https://youtube.com/shorts/kv9in5qxZnE?si=xMEQPbw5L2rTAx6o
Subscribe ನ್ಯೂಸಿಕ್ಸ್ ಕನ್ನಡ
newsics.com
ಹಾವೇರಿ ಜಿಲ್ಲೆಯ ರಾಣೇಬೆನ್ನೂರು ಮಾರ್ಗ ಮಧ್ಯದಲ್ಲಿ ಚಲಿಸುತ್ತಿದ್ದ ಟ್ರಕ್ನಿಂದಲೇ ಫ್ಲಿಪ್ಕಾರ್ಟ್ ಕಂಪನಿ ಸ್ವತ್ತುಗಳ ರಾಬರಿಯಾಗಿರುವ ಘಟನೆ ನಡೆದಿದೆ. ಸುಮಾರು 24 ಲಕ್ಷ ಮೌಲ್ಯದ ವಸ್ತುಗಳನ್ನು ದರೋಡೆಕೋರರು ಕದ್ದು ಪರಾರಿಯಾಗಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ. ಬೆಂಗಳೂರಿನಿಂದ-ಧಾರವಾಡಕ್ಕೆ ಹೊರಟಿದ್ದ ಫ್ಲಿಪ್ಕಾರ್ಟ್ ಕಂಪನಿ ಟ್ರಕ್ನ ಲಿಂಕಿಟ್ ಡಿವೈಸ್ ಮುರಿದು ದುಷ್ಕರ್ಮಿಗಳು ದುಷ್ಕೃತ್ಯ ಎಸಗಿರೋದು ಬೆಳಕಿಗೆ ಬಂದಿದೆ. ಸುಮಾರು 6 ಬಾಕ್ಸ್ಗಳಲ್ಲಿದ್ದ ಬೆಲೆಬಾಳುವ ಮೊಬೈಲ್ಗಳು ರಾಬರಿಯಾಗಿದೆ.
ಬೆಂಗಳೂರು – ಪುಣೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಟ್ರಕ್ ಚಲಿಸುತ್ತಿದ್ದ ವೇಳೆ ದುಷ್ಕರ್ಮಿಗಳು ಲಿಂಕಿಟ್ ಡಿವೈಸ್ ಮುರಿದು ಕಳ್ಳತನ ಮಾಡಿದ್ದಾರೆ. ಟ್ರಕ್ ಲಿಂಕಿಟ್ ಡಿವೈಸ್ ಮುರಿಯುತ್ತಿದ್ದಂತೆ ಕಂಪನಿಗೆ ಅಲರ್ಟ್ ಮೆಸೇಜ್ ಹೋಗಿದೆ. ಅಲರ್ಟ್ ಮೆಸೇಜ್ನಿಂದ ಲಾರಿ ಚಾಲಕನಿಗೆ ಕರೆ ಮಾಡಲಾಗಿದೆ. ಕಂಪನಿಯಿಂದ ಕರೆ ಬಂದ ಬಳಿಕ ಟ್ರಕ್ ಸೈಡ್ ನಿಲ್ಲಿಸಿದ್ದಾಗ ಕೃತ್ಯ ಬಯಲಾಗಿದೆ.
ಚಾಲಕರಿಗೆ ಶುರುವಾಯ್ತು ಆತಂಕ
ಮಲಿಕಜಾನ್ ಮುಲ್ಲಾ ಎಂಬುವವರಿಗೆ ಸೇರಿದ್ದ ಟ್ರಕ್ನಲ್ಲಿ ದರೋಡೆ ನಡೆದಿದ್ದು, ಮಧ್ಯರಾತ್ರಿ 1 ಗಂಟೆ ಹೊತ್ತಿನಲ್ಲಿ ನಡೆದಿರೋ ಬಗ್ಗೆ ಅನುಮಾನ ವ್ಯಕ್ತವಾಗಿದೆ. ಸದ್ಯ ಘಟನೆ ಸಂಬಂಧ ರಾಣೇಬೆನ್ನೂರು ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಹೆದ್ದಾರಿ ಸಿಸಿಟಿವಿ ಆಧಾರಿಸಿ ಪೊಲೀಸರು ತನಿಖೆ ಶುರುಮಾಡಿದ್ದಾರೆ. ಆದ್ರೆ, ಹೆದ್ದಾರಿ ರೋಡ್ ರಾಬರಿಯಿಂದ ಲಾರಿ ಮತ್ತು ಟ್ರಕ್ ಚಾಲಕರು ಆತಂಕಕ್ಕೆ ಒಳಗಾಗಿದ್ದಾರೆ.
ಸುಚಿತ್ರಾಳ ಮೊಬೈಲ್ ರಹಸ್ಯ ಬಟಾಬಯಲು; ಈಕೆಯ ಸಂಪರ್ಕದಲ್ಲಿದ್ದವರಿಗೆ ಪೊಲೀಸ್ ವಿಚಾರಣೆ ಶಾಕ್
