Subscribe NewsicsKannada/YouTube
newsics.com
ಚೀನಾದ ಶೆನ್ಯಾಂಗ್ ರಾಸಾಯನಿಕ ತಂತ್ರಜ್ಞಾನ ವಿಶ್ವವಿದ್ಯಾಲಯದ ಸಂಶೋಧಕರು ಮಣ್ಣಿನಲ್ಲಿ ಕರಗುವ ಪ್ಲಾಸ್ಟಿಕ್ ಕಂಡುಹಿಡಿದಿದ್ದಾರೆ.
ಬಿದಿರಿನ ಸೆಲ್ಯುಲೋಸ್ನಿಂದ 50 ದಿನಗಳಲ್ಲಿ ಮಣ್ಣಿನಲ್ಲಿ ಕರಗುವ ಜೈವಿಕ ವಿಘಟನೀಯ ಪ್ಲಾಸ್ಟಿಕ್ನ್ನು ಪತ್ತೆಹಚ್ಚಿದ್ದಾರೆ.
ಚೀನಾದ ಸಂಶೋಧಕರು ಪ್ಲಾಸ್ಟಿಕ್ ಎಂಬ ಪೆಡಂಭೂತಕ್ಕೆ ಪರ್ಯಾಯವಾಗಿ ಬಿದಿರಿನ ಮೊರೆ ಹೋಗಿದ್ದಾರೆ. ಈ ಸಸ್ಯವನ್ನು ಪ್ಲಾಸ್ಟಿಕ್ ಆಗಿ ಪರಿವರ್ತಿಸುವ ಮಾರ್ಗವನ್ನು ಕಂಡುಕೊಂಡಿದ್ದಾರೆ.
ಪ್ಲಾಸ್ಟಿಕ್ ಬದಲಿಗೆ ಈಗಾಗಲೇ ಹಗುರವಾದ, ಹೊಂದಿಕೊಳ್ಳುವ ಅನೇಕ ಜೈವಿಕ ವಿಘಟನೀಯ ವಸ್ತುಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಬಾಳಿಕೆ ಬರುವ ಅಥವಾ ಗಟ್ಟಿಮುಟ್ಟಾದ ಪ್ಲಾಸ್ಟಿಕ್ ಬದಲಿ ಆಯ್ಕೆಯಾಗಿ ಬಿದಿರಿನ ಪರ್ಯಾಯ ವಿನ್ಯಾಸಗೊಳಿಸಲಾಗಿದೆ.
ಚೀನಾದ ಈಶಾನ್ಯದಲ್ಲಿರುವ ಶೆನ್ಯಾಂಗ್ ರಾಸಾಯನಿಕ ತಂತ್ರಜ್ಞಾನ ವಿಶ್ವವಿದ್ಯಾಲಯದ ದಾವೇ ಝಾವೊ ಮತ್ತು ಅವರ ಸಹೋದ್ಯೋಗಿಗಳು ಬಿದಿರಿನ ಸೆಲ್ಯುಲೋಸ್ನಿಂದ ಪ್ಲಾಸ್ಟಿಕ್ ಉತ್ಪಾದಿಸುವ ವಿಧಾನವನ್ನು ಅಭಿವೃದ್ಧಿಪಡಿಸಿದ್ದಾರೆ
ಇದು ಪರ್ಯಾಯ ಜೈವಿಕ ವಿಘಟನೀಯ ಆಯ್ಕೆಗಳಲ್ಲದೆ ಯಾಂತ್ರಿಕ ಶಕ್ತಿ ಮತ್ತು ಉಷ್ಣ-ಯಾಂತ್ರಿಕ ಗುಣಲಕ್ಷಣಗಳನ್ನೂ ಮೀರಿಸುತ್ತದೆ ಎಂದು ಅವರು ಹೇಳಿದ್ದಾರೆ.
ಬಿದಿರಿನಿಂದ ಪ್ಲಾಸ್ಟಿಕ್: ಹೇಗೆ?
ದಾವೇ ಝಾವೊ ಅವರ ಬಿದಿರಿನಿಂದ ಪ್ಲಾಸ್ಟಿಕ್ ತಯಾರಿಸುವ ವಿಧಾನವು ಬಿದಿರಿನಿಂದ ಸೆಲ್ಯುಲೋಸ್ ತೆಗೆದುಕೊಂಡು ಅದನ್ನು ಸತು ಕ್ಲೋರೈಡ್ ಮತ್ತು ಸರಳ ಆಮ್ಲಕ್ಕೆ ಒಳಪಡಿಸುತ್ತದೆ.
