https://youtube.com/shorts/2dkIPQOWaBI?si=yWrxSqwrmu8x_ve-
Subscribe ನ್ಯೂಸಿಕ್ಸ್ ಕನ್ನಡ
newsics.com
ಮದುವೆ ಸಮಾರಂಭ ಮುಗಿದು ತನ್ನ ಗಂಡನ ಮನೆಗೆ ಕಾಲಿಡುತ್ತಿದ್ದಂತೆ ನವವಿವಾಹಿತೆಯೊಬ್ಬಳು ಹೆಣ್ಣು ಮಗುವಿಗೆ ಜನ್ಮ ನೀಡಿದ ಘಟನೆ ಉತ್ತರ ಪ್ರದೇಶದ ಕುಮ್ಹರಿಯಾ ಗ್ರಾಮದಲ್ಲಿ ನಡೆದಿದೆ.ಕುಮ್ಹರಿಯಾ ಗ್ರಾಮದ ನಿವಾಸಿ ರಿಜ್ವಾನ್, ತನ್ನ ಪಕ್ಕದ ಬಹದ್ದೂರ್ಗಂಜ್ ಹಳ್ಳಿಯ ಯುವತಿಯನ್ನು ಮದುವೆಯಾಗಿದ್ದಾನೆ.
ನವದಂಪತಿ, ಮದುವೆಗೂ ಮುನ್ನ ಕೆಲವು ತಿಂಗಳಿಂದ ಪರಸ್ಪರ ಪರಿಚಿತರಾಗಿದ್ದರು. ಅಲ್ಲದೆ, ಅವರಿಬ್ಬರು ಸಂಬಂಧದಲ್ಲಿದ್ದರು ಎಂದು ವರದಿಯಾಗಿದೆ. ಎಲ್ಲಿ ರಿಜ್ವಾನ್ ತನಗೆ ಮೋಸ ಮಾಡುತ್ತೇನೋ ಎಂಬ ಭಯದಿಂದ ಯುವತಿ ಇತ್ತೀಚೆಗೆ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಳು.
ಕೆಲವು ದಿನಗಳ ಹಿಂದೆ ಮಹಿಳೆ ತಮ್ಮ ಸಂಬಂಧವನ್ನು ಮದುವೆ ಮೂಲಕ ಅಧಿಕೃತಗೊಳಿಸಬೇಕೆಂದು ಕೋರಿ ಮುರ್ಸೈನಾ ಪೊಲೀಸ್ ಠಾಣೆಯನ್ನು ಸಂಪರ್ಕಿಸಿದ್ದಳು. ಇದಾದ ಬಳಿಕ, ಪೊಲೀಸ್ ಅಧಿಕಾರಿಗಳು ಮತ್ತು ಗ್ರಾಮದ ಮುಖ್ಯಸ್ಥರು ಮಧ್ಯಸ್ಥಿಕೆ ವಹಿಸಿ, ಮಾತನಾಡಿದಾಗ, ಎರಡೂ ಕುಟುಂಬಗಳು ಒಂದು ಒಪ್ಪಂದಕ್ಕೆ ಬಂದವು ಮತ್ತು ಮದುವೆಯ ದಿನಾಂಕವನ್ನು ನಿಗದಿಪಡಿಸಿದರು.
ಅಂತಿಮವಾಗಿ, ವರ ರಿಜ್ವಾನ್, ಶನಿವಾರ ಸಂಜೆ ತಮ್ಮ ಸಂಬಂಧಿಕರೊಂದಿಗೆ ಬಹದ್ದೂರ್ಗಂಜ್ಗೆ ಬಂದರು. ನಂತರ, ಸಾಂಪ್ರದಾಯಿಕ ಪದ್ಧತಿಗಳ ಪ್ರಕಾರ ವಿವಾಹ ನಡೆಯಿತು. ತಡರಾತ್ರಿಯೇ ವಧುವನ್ನು ಗಂಡನ ಮನೆಗೆ ಕಳುಹಿಸಲಾಯಿತು. ಸಂಭ್ರಮಾಚರಣೆಯ ನಡುವೆಯೇ ಆಕೆಯನ್ನು ಹೊಸ ಮನೆಗೆ ಸ್ವಾಗತಿಸಲಾಯಿತು. ಆದರೆ, ಮಧ್ಯರಾತ್ರಿಯ ಸುಮಾರಿಗೆ, ವಧು ಇದ್ದಕ್ಕಿದ್ದಂತೆ ತೀವ್ರವಾದ ಹೊಟ್ಟೆ ನೋವು ಅನುಭವಿಸಿದಳು. ಇದನ್ನು ಗಮನಿಸಿದ ಗಂಡನ ಮನೆಯವರು ತಕ್ಷಣ ಸ್ಥಳೀಯ ಮಹಿಳಾ ವೈದ್ಯರನ್ನು ಮನೆಗೆ ಕರೆಸಿದರು.ಭಾನುವಾರ ಬೆಳಗಿನ ಜಾವದ ವೇಳೆಗೆ ಪರಿಸ್ಥಿತಿ ಅನಿರೀಕ್ಷಿತ ತಿರುವು ಪಡೆದುಕೊಂಡಿತು. ಮನೆಯಲ್ಲಿ ಮಗು ಅಳುವ ಶಬ್ದ ಕೇಳಿಸಿತು. ಮದುವೆಯಾದ ಕೆಲವೇ ಗಂಟೆಗಳಲ್ಲಿ ವಧು, ಆರೋಗ್ಯವಂತ ಹೆಣ್ಣು ಮಗುವಿಗೆ ಜನ್ಮ ನೀಡಿರುವುದಾಗಿ ವೈದ್ಯರು ತಿಳಿಸಿದರು. ಇದೀಗ, ಎರಡೂ ಕುಟುಂಬಗಳು ತಾಯಿ ಮತ್ತು ನವಜಾತ ಶಿಶುವಿನ ಯೋಗಕ್ಷೇಮದ ಮೇಲೆ ಗಮನಹರಿಸಿವೆ.
ಯಾವಾಗ ಮಗು ಜನನವಾಯಿತೋ, ಕುಮ್ಹರಿಯಾ ಮತ್ತು ಹತ್ತಿರದ ಹಳ್ಳಿಗಳಲ್ಲಿ ಆ ಸುದ್ದಿ ವೇಗವಾಗಿ ಹರಡಿತು. ಅಲ್ಲದೆ, ಚರ್ಚೆಯ ವಿಷಯವಾಯಿತು. ಈ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿಯೂ ಚರ್ಚೆಗೀಡಾಗಿದೆ. ಅನೇಕ ನೆಟ್ಟಿಗರು ಹಾಸ್ಯಮಯ ಕಾಮೆಂಟ್ಗಳನ್ನು ಹಂಚಿಕೊಂಡರೆ, ಇತರರು ಮದುವೆಯಾದ ಬೆನ್ನಲ್ಲೇ ನಡೆದ ಈ ಘಟನೆಯ ಬಗ್ಗೆ ಆಘಾತ ವ್ಯಕ್ತಪಡಿಸಿದ್ದಾರೆ,
