Newsics_Kannada
Subscribe and watch video
ನ್ಯೂಸಿಕ್ಸ್ ಕನ್ನಡ
ಬನ್ನಿ ನಮ್ ಸಂಗಡ
newsics. com
ಕಲಿಯುಗದಲ್ಲಿ ನಡೆಯುತ್ತಿರುವ ಕೆಲವು ಘಟನೆಗಳು ಅಚ್ಚರಿ ಮೂಡಿಸುತ್ತಿವೆ. ಇದನ್ನು ಕಂಡು ಜನರು ಬೆರಗಾಗುತ್ತಿದ್ದಾರೆ.ಒಂದೆಡೆ ಪ್ರೀತಿ ಪ್ರೇಮ ಪುಸ್ತಕದ ಬದನೆಕಾಯಿ ಎನ್ನುವವರಿದ್ದರೆ, ಇನ್ನೊಂದೆಡೆ ಪ್ರೀತಿ ಮಾಯೆ ಹುಷಾರು…ಇಲ್ಲಿ ಏನು ಬೇಕಾದ್ರೂ ನಡೆಯುತ್ತೆ ಎಂಬುದನ್ನು ನಿರೂಪಿಸುವವರು ಇದ್ದಾರೆ. ಹೌದು, ಇಲ್ಲಿ ಪ್ರೀತಿ ಕುರುಡು ನಿಜ, ವಯಸ್ಸು ಕೂಡ ಲೆಕ್ಕಕ್ಕಿಲ್ಲ ಎಂಬುದನ್ನು ನಿರೂಪಿಸಲು ಹೊರಟಿದ್ದಾರೆ ಈ ಜೋಡಿ.ತನ್ನ ಜೊತೆ ಓದುತ್ತಿದ್ದ ಸಹಪಾಠಿಯ ಗೆಳತಿಯ ತಾಯಿಯನ್ನೇ ವಿದ್ಯಾರ್ಥಿಯೊಬ್ಬ ಪ್ರೀತಿ ಮಾಡಿ, ಮದುವೆಯಾಗಿದ್ದಾನೆ.
ಜಪಾನ್ನ ಶಿಜುವೊಕಾ ಪ್ರಾಂತ್ಯದ 33 ವರ್ಷದ ಇಸಾಮು ಟೊಮಿಯೋಕಾ 54 ವರ್ಷದ ಮಿಡೋರಿಳನ್ನು ಮೊದಲು ತನ್ನ ಶಾಲೆಯ ದಿನಗಳಲ್ಲಿ ಪೇರೇಂಟ್ಸ್ ಮೀಟಿಂಗ್ನಲ್ಲಿ ಭೇಟಿಯಾಗಿದ್ದನು. ಬಳಿಕ ಇಬ್ಬರು ಅವರವರ ಕೆಲಸ ಮಾಡಿಕೊಂಡಿದ್ದರು. ಹಲವಾರು ವರ್ಷಗಳ ಬಳಿಕ ಒಮ್ಮೆ ಆಕಸ್ಮಿಕವಾಗಿ ಬ್ಯೂಟಿ ಸಲೂನ್ಗೆ ಹೋಗಿದ್ದಾಗ ಇಬ್ಬರ ಮಧ್ಯೆ ಮತ್ತೆ ಸಂಪರ್ಕ ಏರ್ಪಟ್ಟು, ಪ್ರೀತಿಯಾಗಿ ಅರಳಿತ್ತು.
ಇತ್ತೀಚೆಗಷ್ಟೇ ಮಿಡೋರಿ ತನ್ನ ಪತಿಯಿಂದ ಡಿವೋರ್ಸ್ ಪಡೆದಿದ್ದಳು. ಬ್ಯೂಟಿ ಸಲೂನ್ನಲ್ಲಿ ಮಿಡೋರಿಳನ್ನು ನೋಡಿದಾಗ ಅಳೆಯ ನೆನಪನ್ನು ಮಾಡಿಕೊಂಡಿದ್ದಾರೆ.
ಯಾವಾಗ ಇಬ್ಬರು ಮದುವೆ ಬಗ್ಗೆ ಆಲೋಚನೆ ಮಾಡಿದರೋ ಅವಾಗ ಮಿಡೋರಿ ಕುಟುಂಬಸ್ಥರಿಂದ ಬಲವಾದ ವಿರೋಧ ವ್ಯಕ್ತವಾಯಿತು. ಇಸಾಮುಗೆ ಎಚ್ಚರಿಕೆ ನೀಡಿ, ಆಕೆಗೆ ಈಗ 51 ವರ್ಷಗಳು, ನಿನಗಿಂತ 21 ವರ್ಷ ದೊಡ್ಡವಳು. ನಿನ್ನ ವಯಸ್ಸಿನವರನ್ನೇ ಮದುವೆಯಾಗು ಎಂದು ಬುದ್ಧಿವಾದ ಹೇಳಿದರು.
ಇಸಾಮು ತನ್ನ ಪ್ರೀತಿ ಎಂಥಹದ್ದು ಎಂದು ತೋರಿಸಲು ಆಕೆಗಾಗಿ ದುಬಾರಿ ಮನೆಯೊಂದು ಖರೀದಿ ಮಾಡಿದನು. 38 ಮಿಲಿಯನ್ ಯೆನ್ ಅಂದರೆ ಭಾರತದ ಹಣ 2,26,33,252 ರೂಪಾಯಿ ಮೌಲ್ಯದ ನಿವಾಸ ಖರೀದಿ ಮಾಡಿ ನಾವು ಒಟ್ಟಿಗೆ ಬಾಳುತ್ತೇವೆ ಎಂದು ಮಹಿಳೆಯ ಕುಟುಂಬಸ್ಥರಿಗೆ ಹೇಳಿದನು. ಹೀಗಾಗಿ ಈ ಇಬ್ಬರು 2024ರ ಜುಲೈನಲ್ಲಿ ಅಧಿಕೃತವಾಗಿ ಮದುವೆಯಾದರು. ಇಸಾಮು, ಮಿಡೋರಿಗಿಂತ ಚಿಕ್ಕವನಾದರೂ ಆಕೆಯ ಮಗಳಿಗೆ ಮಲತಂದೆಯಾಗಿದ್ದಾನೆ. ಮಲತಂದೆ ಆಗಿರುವುದು ಅಷ್ಟೇ ಅಲ್ಲ, ಆಕೆಯ ನಾಲ್ವರು ಮೊಮ್ಮಕ್ಕಳಿಗೆ ಅಜ್ಜ ಕೂಡ ಆಗಿದ್ದಾರೆ.
