ಯನಿಗೆ ವಿಶೇಷ ಭಾವನೆಯನ್ನು ಮೂಡಿಸುವುದು. ಮನೋಶಾಸ್ತ್ರ ಹಾಗೂ ಕೆಲವು ಸಂಶೋಧನೆಗಳ ಪ್ರಕಾರ ಅಪ್ಪುಗೆಯು ವ್ಯಕ್ತಿಯ ಮನಸ್ಸಿನಲ್ಲಿ ವಿಶೇಷತೆಯನ್ನು ಮೂಡಿಸುತ್ತದೆ. ಪ್ರೀತಿ ಪಾತ್ರರನ್ನು ಸಂತೋಷದಿಂದ ತಬ್ಬಿಕೊಂಡಾಗ ಅಥವಾ ದುಃಖದ ಸಾಂತ್ವನಕ್ಕಾಗಿ ತಬ್ಬಿ ಕೊಂಡಾಗ ನಮ್ಮ ನರಗಳು ಹಾಗೂ ಮೆದುಳು ವಿಶೇಷ ಕಾರ್ಯವನ್ನು ನಿರ್ವಹಿಸುತ್ತವೆ.
ಅಂತಹ ಸಂದರ್ಭದಲ್ಲಿ ಮಿದುಳಿನಲ್ಲಿ ಬಿಡುಗಡೆಯಾಗುವ ರಸ ಹಾಗೂ ನರಗಳಲ್ಲಿ ಆಗುವ ನಿರಾಳತೆಯ ಪರಿವರ್ತನೆಯು ವ್ಯಕ್ತಿಗೆ ಆರಾಮದಾಯಕ ಹಾಗೂ ವಿಶ್ರಾಂತ ಭಾವನೆಯನ್ನು ಮೂಡಿಸುವುದು. ದೀರ್ಘವಾದ ಅಪ್ಪುಗೆಯಿಂದ ಮೆದುಳಿನಲ್ಲಿ ಆಕ್ಸಿಟೋಸಿನ್ ಬಿಡುಗಡೆಯಾಗುವುದು. ಆಕ್ಸಿಟೋಕ್ಸಿನ್ ಎನ್ನುವುದು ನರಗಳನ್ನು ಉತ್ತೇಜಿಸುವ ಹಾಗೂ ಉತ್ತಮ ಸ್ಥಿತಿಯಲ್ಲಿ ಇಡಲು ಸಹಾಯ ಮಾಡುವುದು. ಇದರಿಂದ ಸಂಬಂಧವು ಉತ್ತಮ ಭಾವನೆಗಳಿಂದ ಗಟ್ಟಿಯಾಗುವುದು.
