Subscribe ನ್ಯೂಸಿಕ್ಸ್ ಕನ್ನಡ Newsics Kannada/ YouTube
newsics.com
ಪ್ರತಿದಿನ ಬೆಳಗ್ಗೆ ತಡವಾದರೂ ಏಳದ ತನ್ನಿಬ್ಬರು ಹೆಣ್ಣುಮಕ್ಕಳನ್ನು ಎಬ್ಬಿಸಲು ಮನೆಗೆ ಬ್ಯಾಂಡ್ ತರಿಸಿದ ಘಟನೆ ನಡೆದಿದೆ.
ನಿತ್ಯವೂ ತಡವಾಗಿ ಏಳುವ ತನ್ನಿಬ್ಬರು ಹೆಣ್ಣುಮಕ್ಕಳನ್ನು ಎಬ್ಬಿಸಲು ತಾಯಿಯೊಬ್ಬಳು ಮನೆಗೆ ಬ್ಯಾಂಡ್ ತರಿಸಿದ್ದಾಳೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು, ಎಲ್ಲರೂ ಈ ವಿಡಿಯೋಗೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ.
ಈ ವಿಡಿಯೋದಲ್ಲಿ ಇಬ್ಬರು ಪುರುಷರು ಡೋಲ್ ಮತ್ತು ಟ್ರಂಪೆಟ್ ಹಿಡಿದು ಮಲಗಿದ್ದ ಹೆಣ್ಣುಮಕ್ಕಳನ್ನು ಎಬ್ಬಿಸುತ್ತಿರುವ ದೃಶ್ಯ ಸೆರೆಯಾಗಿದೆ.
ಬ್ಯಾಂಡ್ನವರು ‘ಶ್ರೀರಾಮ್ ಜಾನಕಿ ಬೈಟೇ ಹೈ’ ಎಂಬ ಭಕ್ತಿಗೀತೆಗೆ ಸಂಗೀತ ನುಡಿಸಿದ್ದು, ಮಲಗಿದ್ದ ಹೆಣ್ಣುಮಕ್ಕಳು ಆಶ್ಚರ್ಯದಿಂದ ಎದ್ದು ಕುಳಿತಿದ್ದಾರೆ. ವಿಡಿಯೋದಲ್ಲಿ ಈ ಹೆಣ್ಣುಮಕ್ಕಳ ತಾಯಿ ಕಾಣಿಸುವುದಿಲ್ಲ. ಹೀಗಾಗಿ ಅವರೇ ವಿಡಿಯೋ ಮಾಡಿರಬಹುದು.
ವಿಡಿಯೋದಲ್ಲಿ ಬೆಳಗ್ಗೆ ತಡವಾದರೂ ನಿದ್ದೆ ಮಾಡುತ್ತಿದ್ದ ಇಬ್ಬರು ಹೆಣ್ಣುಮಕ್ಕಳು, ಬ್ಲ್ಯಾಂಕೆಟ್ ಹೊದ್ದು ಆರಾಮಾಗಿ ಮಲಗಿದ್ದಾರೆ. ಆಗ ತಾಯಿ ಇಬ್ಬರೂ ಮಕ್ಕಳನ್ನು ಎಬ್ಬಿಸಲು ಮನೆಗೆ ಬ್ಯಾಂಡ್ ಕರೆಸಿದ್ದಾರೆ.
ಡೋಲ್ ಮತ್ತು ಟ್ರಂಪೆಟ್ನೊಂದಿಗೆ ಮನೆಗೆ ಬಂದ ಇಬ್ಬರು ಪುರುಷರು, ಬೆಡ್ರೂಂನಲ್ಲಿ ಮಲಗಿದ್ದವರನ್ನು ಸಂಗೀತ ನುಡಿಸುವ ಮೂಲಕ ಎಬ್ಬಿಸುತ್ತಿದ್ದಾರೆ.
ಈ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಜನರು ಶೇರ್ ಮಾಡಿಕೊಂಡಿದ್ದಾರೆ. ಅಲ್ಲದೇ ತನ್ನಿಬ್ಬರು ಮಕ್ಕಳನ್ನು ಎಬ್ಬಿಸಲು, ಮನೆಗೆ ಬ್ಯಾಂಡ್ ಕರೆಸಿದ ತಾಯಿಯನ್ನು “ವರ್ಷದ ತಾಯಿ” ಎಂದು ಕೊಂಡಾಡಿದ್ದಾರೆ. ಇನ್ನೂ ಕೆಲವರು “ಈ ಅಮ್ಮ ಅಪಾಯಕಾರಿ” ಎಂದೂ ಹಾಸ್ಯಚಟಾಕಿ ಹಾರಿಸಿದ್ದಾರೆ.
https://twitter.com/i/status/1981920335487488052