ಈ ಸಸ್ಯ ನಾರನ್ನು ಒಟ್ಟಿಗೆ ಹಿಡಿದಿಟ್ಟುಕೊಳ್ಳುವ ಸಂಕೀರ್ಣ ಪಾಲಿಸ್ಯಾಕರೈಡ್ ಬಂಧಗಳನ್ನು ಒಡೆಯುತ್ತದೆ. ನಂತರ ಸಣ್ಣ ಅಣುಗಳಿಗೆ ಎಥೆನಾಲ್ ಸೇರಿಸಲಾಗುತ್ತದೆ.
ಈ ಎಥೆನಾಲ್ ಸೆಲ್ಯುಲೋಸ್ ಅಣುಗಳನ್ನು ಬಲವಾದ, ಘನೀಕೃತ ಪ್ಲಾಸ್ಟಿಕ್ ಆಗಿ ಮರುಹೊಂದಿಸುತ್ತದೆ. ಈ ಕ್ರಿಯೆ ಇಂಜೆಕ್ಷನ್, ಮೋಲ್ಡಿಂಗ್ ಮತ್ತು ಯಂತ್ರ ಉತ್ಪಾದನಾ ತಂತ್ರಗಳಲ್ಲಿ ಬಳಸಬಹುದಾದ ಪ್ಲಾಸ್ಟಿಕ್ ಅಭಿವೃದ್ಧಿಪಡಿಸುತ್ತದೆ.
ಈ ಪ್ಲಾಸ್ಟಿಕ್ನ ಗಡಸುತನವು ಸಾಮಾನ್ಯವಾಗಿ ಬಳಸುವ ಎಂಜಿನಿಯರಿಂಗ್ ಪ್ಲಾಸ್ಟಿಕ್ಗಳಿಗೆ ಹೋಲಿಸಬಹುದು ಮತ್ತು ಇದನ್ನು ವಾಹನಗಳು, ಉಪಕರಣಗಳು ಮತ್ತು ನಿರ್ಮಾಣದಲ್ಲಿ ಬಳಸಬಹುದು ಎಂದು ಅಧ್ಯಯನ ಹೇಳಿದೆ.
ಝಾವೋ ಮತ್ತು ಅವರ ತಂಡವು ನೇಚರ್ನಲ್ಲಿ ಬಿದಿರಿನ ಪ್ಲಾಸ್ಟಿಕ್ನ ಪ್ರಕ್ರಿಯೆ ಮತ್ತು ಗುಣಲಕ್ಷಣಗಳ ಕುರಿತು ಒಂದು ಪ್ರಬಂಧವನ್ನು ಪ್ರಕಟಿಸಿದೆ.
ಮಣ್ಣಿನಲ್ಲಿ ಕರಗದ ಪ್ಲಾಸ್ಟಿಕ್ಗಳ ಬದಲಿಗೆ ಬಿದಿರಿನಿಂದ ತಯಾರಿಸಿದ ಜೈವಿಕ ವಿಘಟನೀಯ ಪ್ಲಾಸ್ಟಿಕ್ ಹೆಚ್ಚು ಬಾಳಿಕೆ ಬರುತ್ತದೆ ಮತ್ತು ಪರಿಸರ ಮತ್ತು ತ್ಯಾಜ್ಯ ಹರಿವಿನಲ್ಲಿನ ಒಟ್ಟಾರೆ ಪ್ಲಾಸ್ಟಿಕ್ ಹೊರೆಯನ್ನು ಕಡಿಮೆ ಮಾಡಬಹುದು ಎಂದು ಅವರು ಹೇಳಿದ್ದಾರೆ.
ಈ ಹೊಸ ಮಾದರಿಯ ಪ್ಲಾಸ್ಟಿಕ್ ಇದು 50 ದಿನಗಳಲ್ಲಿ ಮಣ್ಣಿನಲ್ಲಿ ಸಂಪೂರ್ಣವಾಗಿ ಕೊಳೆಯುತ್ತದೆ ಎಂದು ಅವರು ತಿಳಿಸಿದ್ದಾರೆ.
