Newsics_Kannada
Subscribe and watch video
ನ್ಯೂಸಿಕ್ಸ್ ಕನ್ನಡ
ಬನ್ನಿ ನಮ್ ಸಂಗಡ
newsics.com
ಈರುಳ್ಳಿ ಅಡುಗೆ ರುಚಿಯನ್ನು ಹೆಚ್ಚಿಸುತ್ತದೆ. ಈರುಳ್ಳಿ ಹೊಂಬಣ್ಣ ಬರೋವರೆಗೂ ಫ್ರೈ ಮಾಡಿದಾ ಒಂದು ಸುಮಧುರ ಪರಿಮಳ ಬರುತ್ತದೆ. ಈ ರೀತಿ ಈರುಳ್ಳಿ ಫ್ರೈ ಮಾಡಿ ಅಡುಗೆ ಸೇರಿಸಿದ್ರೆ ಅದರ ರುಚಿಯೂ ಹೆಚ್ಚಾಗುತ್ತದೆ.ಈರುಳ್ಳಿ ಸೇವನೆ ಆರೋಗ್ಯಕ್ಕೂ ತುಂಬಾ ಒಳ್ಳೆಯದು. ಜೀರ್ಣಕಾರಿ ಶಕ್ತಿ ಸುಧಾರಿಸಲು, ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು, ರೋಗನಿರೋಧಕ ಶಕ್ತಿ ಬಲಪಡಿಸುವ ಕೆಲಸವನ್ನು ಈರುಳ್ಳಿ ಮಾಡುತ್ತದೆ.
ಕೆಲವೊಮ್ಮೆ ಈರುಳ್ಳಿ ಸಿಪ್ಪೆ ಮೇಲೆ ಮಸಿಯ ರೀತಿಯ ಕಪ್ಪು ಕಾಣುತ್ತದೆ. ಈ ರೀತಿಯಾಗಿರೋ ಈರುಳ್ಳಿಯನ್ನು ತಿನ್ನಬೇಕಾ ಅಥವಾ ಬೇಡವಾ ಅನ್ನೋ ಗೊಂದಲ ಬಹುತೇಕರಲ್ಲಿರುತ್ತದೆ.
ಈರುಳ್ಳಿಯ ಮೇಲೆ ಕಪ್ಪು ಚುಕ್ಕೆಗಳು ಏಕೆ ಕಾಣಿಸಿಕೊಳ್ಳುತ್ತವೆ? ಈರುಳ್ಳಿಯ ಮೇಲೆ ಕಪ್ಪು ಚುಕ್ಕೆ ಬರಲು ಮುಖ್ಯ ಕಾರಣ ‘ಆಸ್ಪರ್ಜಿಲಸ್ ನೈಗರ್’ ಅಥವಾ ಕೆಲವು ಬ್ಯಾಕ್ಟೀರಿಯಾ ಎಂಬ ಶಿಲೀಂಧ್ರ. ಈ ಕಲೆ ಹೊರಭಾಗದಲ್ಲಿ ಮಾತ್ರವಲ್ಲದೆ ಒಳಭಾಗದಲ್ಲಿಯೂ ಆಳವಾಗಿ ಬೆಳೆಯಬಹುದು. ಆದ್ದರಿಂದ, ಮೇಲಿನ ಪದರವನ್ನು ತೆಗೆದು ತೊಳೆದರೆ ಸಾಕು ಎಂದು ಭಾವಿಸುವುದು ಅಪಾಯಕಾರಿ.
ಈ ಫಂಗಸ್ ಇರುವ ಈರುಳ್ಳಿಯನ್ನು ತಿನ್ನದೇ ಇರೋದು ಉತ್ತಮ. ಯಾಕಂದ್ರೆ ಈ ಶಿಲೀಂಧ್ರವು ನಮ್ಮ ದೇಹದಲ್ಲಿ ಅಲರ್ಜಿಯನ್ನ ಉಂಟು ಮಾಡೋ ಸಾಧ್ಯತೆ ಇದೆ. ಹಾಗಾಗಿ ವಿಶೇಷವಾಗಿ ಅಲರ್ಜಿಯಿಂದ ಬಳಲುತ್ತಿರುವ ಜನರು ಈ ರೀತಿಯಾಗಿ ಕಪ್ಪು ಫಂಗಸ್ ಇರುವಂತಹ ಈರುಳ್ಳಿಯನ್ನ ತಿನ್ನಬಾರದು.
ಅಷ್ಟೇ ಅಲ್ಲ ನಿಮಗೆ ಅಸ್ತಮಾ ಅಥವಾ ಉಸಿರಾಟದ ಸಮಸ್ಯೆ, ಶ್ವಾಸಕೋಶದ ಸಮಸ್ಯೆ ಕಾಣಿಸಿಕೊಂಡಿದ್ದರೂ ಸಹ ಈ ಈರುಳ್ಳಿ ತಿನ್ನಬಾರದು. ಇದರಿಂದ ನಿಮಗೆ ಹೆಚ್ಚಿನ ಹಾನಿ ಉಂಟಾಗುವ ಚಾನ್ಸ್ ಇದೆ.
