newsics.com
Realme ರಿಯಲ್ಮಿಯ ಬರೋಬ್ಬರಿ 15,000mAh ಸಾಮರ್ಥ್ಯದ ಬ್ಯಾಟರಿ ಆಯ್ಕೆ ಇರುವ ಮೊಬೈಲ್ ಈಗಾಗಲೇ ಟೆಕ್ ವಲಯದಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ರಿಯಲ್ಮಿ ಸ್ಮಾರ್ಟ್ಫೋನ್ ಬ್ಯಾಟರಿಗಳ ಭವಿಷ್ಯದ ಬಗ್ಗೆ ಸುಳಿವು ನೀಡಿದೆ. ಚೀನಾದ ಬ್ರ್ಯಾಂಡ್ ಇತ್ತೀಚೆಗೆ ಬೃಹತ್ 15,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿರುವ ಕಾನ್ಸೆಪ್ಟ್ ಸ್ಮಾರ್ಟ್ಫೋನ್ನ್ನು ಬಿಡುಗಡೆ ಮಾಡಿದೆ. ಇದು ಅದರ ಹಿಂದಿನ 10,000mAh ಕಾನ್ಸೆಪ್ಟ್ ಫೋನ್ಗಳಿಗಿಂತ ಗಮನಾರ್ಹ ಏರಿಕೆಯಾಗಿದೆ.
ಈ ಹೊಸ ಡಿವೈಸ್ ಅದರ ಪ್ರಸ್ತುತ ಗ್ರಾಹಕ ಫೋನ್ಗಳ ಬ್ಯಾಟರಿ ಸಾಮರ್ಥ್ಯವನ್ನು ಎರಡು ಪಟ್ಟು ಹೆಚ್ಚು ಹೊಂದಿರುತ್ತದೆ. ಆದರೆ ಇದು ಕಾನ್ಸೆಪ್ಟ್ ಫೋನ್ ಮತ್ತು ವಾಣಿಜ್ಯ ಉತ್ಪನ್ನವಲ್ಲ ಎಂಬುದನ್ನು ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯವಾದ ವಿಷಯವಾಗಿದೆ.
ರಿಯಲ್ಮಿ ತನ್ನ ಅಧಿಕೃತ X (ಹಿಂದಿನ ಟ್ವಿಟರ್) ಹ್ಯಾಂಡಲ್ನಲ್ಲಿ ಟೀಸರ್ ಅನ್ನು ಹಂಚಿಕೊಂಡಿದ್ದು, ಅದರ ಹಿಂಭಾಗದಲ್ಲಿ “15,000mAh” ಎಂದು ಬರೆದಿರುವ ಫೋನ್ ಅನ್ನು ಹೈಲೈಟ್ ಮಾಡಿದೆ. ಇದು ಕಂಪನಿಯ ನವೀನ ಬ್ಯಾಟರಿ ತಂತ್ರಜ್ಞಾನದತ್ತ ಗಮನ ಹರಿಸುವುದನ್ನು ಸೂಚಿಸುತ್ತದೆ.
15,000mAh ಬ್ಯಾಟರಿಯನ್ನು ಹೊಂದಿರುವ ಈ ರಿಯಲ್ಮಿ ಕಾನ್ಸೆಪ್ಟ್ ಫೋನ್ 50 ಗಂಟೆಗಳ ವಿಡಿಯೋ ಪ್ಲೇಬ್ಯಾಕ್ ಅನ್ನು ಒದಗಿಸುತ್ತದೆ. ಒಂದೇ ಚಾರ್ಜ್ನಲ್ಲಿ ಐದು ದಿನಗಳವರೆಗೆ ಆರಾಮವಾಗಿ ಬಳಕೆ ಮಾಡಬಹುದಾಗಿದೆ.
ಕಂಪನಿಯು ಇತ್ತೀಚಿನ X ಪೋಸ್ಟ್ನಲ್ಲಿ, ಇದು ಬ್ಯಾಟರಿ ಬಾಳಿಕೆ ಅಲ್ಲ. ಇದು ಬ್ಯಾಟರಿ ಸ್ವಾತಂತ್ರ್ಯ. 25 ಚಲನಚಿತ್ರಗಳನ್ನು ವೀಕ್ಷಿಸಿ, 30 ಗಂಟೆಗಳ ಕಾಲ ನಿರಂತರವಾಗಿ ಪ್ಲೇ ಮಾಡಿ, ಅಥವಾ 3 ತಿಂಗಳು ಸ್ಟ್ಯಾಂಡ್ಬೈ ಮೋಡ್ನಲ್ಲಿ ಇಡಿ, ಎಲ್ಲವೂ ಬೃಹತ್ 15,000mAh ಬ್ಯಾಟರಿಯೊಂದಿಗೆ ಎಂದು ಉಲ್ಲೇಖ ಮಾಡಿದೆ.
ಕ್ರಾಂತಿಕಾರಿ 320W ಸೂಪರ್ಸಾನಿಕ್ ಚಾರ್ಜಿಂಗ್
ಈ ರಿಯಲ್ಮಿ ಕಾನ್ಸೆಪ್ಟ್ ಫೋನ್ 320W ಸೂಪರ್ಸಾನಿಕ್ ಫಾಸ್ಟ್ ಚಾರ್ಜರ್ ಅನ್ನು ಹೊಂದಿದೆ.ಈ ಸಾಧನವು ಅರೆ ಪಾರದರ್ಶಕ ಬ್ಯಾಕ್ ಪ್ಯಾನಲ್ ಮತ್ತು ಸ್ಲಿಮ್ 8.5mm ಪ್ರೊಫೈಲ್ನೊಂದಿಗೆ ಕಾಣಿಸಿಕೊಂಡಿದೆ. ತೂಕವನ್ನು ಕಡಿಮೆ ಮಾಡಲು, ಕಂಪನಿಯು ಸಿಲಿಕಾನ್-ಕಾರ್ಬನ್ ಬ್ಯಾಟರಿಯನ್ನು ಬಳಕೆ ಮಾಡಿದೆ ಎನ್ನಲಾಗಿದೆ.
ರಿಯಲ್ಮಿ ತನ್ನ 320W ಸೂಪರ್ಸಾನಿಕ್ ಚಾರ್ಜಿಂಗ್ ತಂತ್ರಜ್ಞಾನದಲ್ಲಿ ಕೇವಲ ಎರಡು ನಿಮಿಷಗಳಲ್ಲಿ ಫೋನ್ನ ಬ್ಯಾಟರಿಯನ್ನು ಶೇಕಡಾ 50 ರಷ್ಟು ಚಾರ್ಜ್ ಮಾಡುತ್ತದೆ ಎಂದು ಕಂಪನಿ ಹೇಳಿದೆ.
ಈ ನಡುವೆ ರಿಯಲ್ಮಿ ಇತ್ತೀಚೆಗೆ ಭಾರತದಲ್ಲಿ ತನ್ನ ಹೊಸ P4 ಸರಣಿಯ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ಎರಡು ಮಾದರಿಗಳಿವೆ: ರಿಯಲ್ಮಿ P4 ಪ್ರೊ ಮತ್ತು ರಿಯಲ್ಮಿ P4. ಎರಡೂ ಸ್ಮಾರ್ಟ್ಫೋನ್ಗಳು 80W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುವ ದೊಡ್ಡ 7,000mAh ಬ್ಯಾಟರಿಯನ್ನು ಹೊಂದಿವೆ.
