Subscribe ನ್ಯೂಸಿಕ್ಸ್ ಕನ್ನಡ
newsics.com
ಬೆಂಗಳೂರಿನ ಕೆಫೆಯೊಂದರ ಮಾಲೀಕರು ಗ್ರಾಹಕರಿಗೆ ಶಾಕ್ ಕೊಟ್ಟಿದ್ದಾರೆ. ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ ಆಗುತ್ತಿದೆ. ಈ ಮಾಲೀಕರು ತಮ್ಮ ಕೆಫೆಯಲ್ಲಿ ಬೋರ್ಡ್ವೊಂದನ್ನ ಹಾಕಿದ್ದಾರೆ. ಅದರಲ್ಲಿ ʼಇಲ್ಲಿ ಸಭೆಗಳನ್ನ ನಿಷೇಧಿಸಲಾಗಿದೆ. 1 ತಾಸು ಕುಳಿತುಕೊಳ್ಳಬಹುದು. ಅದರಾಚೆ ನೀವು ಇಲ್ಲಿ ಸಮಯ ಕಳೆದರೆ ತಾಸಿಗೆ 1000 ರೂಪಾಯಿ ದಂಡ ವಿಧಿಸಲಾಗುವುದುʼ ಎಂದು ಹೇಳಿದ್ದಾರೆ. ಅಂದರೆ 1 ತಾಸುಗಳವರೆಗೆ ಯಾವುದೇ ಚಾರ್ಜ್ ಇರುವುದಿಲ್ಲ. ಆದರೆ ಮೀಟಿಂಗ್, ಕೆಲಸ ಎಂದು ನೀವು ಅದಕ್ಕೂ ಹೆಚ್ಚಿನ ಸಮಯ ಕಳೆದರೆ ದಂಡ ಕೊಡಬೇಕಾಗುತ್ತದೆ. ಗಂಟೆಗೆ 1000 ರೂಪಾಯಿಯಂತೆ, ಎಷ್ಟು ತಾಸು ಕಳೆಯುತ್ತೀರೋ, ಅಷ್ಟು ಸಾವಿರ ರೂಪಾಯಿ ದಂಡ ಇರಲಿದೆ.
ಕೆಫೆಗೆ ಬಂದವರು ತಾಸುಗಳ ಗಟ್ಟಲೆ ಅಲ್ಲೇ ಕುಳಿತಿದ್ದರೆ, ಹೊಸದಾಗಿ ಬಂದವರಿಗೆ ಜಾಗವಿಲ್ಲದೆ, ಅವರು ಬೇರೆ ಕಡೆಗೆ ಹೋಗುತ್ತಾರೆ. ಇದರಿಂದ ಮಾಲೀಕರಿಗೆ ನಷ್ಟವಾಗುತ್ತದೆ. ಟೇಬಲ್ಗಳು ದೀರ್ಘಕಾಲದವರೆಗೆ ಖಾಲಿ ಆಗುವುದಿಲ್ಲ. ಆದರೆ ಬೇರೆ ಆರ್ಡರ್ ಇರುವುದಿಲ್ಲ. ಹೊಸದಾಗಿ ಯಾರಾದ್ರೂ ಬಂದರೆ ಜಾಗವಿಲ್ಲ ಎಂದಾಕ್ಷಣ ಬೇರೆ ಕಡೆಗೆ ಹೋಗುತ್ತಾರೆ. ಈ ಸಮಸ್ಯೆಯನ್ನ ನೋಡಿ ಬೇಸತ್ತ ಮಾಲೀಕರೊಬ್ಬರು ಹೀಗೆ ಮಾಡಿದ್ದಾರೆ.
Shobhit Bakliwal ಎಂಬುವರು ತಮ್ಮ ಟ್ವಿಟರ್ನಲ್ಲಿ ಫೋಟೋ ಹಂಚಿಕೊಂಡಿದ್ದಾರೆ ಅದನ್ನ ನೋಡಿದ ಅನೇಕರು ಚರ್ಚೆಗೆ ಇಳಿದಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯೆ ನೀಡಿದ್ದಾರೆ. ಅನೇಕರು ಇದರ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು. ಮೊದಲಿನಿಂದಲೂ ಕೆಫೆಗಳು ಎಂದರೆ ಮೀಟಿಂಗ್, ದೀರ್ಘಾವಧಿ ಕೆಲಸಕ್ಕೆ ಅನುಕೂಲಕರವಾದ ಸ್ಥಳಗಳೇ ಆಗಿವೆ. ಈಗ ಏಕಾಏಕಿ ಹೀಗೆ ಸಾವಿರಾರು ರೂಪಾಯಿ ದಂಡ ವಿಧಿಸುವ ಬೋರ್ಡ್ ಹಾಕುವುದು ಗ್ರಾಹಕರಿಗೆ ಮಾಡುವ ಅವಮಾನ ಎಂದು ಹೇಳಿದ್ದಾರೆ. ಇನ್ನೂ ಕೆಲವರು ಮಾಲೀಕರನ್ನು ಬೆಂಬಲಿಸಿದರು, ಸಾಕಷ್ಟು ಆರ್ಡರ್ ಮಾಡದೆ ಗಂಟೆಗಟ್ಟಲೆ ಟೇಬಲ್ಗಳ ಸುತ್ತಲೂ ಕುಳಿತುಕೊಳ್ಳುವುದು ತಪ್ಪು ಮತ್ತು ಸಣ್ಣ ವ್ಯವಹಾರಗಳಿಗೆ ಆರ್ಥಿಕ ಹಾನಿಯನ್ನುಂಟುಮಾಡುತ್ತದೆ ಎಂದು ಹೇಳಿದರು.
ಮದುವೆಯಾಗಿ ಗಂಡನ ಮನೆಗೆ ಕಾಲಿಡುತ್ತಿದ್ದಂತೆ ಮಗುವಿಗೆ ಜನ್ಮ ನೀಡಿದ ನವವಿವಾಹಿತೆ
